அரம்பை | சர்க்கம் – 026 (61)

Rambha | Sarga-026 | Uththara Ramayana in Tamil

பகுதியின் சுருக்கம்: நளகூபரனிடம் சென்று கொண்டிருந்த ரம்பையை, பாலியல் வன்கொடுமைக்குட்படுத்திய ராவணன்; நடந்ததை உள்ளபடியே நளகூபரனிடம் சொன்ன ரம்பை; ராவணன் அடைந்த சாபம்...

{அகஸ்தியர் ராமனிடம்}... வீரியவானான அந்த தசக்ரீவன் {பத்துக் கழுத்துகளைக் கொண்ட ராவணன்}, தன் சைனியத்துடன் அங்கே {கைலாசத்தில்} இருந்தபோது, தினகரன் அஸ்தத்தை {சூரியன் அஸ்த மலையை / மறைவை} அடைந்ததால், தன் வசிப்பிடத்தை {முகாமை} அமைத்துக் கொள்ள விரும்பினான்.(1) பர்வதத்திற்குத் துல்லியமான ஒளியைக் கொண்ட {அந்தக் கைலாச மலையைப் போலவே வெண்மையாக விளங்கிய}, விமலமான சந்திரன் உதித்தபோது, தாக்குதலுக்குரிய நானாவித ஆயுதங்களுடன் கூடிய மஹத்தான சைனியம் {ராவணனின் பெரும் படை} உறக்கத்தில் ஆழ்ந்தது.(2) மஹாவீரியவானான அந்த ராவணனோ, சைலமூர்த்தத்தில் {மலையுச்சியில்} அமர்ந்திருந்தவனாக, அங்கே சந்திரனின் கதிர்களால் சோபிக்கும் குணங்களை {அழகுறும் இயற்கையழகைக்} கண்டான்.(3)

மருத்தன் | சர்க்கம் – 018 (36)

Maruttha | Sarga-018 | Uththara Ramayana in Tamil

பகுதியின் சுருக்கம்: இராவணனுடனான போரில் இருந்து விலகிய மருத்தன்; தாங்கள் மறைந்து கொள்ள இடமளித்த உயிரினங்களுக்கு வரங்களைக் கொடுத்த தேவர்கள்...

{அகஸ்தியர் ராமனிடம்}... வேதவதி ஹுதாசனத்திற்குள் {நெருப்புக்குள்} பிரவேசித்த பிறகு, அந்த ராவணன் புஷ்பகத்தில் ஏறி, மேதினியைச் சுற்றி வந்தான்.(1) பிறகு, உசீரபீஜத்தை {உசீர பீஜம் / காந்தாரம் என்ற நாட்டை} அடைந்து, நிருபதியான {மன்னனான} மருத்தன் யஜ்ஞம் செய்வதைக் கண்டான்.(2) சாக்ஷாத் பிருஹஸ்பதியின் பிராதாவும் {நேரடியாகப் பிருஹஸ்பதியுடன் பிறந்தவரும்}, தர்மஜ்ஞரும் {தர்மத்தை அறிந்தவரும்}, சம்வர்த்தர் என்ற பெயருடையவருமான பிரம்மரிஷி, சர்வ தேவ கணங்கள் சூழ, அங்கே {காந்தாரத்தில்} யாகம் செய்வித்துக் கொண்டிருந்தார்.(3) 

    அந்த ராக்ஷசன் {ராவணன்} பெற்ற வரங்களால் வெல்லப்பட முடியாதவனாக இருப்பதை தேவர்கள் கண்டனர். அவனைக் கண்டு பீதியடைந்த அவர்கள் திர்யக்யோனிகளுக்குள் நுழைந்தனர் {அச்சமடைந்த தேவர்கள் விலங்குகள், பறவைகளின் உடல்களுக்குள் மறைந்து கொண்டனர்}.(4) இந்திரன் மயூரமாகவும் {மயிலாகவும்}, தர்மராஜா வாயஸமாகவும் {யமன் காகமாகவும்} மாறினர். தனாதியக்ஷன் {குபேரன்} ஓணானாகவும், வருணன் ஹம்சமாகவும் {அன்னப்பறவையாகவும்} மாறினர்.(5)

புஷ்பக விமானம் | சர்க்கம் – 015 (45)

The Pushpaka vimana - The ariel car | Sarga-015 | Uththara Ramayana in Tamil

பகுதியின் சுருக்கம்: இராக்ஷசர்களுக்கும், யக்ஷர்களுக்கும் இடையில் நடந்த யுத்தம்; புஷ்பக விமானத்தைக் கவர்ந்து சென்ற ராவணன்...

பிறகு, ஆயிரக்கணக்கான யக்ஷேந்திரர்கள் அஞ்சி ஓடுவதைக் கண்ட தனாதியக்ஷன் {குபேரன்}, மஹாயக்ஷனான மாணிசரனை {மாணிபத்ரனை} நோக்கி இதை கூறினான்:(1) "இயக்ஷேந்திரா, துர்விருத்தனும் {தீய நடத்தை கொண்டவனும்}, பாவ சித்தம் கொண்டவனுமான ராவணனைக் கொல்வாயாக. யுத்தசாலிகளான யக்ஷ வீரர்களுக்கு நீ அடைக்கலம் கொடுப்பாயாக" {என்றான் குபேரன்}.(2)

இயக்ஷராக்ஷச யுத்தம் | சர்க்கம் – 014 (30)

The war between Yakshas and Rakshasas | Sarga-014 | Uththara Ramayana in Tamil

பகுதியின் சுருக்கம்: இராவணனும், அவனது மந்திரிமாரும், யக்ஷர்கள் மீது தொடுத்த தாக்குதல்...

அவன் {ராவணன்}, நித்யம் பலம் மிக்கவர்களான ஆறு அமைச்சர்களுடன் சென்றான். அவர்கள் மஹோதரன், பிரஹஸ்தன், மாரீசன், சுகன், சாரணன்,(1) நித்யம் சமர்செய்யத் துடிக்கும் வீரனான தூம்ராக்ஷன் ஆகியோராவர். இந்தப் புகழ்மிக்கவர்களால் சூழப்பட்ட அந்த ஸ்ரீமான் {ராவணன்}, உலகங்களை எரித்து விடுபவனைப் போலக் குரோதத்துடன் சென்றான்.(2) அவன் புரங்கள் {நகரங்கள்}, நதிகள், சைலங்கள், வனங்கள், உபவனங்கள் பலவற்றை ஒரு முஹூர்த்தத்தில் கடந்து சென்று, கைலாச கிரியை அடைந்தான்.(3)

ஏகாக்ஷிபிங்களன் | சர்க்கம் – 013 (42)

The one with a yellow eye | Sarga-013 | Uththara Ramayana in Tamil

பகுதியின் சுருக்கம்: இராவணன் ஆணையின் பேரில் கட்டப்பட்ட மாளிகையில் கும்பகர்ணன் துயிலச் சென்றது; இராவணனின் அத்துமீறல்கள்; குபேரனால் அனுப்பப்பட்ட தூதன் கொல்லப்பட்டது...

சிறிது காலத்திற்குப் பிறகு லோகேஷ்வரனால் {பிரம்மனால்} அனுப்பப்பட்ட நித்திரையானவள் ரூபம் கொண்டு வந்து கும்பகர்ணனை ஆட்கொண்டாள்.(1) அப்போது ஆசனத்தில் அமர்ந்திருந்த பிராதாவிடம் {ராவணனிடம்}, கும்பகர்ணன் இந்தச் சொற்களைக் கூறினான், "நித்திரை என்னைப் பெரிதும் வருத்துகிறது. இராஜரே, எனக்கு ஓர் ஆலயத்தை {வசிப்பிடத்தை} அமைப்பீராக" {என்றான்}.(2)

குபேரனிடம் இருந்து லங்கையை அடைந்தது | சர்க்கம் – 011 (52)

Lanka attained from Kubera | Sarga-011 | Uththara Ramayana in Tamil

பகுதியின் சுருக்கம்: சுமாலியின் வேண்டுகோள்; பிரஹஸ்தனின் தூண்டுதல்; குபேரனிடம் சென்ற தூதன்; இலங்கை ராவணன் வசமானது...

அந்த நிசாசரர்கள் {இரவுலாவிகளான ராவணன், கும்பகர்ணன், விபீஷணன் ஆகியோர்} வரம் பெற்றதை அறிந்த சுமாலி, தன் பயத்தைக் கைவிட்டு, தன் தொண்டர்களுடன் ரசாதலத்திலிருந்து எழுந்து வந்தான்.(1) அந்த ராக்ஷசனின் {சுமாலியின்} அமைச்சர்களான மாரீசன், பிரஹஸ்தன், விரூபாக்ஷன், மஹோதரன் ஆகியோரும் கோபத்துடன் எழுந்து வந்தனர்.(2)

இராவணன் பிறப்பு | சர்க்கம் – 009 (48)

The birth of Ravana | Sarga-009 | Uththara Ramayana in Tamil

பகுதியின் சுருக்கம்: சுமாலியின் மகளான கைகசிக்கு தசக்ரீவன், கும்பகர்ணன், விபீஷணன், சூர்ப்பணகை ஆகியோர் பிறந்தது; கோகர்ணத்தில் அவர்கள் தபம் செய்தது...

சிறிது காலத்திற்குப் பிறகு சுமாலி என்ற நாமத்தைக் கொண்ட {பெயருடைய} ராக்ஷசன், ரசாதலத்திலிருந்து வந்து சர்வ மர்த்யலோகத்திலும் {மனிதர்களின் உலகம் முழுவதும்} அலைந்து திரிந்தான்.(1) அவன் நீல மேகத்தைப் போலத் தோற்றமளித்தான், தப்த காஞ்சனத்தாலான {புடம்போட்ட பொன்னாலான} குண்டலங்களை அணிந்திருந்தான். பத்மம் இல்லாத ஸ்ரீயை {தாமரை இல்லாத லக்ஷ்மியைப்} போன்ற தன் கன்னிகையை {மகள் கைகசியை} உடன் அழைத்து வந்தான்.(2)