ஶ்ரீமத்³ராமாயணே வால்மீகீயே ஆதி³காவ்யே ஶ்ரீமது³த்தரகாண்டே³ த்ரிஸப்ததிதம꞉ ஸர்க³꞉
ப்ரமுமோத³ ஸுகீ² ராஜ்யம்ʼ த⁴ர்மேண பரிபாலயன் .. 7.73.1 ..
தத꞉ கதிபயாஹ꞉ஸு வ்ருʼத்³தோ⁴ ஜானபதோ³ த்³விஜ꞉ .
ம்ருʼதம்ʼ பா³லமுபாதா³ய ராஜத்³வாரமுபாக³மத் .. 7.73.2 ..
ருத³ன்ப³ஹுவிதா⁴ வாச꞉ ஸ்னேஹது³꞉க²ஸமன்விதா꞉ .
அஸக்ருʼத்புத்ர புத்ரேதி வாக்யமேதது³வாச ஹ .. 7.73.3 ..
கிம்ʼ நு மே து³ஷ்க்ருʼதம்ʼ கர்ம புரா தே³ஹாந்தரே க்ருʼதம் .
யத³ஹம்ʼ புத்ரமேகம்ʼ த்வாம்ʼ பஶ்யாமி நித⁴னம்ʼ க³தம் .. 7.73.4 ..
அப்ராப்தயௌவனம்ʼ பா³லம்ʼ பஞ்சவர்ஷஸஹஸ்ரகம் .
அகாலே காலமாபன்னம்ʼ மம து³꞉கா²ய புத்ரக .. 7.73.5 ..
அல்பைரஹோபி⁴ர்நித⁴னம்ʼ க³மிஷ்யாமி ந ஸம்ʼஶய꞉ .
அஹம்ʼ ச ஜனனீ சைவ தவ ஶோகேன புத்ரக .. 7.73.6 ..
ந ஸ்மராம்யந்ருʼதம்ʼ ஹ்யுக்தம்ʼ ந ச ஹிம்ʼஸாம்ʼ ஸ்மராம்யஹம் .
ஸர்வேஷாம்ʼ ப்ராணினாம்ʼ பாபம்ʼ க்ருʼதம்ʼ நைவ ஸ்மராம்யஹம் .. 7.73.7 ..
கேநாத்³ய து³ஷ்க்ருʼதேனாயம்ʼ பா³ல ஏவ மமாத்மஜ꞉ .
அக்ருʼத்வா பித்ருʼகார்யாணி க³தோ வைவஸ்வதக்ஷயம் .. 7.73.8 ..
நேத்³ருʼஶம்ʼ த்³ருʼஷ்டபூர்வம்ʼ மே ஶ்ருதம்ʼ வா கோ⁴ரத³ர்ஶனம் .
ம்ருʼத்யுரப்ராப்தகாலானாம்ʼ ராமஸ்ய விஷயே யதா² .. 7.73.9 ..
ராமஸ்ய து³ஷ்க்ருʼதம்ʼ கிஞ்சின்மஹத³ஸ்தி ந ஸம்ʼஶய꞉ .
யதா² ஹி விஷயஸ்தா²னாம்ʼ பா³லானாம்ʼ ம்ருʼத்யுராக³த꞉ .. 7.73.10 ..
நஹ்யன்யவிஷயஸ்தா²னாம்ʼ பா³லானாம்ʼ ம்ருʼத்யுதோ ப⁴யம் .
த்வம்ʼ ராஜஞ்ஜீவயஸ்வைனம்ʼ பா³லம்ʼ ம்ருʼத்யுவஶம்ʼ க³தம் .. 7.73.11 ..
ராஜத்³வாரி மரிஷ்யாமி பத்ன்யா ஸார்த⁴மநாத²வத் .
ப்³ரஹ்மஹத்யாம்ʼ ததோ ராம ஸமுபேத்ய ஸுகீ² ப⁴வ .. 7.73.12 ..
ப்⁴ராத்ருʼபி⁴꞉ ஸஹிதோ ராஜந்தீ³ர்க⁴மாயுரவாப்ஸ்யஸி .
உஷிதா꞉ ஸ்ம ஸுக²ம்ʼ ராஜ்யே தவாஸ்மின்ஸுமஹாப³ல .. 7.73.13 ..
இத³ம்ʼ து பதிதம்ʼ தஸ்மாத்தவ ராம வஶே ஸ்தி²தா꞉ .
காலஸ்ய வஶமாபன்னா꞉ ஸ்வல்பம்ʼ ஹி நஹி ந꞉ ஸுக²ம் .. 7.73.14 ..
ஸம்ப்ரத்யநாதோ² விஷய இக்ஷ்வாகூணாம்ʼ மஹாத்மனாம் .
ராமம்ʼ நாத²மிஹாஸாத்³ய பா³லாந்தகரணம்ʼ த்⁴ருவம் .. 7.73.15 ..
ராஜதோ³ஷைர்விபத்³யந்தே ப்ரஜா ஹ்யவிதி⁴பாலிதா꞉ .
அஸத்³வ்ருʼத்தே து ந்ருʼபதாவகாலே ம்ரியதே ஜன꞉ .. 7.73.16 ..
யத்³வா புரேஷ்வயுக்தானி ஜனா ஜனபதே³ஷு ச .
குர்வதே ந ச ரக்ஷா (அ)ஸ்தி ததா³ காலக்ருʼதம்ʼ ப⁴யம் .. 7.73.17 ..
ஸுவ்யக்தம்ʼ ராஜதோ³ஷோ ஹி ப⁴விஷ்யதி ந ஸம்ʼஶய꞉ .
புரே ஜனபதே³ சாபி ததோ பா³லவதோ⁴ ஹ்யயம் .. 7.73.18 ..
ஏவம்ʼ ப³ஹுவிதை⁴ர்வாக்யைருபருத்⁴ய முஹுர்முஹு꞉ .
ராஜானம்ʼ து³꞉க²ஸந்தப்த꞉ ஸுதம்ʼ தமுபகூ³ஹதே .. 7.73.19 ..
இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே ஶ்ரீமது³த்தரகாண்டே³ த்ரிஸப்ததிதம꞉ ஸர்க³꞉ .. 73 ..
Source: https://sa.wikisource.org/wiki/रामायणम्/उत्तरकाण्डम्
Converted to Tamil Script using Akshara Mukha:
Script Converter: http://aksharamukha.appspot.com/converter