ஶ்ரீமத்³ராமாயணே வால்மீகீயே ஆதி³காவ்யே ஶ்ரீமது³த்தரகாண்டே³ ஏகஸப்ததிம꞉ ஸர்க³꞉
ததோ த்³வாத³ஷ²மே வர்ஷே ஷ²த்ருக்⁴னோ ராமபாலிதாம் .
அயோத்⁴யாம் சகமே க³ந்துமல்பப்⁴ருத்யப³லானுக³꞉ .. 7.71.1 ..
ததோ மந்த்ரிபுரோகா³ம்ஷ்²ச ப³லமுக்²யாந்நிவர்த்ய ச .
ஜகா³ம ஹயமுக்²யைஷ்²ச ரதா²னாம் ச ஷ²தேன ஸ꞉ .. 7.71.2 ..
ஸ க³த்வா க³ணிதான்வாஸான்ஸப்தாஷ்டௌ ரகு⁴நந்த³ன꞉ .
வால்மீக்யாஷ்²ரமமாக³த்ய வாஸம் சக்ரே மஹாயஷா²꞉ .. 7.71.3 ..
ஸோ (அ)பி⁴வாத்³ய தத꞉ பாதௌ³ வால்மீகே꞉ புருஷர்ஷப⁴꞉ .
பாத்³யமர்க்⁴யம் ததா²தித்²யம் ஜக்³ராஹ முனிஹஸ்தத꞉ .. 7.71.4 ..
ப³ஹுரூபா꞉ ஸுமது⁴ரா꞉ கதா²ஸ்தத்ர ஸஹஸ்ரஷ²꞉ .
கத²யாமாஸ ஸ முனி꞉ ஷ²த்ருக்⁴னாய மஹாத்மனே .. 7.71.5 ..
உவாச ச முநிர்வாக்யம் லவணஸ்ய வதா⁴ஷ்²ரிதம் .
ஸுது³ஷ்கரம் க்ருதம் கர்ம லவணம் நிக்⁴னதா த்வயா .. 7.71.6 ..
ப³ஹவ꞉ பார்தி²வா꞉ ஸௌம்ய ஹதா꞉ ஸப³லவாஹனா꞉ .
லவணேன மஹாபா³ஹோ யுத்⁴யமானா மஹாப³லா꞉ .. 7.71.7 ..
ஸ த்வயா நிஹத꞉ பாபோ லீலயா புருஷர்ஷப⁴ .
ஜக³தஷ்²ச ப⁴யம் தத்ர ப்ரஷா²ந்தம் தவ தேஜஸா .. 7.71.8 ..
ராவணஸ்ய வதோ⁴ கோ⁴ரோ யத்னேன மஹதா க்ருத꞉ .
இத³ம் து ஸுமஹத்கர்ம த்வயா க்ருதமயத்னத꞉ .. 7.71.9 ..
ப்ரீதிஷ்²சாஸ்மின்பரா ஜாதா தே³வானாம் லவணே ஹதே .
பூ⁴தானாம் சைவ ஸர்வேஷாம் ஜக³தஷ்²ச ப்ரியம் க்ருதம் .. 7.71.10 ..
தச்ச யுத்³த⁴ம் மயா த்³ருஷ்டம் யதா²வத்புருஷர்ஷப⁴ .
ஸபா⁴யாம் வாஸவஸ்யாத² உபவிஷ்டேன ராக⁴வ .. 7.71.11 ..
மமாபி பரமா ப்ரீதிர்ஹ்ருதி³ ஷ²த்ருக்⁴ன வர்ததே .
உபாக்⁴ராஸ்யாமி தே மூர்த்⁴னி ஸ்னேஹஸ்யைஷா பரா க³தி꞉ .. 7.71.12 ..
இத்யுக்த்வா மூர்த்⁴னி ஷ²த்ருக்⁴னமுபாக்⁴ராய மஹாமுனி꞉ .
ஆதித்²யமகரோத்தஸ்ய யே ச தஸ்ய பதா³னுகா³꞉ .. 7.71.13 ..
ஸ பு⁴க்தவான்னரஷ்²ரேஷ்டோ² கீ³தமாது⁴ர்யமுத்தமம் .
ஷு²ஷ்²ராவ ராமசரிதம் தஸ்மின்காலே யதா²க்ரமம் .. 7.71.14 ..
தந்த்ரீலயஸமாயுக்தம் த்ரிஸ்தா²னகரணான்விதம் .
ஸம்ஸ்க்ருதம் லக்ஷணோபேதம் ஸமதாலஸமன்விதம் .
ஷு²ஷ்²ராவ ராமசரிதம் தஸ்மின்காலே புரா க்ருதம் .. 7.71.15 ..
தான்யக்ஷராணி ஸத்யானி யதா²வ்ருத்தானி பூர்வஷ²꞉ .
ஷ்²ருத்வா புருஷஷா²ர்தூ³ளோ விஸஞ்ஜ்ஞோ பா³ஷ்பலோசன꞉ .. 7.71.16 ..
ஸ முஹூர்தமிவாஸஞ்ஜ்ஞோ விநி꞉ஷ்²வஸ்ய முஹுர்முஹு꞉ .
தஸ்மின் கீ³தே யதா²வ்ருத்தம் வர்தமானமிவாஷ்²ருணோத் .. 7.71.17 ..
பதா³னுகா³ஷ்²ச யே ராஜ்ஞஸ்தாம் ஷ்²ருத்வா கீ³திஸம்பத³ம் .
அவாங்முகா²ஷ்²ச தீ³நாஷ்²ச ஹ்யாஷ்²சர்யமிதி சாப்³ருவன் .. 7.71.18 ..
பரஸ்பரம் ச யே தத்ர ஸைனிகா꞉ ஸம்ப³பா⁴ஷிரே .
கிமித³ம் க்வ ச வர்தாம꞉ கிமேதத்ஸ்வப்னத³ர்ஷ²னம் .. 7.71.19 ..
அர்தோ² யோ ந꞉ புரா த்³ருஷ்டஸ்தமாஷ்²ரமபதே³ புன꞉ .
ஷ்²ருணும꞉ கிமித³ம் ஸ்வப்னோ கீ³தப³ந்த⁴ம் ஷ்²ரியோ ப⁴வேத் .. 7.71.20 ..
விஸ்மயம் தே பரம் க³த்வா ஷ²த்ருக்⁴னமித³மப்³ருவன் .
ஸாது⁴ ப்ருச்ச² நரஷ்²ரேஷ்ட² வால்மீகிம் முனிபுங்க³வம் .. 7.71.21 ..
ஷ²த்ருக்⁴னஸ்த்வப்³ரவீத்ஸர்வான்கௌதூஹலஸமன்விதான் .
ஸைனிகா ந க்ஷமோ (அ)ஸ்மாகம் பரிப்ரஷ்டுமிஹேத்³ருஷ²꞉ .. 7.71.22 ..
ஆஷ்²சர்யாணி ப³ஹூனீஹ ப⁴வந்த்யஸ்யாஷ்²ரமே முனே꞉ .
ந து கௌதூஹலாத்³யுக்தமன்வேஷ்டும் தம் மஹாமுனிம் .. 7.71.23 ..
ஏவம் தத்³வாக்யமுக்த்வா ச ஸைனிகான்ரகு⁴நந்த³ன꞉ .
அபி⁴வாத்³ய மஹர்ஷிம் தம் ஸ்வம் நிவேஷ²ம் யயௌ ததா³ .. 7.71.24 ..
இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே ஶ்ரீமது³த்தரகாண்டே³ ஏகஸப்ததிம꞉ ஸர்க³꞉ .. 71 ..
Source: https://sa.wikisource.org/wiki/रामायणम्/उत्तरकाण्डम्
Converted to Tamil Script using Akshara Mukha:
Script Converter: http://aksharamukha.appspot.com/converter
