ஶ்ரீமத்³ராமாயணே வால்மீகீயே ஆதி³காவ்யே ஶ்ரீமது³த்தரகாண்டே³ த்³விஸப்ததிதம꞉ ஸர்க³꞉
தம்ʼ ஶயானம்ʼ நரவ்யாக்⁴ரம்ʼ நித்³ரா நாப்⁴யாக³மத்ததா³ .
சிந்தயந்தமனேகார்த²ம்ʼ ராமகீ³தமனுத்தமம் .. 7.72.1 ..
தஸ்ய ஶப்³த³ம்ʼ ஸுமது⁴ரம்ʼ தந்த்ரீலயஸமன்விதம் .
ஶ்ருத்வா ராத்ரிர்ஜகா³மாஶு ஶத்ருக்⁴னஸ்ய மஹாத்மன꞉ .. 7.72.2 ..
தஸ்யாம்ʼ நிஶாயாம்ʼ வ்யுஷ்டாயாம்ʼ க்ருʼத்வா பௌர்வாஹ்ணிகம்ʼ க்ரமம் .
உவாச ப்ராஞ்ஜலிர்வாக்யம்ʼ ஶத்ருக்⁴னோ முனிபுங்க³வம் .. 7.72.3 ..
ப⁴க³வந்த்³ரஷ்டுமிச்சா²மி ராக⁴வம்ʼ ரகு⁴நந்த³னம் .
த்வயா (அ)னுஜ்ஞாதுமிச்சா²மி ஸஹைபி⁴꞉ ஸம்ʼஶிதவ்ரதை꞉ .. 7.72.4 ..
இத்யேவம்ʼவாதி³னம்ʼ தம்ʼ து ஶத்ருக்⁴னம்ʼ ஶத்ருதாபனம் .
வால்மீகி꞉ ஸம்பரிஷ்வஜ்ய விஸஸர்ஜ ச ராக⁴வம் .. 7.72.5 ..
ஸோ (அ)பி⁴வாத்³ய முநிஶ்ரேஷ்ட²ம்ʼ ரத²மாருஹ்ய ஸுப்ரப⁴ம் .
அயோத்⁴யாமக³மத்தூர்ணம்ʼ ராக⁴வோத்ஸுகத³ர்ஶன꞉ .. 7.72.6 ..
ஸ ப்ரவிஷ்ட꞉ புரீம்ʼ ரம்யாம்ʼ ஶ்ரீமானிக்ஷ்வாகுநந்த³ன꞉ .
ப்ரவிவேஶ மஹாபா³ஹுர்யத்ர ராமோ மஹாத்³யுதி꞉ .. 7.72.7 ..
ஸ ராமம்ʼ மந்த்ரிமத்⁴யஸ்த²ம்ʼ பூர்ணசந்த்³ரனிபா⁴னனம் .
பஶ்யன்னமரமத்⁴யஸ்த²ம்ʼ ஸஹஸ்ரநயனம்ʼ யதா² .. 7.72.8 ..
ஸோ (அ)பி⁴வாத்³ய மஹாத்மானம்ʼ ஜ்வலந்தமிவ தேஜஸா .
உவாச ப்ராஞ்ஜலிர்வாக்யம்ʼ ராமம்ʼ ஸத்யபராக்ரமம் .. 7.72.9 ..
யதா³ஜ்ஞப்தம்ʼ மஹாராஜ ஸர்வம்ʼ தத்க்ருʼதவானஹம் .
ஹத꞉ ஸ லவண꞉ பாப꞉ புரீ சாஸ்ய நிவேஶிதா .. 7.72.10 ..
த்³வாத³ஶைதே க³தா வர்ஷாஸ்த்வாம்ʼ வினா ரகு⁴நந்த³ன .
நோத்ஸஹேயமஹம்ʼ வஸ்தும்ʼ த்வயா விரஹிதோ ந்ருʼப .. 7.72.11 ..
ஸ மே ப்ரஸாத³ம்ʼ காகுத்ஸ்த² குருஷ்வாமிதவிக்ரம .
மாத்ருʼஹீனோ யதா² வத்ஸோ ந சிரம்ʼ ப்ரவஸாம்யஹம் .. 7.72.12 ..
ஏவம்ʼ ப்³ருவாணம்ʼ ஶத்ருக்⁴னம்ʼ பரிஷ்வஜ்யேத³மப்³ரவீத் .
மா விஷாத³ம்ʼ க்ருʼதா²꞉ ஶூர நைதத்க்ஷத்ரியசேஷ்டிதம் .. 7.72.13 ..
நாவஸீத³ந்தி ராஜானோ விப்ரவாஸேஷு ராக⁴வ .
ப்ரஜா ந꞉ பரிபால்யா ஹி க்ஷத்ரத⁴ர்மேண ராக⁴வ .. 7.72.14 ..
காலே காலே து மாம்ʼ வீர அயோத்⁴யாமவலோகிதும் .
ஆக³ச்ச² த்வம்ʼ நரஶ்ரேஷ்ட² க³ந்தாஸி ச புரம்ʼ தவ .. 7.72.15 ..
மமாபி த்வம்ʼ ஸுத³யித꞉ ப்ராணைரபி ந ஸம்ʼஶய꞉ .
அவஶ்யம்ʼ கரணீயம்ʼ ச ராஜ்யஸ்ய பரிபாலனம் .. 7.72.16 ..
தஸ்மாத்த்வம்ʼ வஸ காகுத்ஸ்த² ஸப்தராத்ரமிஹாவஸ .
ஊர்த்⁴வம்ʼ க³ந்தாஸி மது⁴ராம்ʼ ஸப்⁴ருʼத்யப³லவாஹன꞉ .. 7.72.17 ..
ராமஸ்யைதத்³வச꞉ ஶ்ருத்வா த⁴ர்மயுக்தம்ʼ மனோக³தம் .
ஶத்ருக்⁴னோ தீ³னயா வாசா பா³ட⁴மித்யேவ சாப்³ரவீத் .. 7.72.18 ..
ஸப்தராத்ரம்ʼ ச காகுத்ஸ்தோ² ராக⁴வஸ்ய யதா²ஜ்ஞயா .
உஷ்ய தத்ர மஹேஷ்வாஸோ க³மனாயோபசக்ரமே .. 7.72.19 ..
ஆமந்த்ர்ய து மஹாத்மானம்ʼ ராமம்ʼ ஸத்யபராக்ரமம் .
ப⁴ரதம்ʼ லக்ஷ்மணம்ʼ சைவ மஹாரத²முபாருஹத் .. 7.72.20 ..
தூ³ரமாப்⁴யாமனுக³தோ லக்ஷ்மணேன மஹாத்மனா .
ப⁴ரதேன ச ஶத்ருக்⁴னோ ஜகா³மாஶு புரம்ʼ தத꞉ .. 7.72.21 ..
இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே ஶ்ரீமது³த்தரகாண்டே³ த்³விஸப்ததிதம꞉ ஸர்க³꞉ .. 72 ..
Source: https://sa.wikisource.org/wiki/रामायणम्/उत्तरकाण्डम्
Converted to Tamil Script using Akshara Mukha:
Script Converter: http://aksharamukha.appspot.com/converter
