Yayati's senility and Puru's Sacrifice | Sarga-059 | Uththara Ramayana in Tamil
பகுதியின் சுருக்கம்: சுக்கிரரின் சாபத்தால் ஏற்பட்ட முதுமையை மகன்களிடம் மாற்றிக் கொள்ள முயன்ற யயாதி; அதை ஏற்றுக் கொண்ட பூரு; பின்னர் பூருவிடமிருந்த தன் முதுமையை மீண்டும் பெற்றுக் கொண்டு அவனை அரசனாக்கியது...
அப்போது குரோதமடைந்த உசனஸை (சுக்கிராசாரியரைக்} கேட்டு வருந்திய நஹுஷாத்மஜன் {நஹுஷனின் மகனான யயாதி}, மிகக் கடும் ஜரையை {முதுமையை} அடைந்து, யதுவிடம் இந்த வசனத்தைக் கூறினார்:(1) "யதுவே, புத்திரா, நீ தர்மஜ்ஞனாக {தர்மத்தை அறிந்தவனாக} இருக்கிறாய். என் பொருட்டு மிகக்கடுமையான {இந்த} முதுமையை ஏற்றுக் கொள்வாயாக. பெரும் புகழுடையவனே, நான் போகங்களில் இன்புறுவேன்.(2) நரரிஷபா {மனிதர்களில் காளையே}, நான் இப்போதுவரை விஷயங்களில் {புலனின்பங்களில்} நிறைவுபெற்றவனாக இல்லை. காமத்தை {விருப்பங்களை / ஆசைகளை} அனுபவித்த பிறகு, நான் ஜரையை {முதுமையைத்} திரும்பப் பெற்றுக் கொள்வேன்[1]" {என்றார் யயாதி}."(3)
