ஶ்ரீமத்³ராமாயணே வால்மீகீயே ஆதி³காவ்யே ஶ்ரீமது³த்தரகாண்டே³ (அ)ஷ்டஷஷ்டிதம꞉ ஸர்க³꞉
கதா²ம் கத²யதாம் தேஷாம் ஜயம் சாகாங்க்ஷதாம் ஷு²ப⁴ம் .
வ்யதீதா ரஜனீ ஷீ²க்⁴ரம் ஷ²த்ருக்⁴னஸ்ய மஹாத்மன꞉ .. 7.68.1 ..
தத꞉ ப்ரபா⁴தே விமலே தஸ்மின்காலே ஸ ராக்ஷஸ꞉ .
நிர்க³தஸ்து புராத்³தீ⁴ரோ ப⁴க்ஷ்யாஹாரப்ரசோதி³த꞉ .. 7.68.2 ..
ஏதஸ்மின்னந்தரே வீர꞉ ஷ²த்ருக்⁴னோ யமுனாம் நதீ³ம் .
தீர்த்வா மது⁴புரத்³வாரி த⁴னுஷ்பாணிரதிஷ்ட²த .. 7.68.3 ..
ததோ (அ)ர்த⁴தி³வஸே ப்ராப்தே க்ரூரகர்மா ஸ ராக்ஷஸ꞉ .
ஆக³ச்ச²த்³ப³ஹுஸாஹஸ்ரம் ப்ராணினாம் பா⁴ரமுத்³வஹன் .. 7.68.4 ..
ததோ த³த³ர்ஷ² ஷ²த்ருக்⁴னம் ஸ்தி²தம் த்³வாரி த்⁴ருதாயுத⁴ம் .
தமுவாச ததோ ரக்ஷ꞉ கிமனேன கரிஷ்யஸி .. 7.68.5 ..
ஈத்³ருஷா²னாம் ஸஹஸ்ராணி ஸாயுதா⁴னாம் நராத⁴ம .
ப⁴க்ஷிதானி மயா ரோஷாத்காலமாகாங்க்ஷஸே நு கிம் .. 7.68.6 ..
ஆஹாரஷ்²சாஸ்ய ஸம்பூர்ணோ மமாயம் புருஷாத⁴ம .
ஸ்வயம் ப்ரவிஷ்டோ (அ)த்³ய முக²ம் கத²மாஸாத்³ய து³ர்மதே .. 7.68.7 ..
தஸ்யைவம் பா⁴ஷமாணஸ்ய ஹஸதஷ்²ச முஹுர்முஹு꞉ .
ஷ²த்ருக்⁴னோ வீர்யஸம்பன்னோ ரோஷாத³ஷ்²ரூண்யவாஸ்ருஜத் .. 7.68.8 ..
தஸ்ய ரோஷாபி⁴பூ⁴தஸ்ய ஷ²த்ருக்⁴னஸ்ய மஹாத்மன꞉ .
தேஜோமயா மரீச்யஸ்து ஸர்வகா³த்ரைர்விநிஷ்பதன் .. 7.68.9 ..
உவாச ச ஸுஸங்க்ருத்³த⁴꞉ ஷ²த்ருக்⁴னஸ்தம் நிஷா²சரம் .
யோத்³து⁴மிச்சா²மி து³ர்பு³த்³தே⁴ த்³வந்த்³வயுத்³த⁴ம் த்வயா ஸஹ .. 7.68.10 ..
புத்ரோ த³ஷ²ரத²ஸ்யாஹம் ப்⁴ராதா ராமஸ்ய தீ⁴மத꞉ .
ஷ²த்ருக்⁴னோ நித்யஷ²த்ருக்⁴னோ வதா⁴காங்க்ஷீ தவாக³த꞉ .. 7.68.11 ..
தஸ்ய மே யுத்³த⁴காமஸ்ய த்³வந்த்³வயுத்³த⁴ம் ப்ரதீ³யதாம் .
ஷ²த்ருஸ்த்வம் ஸர்வபூ⁴தானாம் ந மே ஜீவன்க³மிஷ்யஸி .. 7.68.12 ..
தஸ்மிம்ஸ்ததா² ப்³ருவாணே து ராக்ஷஸ꞉ ப்ரஹஸன்னிவ .
ப்ரத்யுவாச நரஷ்²ரேஷ்ட²ம் தி³ஷ்ட்யா ப்ராப்தோ (அ)ஸி து³ர்மதே .. 7.68.13 ..
மம மாத்ருஷ்வஸுர்ப்⁴ராதா ராவணோ ராக்ஷஸாதி⁴ப꞉ .
ஹதோ ராமேண து³ர்பு³த்³தே⁴ ஸ்த்ரீஹேதோ꞉ புருஷாத⁴ம .. 7.68.14 ..
தச்ச ஸர்வம் மயா க்ஷாந்தம் ராவணஸ்ய குலக்ஷயம் .
அவஜ்ஞாம் புரத꞉ க்ருத்வா மயா யூயம் விஷே²ஷத꞉ .. 7.68.15 ..
நிஹதாஷ்²ச ஹி மே ஸர்வே பரிபூ⁴தாஸ்த்ருணம் யதா² .
பூ⁴தாஷ்²சைவ ப⁴விஷ்யாஷ்²ச யூயம் ச புருஷாத⁴மா꞉ .. 7.68.16 ..
தஸ்ய தே யுத்³த⁴காமஸ்ய யுத்³த⁴ம் தா³ஸ்யாமி து³ர்மதே .
திஷ்ட²ம் த்வம் ச முஹூர்தம் து யாவதா³யுத⁴மானயே .
ஈப்ஸிதம் யாத்³ருஷ²ம் துப்⁴யம் ஸஜ்ஜயே யாவதா³யுத⁴ம் .. 7.68.17 ..
தமுவாசாஷு² ஷ²த்ருக்⁴ன꞉ க்வ மே ஜீவன்க³மிஷ்யஸி .
ஷ²த்ருர்யத்³ருச்ச²யா த்³ருஷ்டோ ந மோக்தவ்ய꞉ க்ருதாத்மனா .. 7.68.18 ..
யோ ஹி விக்லவயா பு³த்³த்⁴யா ப்ரஸரம் ஷ²த்ரவே த³தௌ³ .
ஸ ஹதோ மந்த³பு³த்³தி⁴த்வாத்³யதா² காபுருஷஸ்ததா² .. 7.68.19 ..
தஸ்மாத்ஸுத்³ருஷ்டம் குரு ஜீவலோகம் ஷ²ரை꞉ ஷி²தைஸ்த்வாம் விவிதை⁴ர்னயாமி .
யமஸ்ய கே³ஹாபி⁴முக²ம் ஹி பாபம் ரிபும் த்ரிலோகஸ்ய ச ராக⁴வஸ்ய .. 7.68.20 ..
இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே ஶ்ரீமது³த்தரகாண்டே³ (அ)ஷ்டஷஷ்டிதம꞉ ஸர்க³꞉ .. 68 ..
Source: https://sa.wikisource.org/wiki/रामायणम्/उत्तरकाण्डम्
Converted to Tamil Script using Akshara Mukha:
Script Converter: http://aksharamukha.appspot.com/converter
