ஶ்ரீமத்³ராமாயணே வால்மீகீயே ஆதி³காவ்யே ஶ்ரீமது³த்தரகாண்டே³ ஸப்தஷஷ்டிதம꞉ ஸர்க³꞉
பப்ரச்ச² ச்யவனம் விப்ரம் லவணஸ்ய யதா² ப³லம் .. 7.67.1 ..
ஷூ²லஸ்ய ச ப³லம் ப்³ரஹ்மன்கே ச பூர்வம் விநாஷி²தா꞉ .
அனேன ஷூ²லமுக்²யேன த்³வந்த்³வயுத்³த⁴முபாக³தா꞉ .. 7.67.2 ..
தஸ்ய தத்³வசனம் ஷ்²ருத்வா ஷ²த்ருக்⁴னஸ்ய மஹாத்மன꞉ .
ப்ரத்யுவாச மஹாதேஜாஷ்²ச்யவனோ ரகு⁴நந்த³னம் .. 7.67.3 ..
அஸங்க்²யேயானி கர்மாணி யான்யஸ்ய ரகு⁴நந்த³ன .
இக்ஷ்வாகுவம்ஷ²ப்ரப⁴வே யத்³வ்ருத்தம் தச்ச்²ருணஷ்வ மே .. 7.67.4 ..
அயோத்⁴யாயாம் புரா ராஜா யுவநாஷ்²வஸுதோ ப³லீ .
மாந்தா⁴தேதி ஸ விக்²யாதஸ்த்ரிஷு லோகேஷு வீர்யவான் .. 7.67.5 ..
ஸ க்ருத்வா ப்ருதி²வீம் க்ருத்ஸ்னாம் ஷா²ஸனே ப்ருதி²வீபதி꞉ .
ஸுரளோகமிதோ ஜேதுமுத்³யோக³மகரோந்ந்ருப꞉ .. 7.67.6 ..
இந்த்³ரஸ்ய ச ப⁴யம் தீவ்ரம் ஸுராணாம் ச மஹாத்மனாம் .
மாந்தா⁴தரி க்ருதோத்³யோகே³ தே³வலோகஜிகீ³ஷயா .. 7.67.7 ..
அர்தா⁴ஸனேன ஷ²க்ரஸ்ய ராஜ்யார்தே⁴ன ச பார்தி²வ꞉ .
வந்த்³யமான꞉ ஸுரக³ணை꞉ ப்ரதிஜ்ஞாமத்⁴யரோஹத .. 7.67.8 ..
தஸ்ய பாபமபி⁴ப்ராயம் விதி³த்வா பாகஷா²ஸன꞉ .
ஸாந்த்வபூர்வமித³ம் வாக்யமுவாச யுவநாஷ்²வஜம் .. 7.67.9 ..
ராஜா த்வம் மானுஷே லோகே ந தாவத்புருஷர்ஷப⁴ .
அக்ருத்வா ப்ருதி²வீம் வஷ்²யாம் தே³வராஜ்யமிஹேச்ச²ஸி .. 7.67.10 ..
யதி³ வீர ஸமக்³ரா தே மேதி³னீ நிகி²லா வஷே² .
தே³வராஜ்யம் குருஷ்வேஹ ஸப்⁴ருத்யப³லவாஹன꞉ .. 7.67.11 ..
இந்த்³ரமேவம் ப்³ருவாணம் தம் மாந்தா⁴தா வாக்யமப்³ரவீத் .
க்வ மே ஷ²க்ர ப்ரதிஹதம் ஷா²ஸனம் ப்ருதி²வீதலே .. 7.67.12 ..
தமுவாச ஸஹஸ்ராக்ஷோ லவணோ நாம ராக்ஷஸ꞉ .
மது⁴புத்ரோ மது⁴வனே ந தே (அ) (அ)ஜ்ஞாம் குருதே (அ)னக⁴ .. 7.67.13 ..
தச்ச்²ருத்வா விப்ரியம் கோ⁴ரம் ஸஹஸ்ராக்ஷேண பா⁴ஷிதம் .
வ்ரீடி³தோ (அ)வாங்முகோ² ராஜா வ்யாஹர்தும் ந ஷ²ஷா²க ஹ .. 7.67.14 ..
ஆமந்த்ர்ய து ஸஹஸ்ராக்ஷம் ஹ்ரியா கிஞ்சித³வாங்முக²꞉ .
புனரேவாக³மச்ச்²ரீமானிமம் லோகம் நரேஷ்²வர꞉ .. 7.67.15 ..
ஸ க்ருத்வா ஹ்ருத³யே (அ)மர்ஷம் ஸப்⁴ருத்யப³லவாஹன꞉ .
ஆஜகா³ம மதோ⁴꞉ புத்ரம் வஷே² கர்துமரிந்த³ம꞉ .. 7.67.16 ..
ஸ காங்க்ஷமாணோ லவணம் யுத்³தா⁴ய புருஷர்ஷப⁴꞉ .
தூ³தம் ஸம்ப்ரேஷயாமாஸ ஸகாஷ²ம் லவணஸ்ய ஹி .. 7.67.17 ..
ஸ க³த்வா விப்ரியாண்யாஹ ப³ஹூனி மது⁴ன꞉ ஸுதம் .
வத³ந்தமேவம் தம் தூ³தம் ப⁴க்ஷயாமாஸ ராக்ஷஸ꞉ .. 7.67.18 ..
சிராயமாணே தூ³தே து ராஜா க்ரோத⁴ஸமன்வித꞉ .
அர்த³யாமாஸ தத்³ரக்ஷ꞉ ஷ²ரவ்ருஷ்ட்யா ஸமந்தத꞉ .. 7.67.19 ..
தத꞉ ப்ரஹஸ்ய தத்³ரக்ஷ꞉ ஷூ²லம் ஜக்³ராஹ பாணினா .
வதா⁴ய ஸானுப³ந்த⁴ஸ்ய முமோசாயுத⁴முத்தமம் .. 7.67.20 ..
தச்சூ²லம் தீ³ப்யமானம் து ஸப்⁴ருத்யப³லவாஹனம் .
ப⁴ஸ்மீக்ருத்வா ந்ருபம் பூ⁴யோ லவணஸ்யாக³மத்கரம் .. 7.67.21 ..
ஏவம் ஸ ராஜா ஸுமஹான்ஹத꞉ ஸப³லவாஹன꞉ .
ஷூ²லஸ்ய து ப³லம் ஸௌம்ய அப்ரமேயமனுத்தமம் .. 7.67.22 ..
ஷ்²வ꞉ ப்ரபா⁴தே து லவணம் வதி⁴ஷ்யஸி ந ஸம்ஷ²ய꞉ .
அக்³ருஹீதாயுத⁴ம் க்ஷிப்ரம் த்⁴ருவோ ஹி விஜயஸ்தவ .. 7.67.23 ..
லோகானாம் ஸ்வஸ்தி சைவ ஸ்யாத்க்ருதே கர்மணி ச த்வயா .
ஏதத்தே ஸர்வமாக்²யாதம் லவணஸ்ய து³ராத்மன꞉ .. 7.67.24 ..
ஷூ²லஸ்ய ச ப³லம் கோ⁴ரமப்ரமேயம் நரர்ஷப⁴ .
விநாஷ²ஷ்²சைவ மாந்தா⁴துர்யத்தேநாபூ⁴ச்ச பார்தி²வ .. 7.67.25 ..
த்வம் ஷ்²வ꞉ ப்ரபா⁴தே லவணம் மஹாத்மன்வதி⁴ஷ்யஸே நாத்ர து ஸம்ஷ²யோ மே .
ஷூ²லம் வினா நிர்க³தமாமிஷார்தே² த்⁴ருவோ ஜயஸ்தே ப⁴விதா நரேந்த்³ர .. 7.67.26 ..
இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே ஶ்ரீமது³த்தரகாண்டே³ ஸப்தஷஷ்டிதம꞉ ஸர்க³꞉ .. 67 ..
Source: https://sa.wikisource.org/wiki/रामायणम्/उत्तरकाण्डम्
Converted to Tamil Script using Akshara Mukha:
Script Converter: http://aksharamukha.appspot.com/converter
