ஶ்ரீமத்³ராமாயணே வால்மீகீயே ஆதி³காவ்யே ஶ்ரீமது³த்தரகாண்டே³ சது꞉ஸப்ததிதம꞉ ஸர்க³꞉
ததா² து கருணம்ʼ தஸ்ய த்³விஜஸ்ய பரிதே³வனம் .
ஶுஶ்ராவ ராக⁴வ꞉ ஸர்வம்ʼ து³꞉க²ஶோகஸமன்விதம் .. 7.74.1 ..
ஸ து³꞉கே²ன ச ஸந்தப்தோ மந்த்ரிணஸ்தானுபாஹ்வயத் .
வஸிஷ்ட²ம்ʼ வாமதே³வம்ʼ ச ப்⁴ராதரௌ ஸஹ நைக³மான் .. 7.74.2 ..
ததோ த்³விஜா வஸிஷ்டே²ன ஸார்த⁴மஷ்டௌ ப்ரவேஶிதா꞉ .
ராஜானம்ʼ தே³வஸங்காஶம்ʼ வர்த⁴ஸ்வேதி ததோ (அ)ப்³ருவன் .. 7.74.3 ..
மார்கண்டே³யோ (அ)த² மௌத்³க³ல்யோ வாமதே³வஶ்ச காஶ்யப꞉ .
காத்யாயனோ (அ)த² ஜாபா³லிர்கௌ³தமோ நாரத³ஸ்ததா² .
ஏதே த்³விஜர்ஷபா⁴꞉ ஸர்வே ஆஸனேஷூபவேஶிதா꞉ .. 7.74.4 ..
மஹர்ஷீன்ஸமனுப்ராப்தானபி⁴வாத்³ய க்ருʼதாஞ்ஜலி꞉ .
மந்த்ரிணோ நைக³மாம்ʼஶ்சைவ யதா²ர்ஹமனுகூலத꞉ .. 7.74.5 ..
தேஷாம்ʼ ஸமுபவிஷ்டானாம்ʼ ஸர்வேஷாம்ʼ தீ³ப்ததேஜஸாம் .
ராக⁴வ꞉ ஸர்வமாசஷ்டே த்³விஜோ (அ)யமுபரோத⁴தே .. 7.74.6 ..
தஸ்ய தத்³வசனம்ʼ ஶ்ருத்வா ராஜ்ஞோ தீ³னஸ்ய நாரத³꞉ .
ப்ரத்யுவாச ஶுப⁴ம்ʼ வாக்யம்ருʼஷீணாம்ʼ ஸந்நிதௌ⁴ ந்ருʼபம் .. 7.74.7 ..
ஶ்ருʼணு ராஜன்யதா²காலே ப்ராப்தோ பா³லஸ்ய ஸங்க்ஷய꞉ .
ஶ்ருத்வா கர்தவ்யதாம்ʼ ராஜன்குருஷ்வரகு⁴நந்த³ன .. 7.74.8 ..
புரா க்ருʼதயுகே³ ராஜன்ப்³ராஹ்மணா வை தபஸ்வின꞉ .
அப்³ராஹ்மணஸ்ததா³ ராஜன்ன தபஸ்வீ கத²ஞ்சன .. 7.74.9 ..
தஸ்மின்யுகே³ ப்ரஜ்வலிதே ப்³ரஹ்மபூ⁴தே த்வனாவ்ருʼதே .
அம்ருʼத்யவஸ்ததா³ ஸர்வே ஜஜ்ஞிரே தீ³ர்க⁴த³ர்ஶின꞉ .. 7.74.10 ..
ததஸ்த்ரேதாயுக³ம்ʼ நாம மானவானாம்ʼ வபுஷ்மதாம் .
க்ஷத்ரியாஸ்தத்ர ஜாயந்தே பூர்ணேன தபஸா (அ)ன்விதா꞉ .. 7.74.11 ..
வீர்யேண தபஸா சைவ தே (அ)தி⁴கா꞉ பூர்வஜன்மனி .
மானவா யே மஹாத்மானஸ்த்வத்ர த்ரேதாயுகே³ யுகே³ .. 7.74.12 ..
ப்³ரஹ்மக்ஷத்ரம்ʼ ச தத்ஸர்வம்ʼ யத்பூர்வமபரம்ʼ ச யத் .
யுக³யோருப⁴யோராஸீத்ஸமவீர்யஸமன்விதம் .. 7.74.13 ..
அபஶ்யம்ʼஸ்து ந தே ஸர்வே விஶேஷமதி⁴கம்ʼ தத꞉ .
ஸ்தா²பனம்ʼ சக்ரிரே தத்ர சாதுர்வர்ண்யஸ்ய ஸம்மதம் .. 7.74.14 ..
தஸ்மின்யுகே³ ப்ரஜ்வலிதே த⁴ர்மபூ⁴தே ஹ்யனாவ்ருʼதே .
அத⁴ர்ம꞉ பாத³மேகம்ʼ து பாதயத்ப்ருʼதி²வீதலே .. 7.74.15 ..
அத⁴ர்மேண ஹி ஸம்ʼயுக்தஸ்தேஜோ மந்த³ம்ʼ ப⁴விஷ்யதி .. 7.74.16 ..
ஆமிஷம்ʼ யச்ச பூர்வேஷாம்ʼ ராஜஸம்ʼ ச மலம்ʼ ப்⁴ருʼஶம் .
அந்ருʼதம்ʼ நாம தத்³பூ⁴தம்ʼ பாதே³ன ப்ருʼதி²வீதலே .. 7.74.17 ..
அந்ருʼதம்ʼ பாதயித்வா து பாத³மேகமத⁴ர்மத꞉ .
தத꞉ ப்ராது³ஷ்க்ருʼதம்ʼ பூர்வமாயுஷ꞉ பரிநிஷ்டி²தம் .. 7.74.18 ..
பதிதே த்வந்ருʼதே தஸ்மின்னத⁴ர்மே ச மஹீதலே .
ஶுபா⁴ன்யேவாசரம்ˮல்லோக꞉ ஸத்யத⁴ர்மபராயண꞉ .. 7.74.19 ..
த்ரேதாயுகே³ ச வர்தந்தே ப்³ராஹ்மணா꞉ க்ஷத்ரியாஶ்ச யே .
தபோ (அ)தப்யந்த தே ஸர்வே ஶுஶ்ரூஷாமபரே ஜனா꞉ .. 7.74.20 ..
ஸ த⁴ர்ம꞉ பரமஸ்தேஷாம்ʼ வைஶ்யஶூத்³ரம்ʼ ஸமாக³மத் .
பூஜாம்ʼ ச ஸர்வவர்ணானாம்ʼ ஶூத்³ராஶ்சக்ருர்விஶேஷத꞉ .. 7.74.21 ..
ஏதஸ்மின்னந்தரே தேஷாமத⁴ர்மே சாந்ருʼதே ச ஹ .
தத꞉ பூர்வே ப்⁴ருʼஶம்ʼ ஹ்ராஸமக³மந்ந்ருʼபஸத்தம .. 7.74.22 ..
தத꞉ பாத³மத⁴ர்மஸ்ஸ த்³விதீயமவதாரயத் .
ததோ த்³வாபரஸஞ்ஜ்ஞா (அ)ஸ்ய யுக³ஸ்ய ஸமஜாயத .. 7.74.23 ..
தஸ்மிந்த்³வாபரஸஞ்ஜ்ஞே து வர்தமானே யுக³க்ஷயே .
அத⁴ர்மஶ்சாந்ருʼதம்ʼ சைவ வவ்ருʼதே⁴ புருஷர்ஷப⁴ .. 7.74.24 ..
தஸ்மிந்த்³வாபரஸங்க்²யாதே தபோ வைஶ்யான்ஸமாவிஶத் .
த்ரிப்⁴யோ யுகே³ப்⁴யஸ்த்ரீன்வர்ணான்க்ரமாத்³வை தப ஆவிஶத் .. 7.74.25 ..
த்ரிப்⁴யோ யுகே³ப்⁴யஸ்த்ரீன்வர்ணாந்த⁴ர்மஶ்ச பரிநிஷ்டி²த꞉ .
ந ஶுத்³தோ⁴ லப⁴தே த⁴ர்மம்ʼ யுக³தஸ்து நரர்ஷப⁴ .
ஹீனவர்ணோ ந்ருʼபஶ்ரேஷ்ட² தப்யதே ஸுமஹத்தப꞉ .. 7.74.26 ..
ப⁴விஷ்யச்சூ²த்³ரயோன்யாம்ʼ வை தபஶ்சர்யா கலௌ யுகே³ .
அத⁴ர்ம꞉ பரமோ ராஜந்த்³வாபரே ஶூத்³ரஜன்மன꞉ .. 7.74.27 ..
ஸ வை விஷயபர்யந்தே தவ ராஜன்மஹாதபா꞉ .
அத்³ய தப்யதி து³ர்பு³த்³தி⁴ஸ்தேன பா³லவதோ⁴ ஹ்யயம் .. 7.74.28 ..
யோ ஹ்யத⁴ர்மமகார்யம்ʼ வா விஷயே பார்தி²வஸ்ய து .
கரோதி சாஶ்ரீமூலம்ʼ தத்புரே வா து³ர்மதிர்னர꞉ .
க்ஷிப்ரம்ʼ ச நரகம்ʼ யாதி ஸ ச ராஜா ந ஸம்ʼஶய꞉ .. 7.74.29 ..
அதீ⁴தஸ்ய ச தப்தஸ்ய கர்மண꞉ ஸுக்ருʼதஸ்ய ச .
ஷஷ்ட²ம்ʼ ப⁴ஜதி பா⁴க³ம்ʼ து ப்ரஜா த⁴ர்மேண பாலயன் .. 7.74.30 ..
ஷங்பா⁴க³ஸ்ய ந போ⁴க்தா (அ)ஸௌ ரக்ஷதே ந ப்ரஜா꞉ கத²ம் .. 7.74.31 ..
ஸ த்வம்ʼ புருஷஶார்தூ³ல மார்க³ஸ்வ விஷயம்ʼ ஸ்வகம் .
து³ஷ்க்ருʼதம்ʼ யத்ர பஶ்யேதா²ஸ்தத்ர யத்னம்ʼ ஸமாசர .. 7.74.32 ..
ஏவம்ʼ சேத்³த⁴ர்மவ்ருʼத்³தி⁴ஶ்ச ந்ருʼணாம்ʼ சாயுர்விவர்த⁴னம் .
ப⁴விஷ்யதி நரஶ்ரேஷ்ட² பா³லஸ்யாஸ்ய ச ஜீவிதம் .. 7.74.33 ..
இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே ஶ்ரீமது³த்தரகாண்டே³ சது꞉ஸப்ததிதம꞉ ஸர்க³꞉ .. 74 ..
Source: https://sa.wikisource.org/wiki/रामायणम्/उत्तरकाण्डम्
Converted to Tamil Script using Akshara Mukha:
Script Converter: http://aksharamukha.appspot.com/converter
