ஶ்ரீமத்³ராமாயணே வால்மீகீயே ஆதி³காவ்யே ஶ்ரீமது³த்தரகாண்டே³ பஞ்சாஷ²꞉ ஸர்க³꞉
த்³ருஷ்ட்வா து மைதி²லீம் ஸீதாமாஷ்²ரமே ஸம்ப்ரவேஷி²தாம் .
ஸந்தாபமக³மத்³கோ⁴ரம் லக்ஷ்மணோ தீ³னசேதன꞉ .. 7.50.1 ..
அப்³ரவீச்ச மஹாதேஜா꞉ ஸுமந்த்ரம் மந்த்ரஸாரதி²ம் .
ஸீதாஸந்தாபஜம் து³꞉க²ம் பஷ்²ய ராமஸ்ய ஸாரதே² .. 7.50.2 ..
ததோ து³꞉க²தரம் கிம் நு ராக⁴வஸ்ய ப⁴விஷ்யதி .
பத்னீம் ஷு²த்³த⁴ஸமாசாராம் விஸ்ருஜ்ய ஜனகாத்மஜாம் .. 7.50.3 ..
வ்யக்தம் தை³வாத³ஹம் மன்யே ராக⁴வஸ்ய வினா ப⁴வம் .
வைதே³ஹ்யா ஸாரதே² நித்யம் தை³வம் ஹி து³ரதிக்ரமம் .. 7.50.4 ..
யோ ஹி தே³வான்ஸக³ந்த⁴ர்வானஸுரான்ஸஹ ராக்ஷஸை꞉ .
நிஹன்யாத்³ராக⁴வ꞉ க்ருத்³த⁴꞉ ஸ தை³வமனுவர்ததே .. 7.50.5 ..
புரா ராம꞉ பிதுர்வாக்யாத்³த³ண்ட³கே விஜனே வனே .
உஷித்வா நவ வர்ஷாணி பஞ்ச சைவ மஹாவனே .. 7.50.6 ..
ததோ து³꞉க²தரம் பூ⁴ய꞉ ஸீதாயா விப்ரவாஸனம் .
பௌராணாம் வசனம் ஷ்²ருத்வா ந்ருஷ²ம்ஸம் ப்ரதிபா⁴தி மே .. 7.50.7 ..
கோ நு த⁴ர்மாஷ்²ரய꞉ ஸூத கர்மண்யஸ்மின்யஷோ²ஹரே .
மைதி²லீம் ப்ரதிஸம்ப்ராப்த꞉ பௌரைர்ஹீனார்த²வாதி³பி⁴꞉ .. 7.50.8 ..
ஏதா வாசோ ப³ஹுவிதா⁴꞉ ஷ்²ருத்வா லக்ஷ்மணபா⁴ஷிதா꞉ .
ஸுமந்த்ர꞉ ஷ்²ரத்³த⁴யா ப்ராஜ்ஞோ வாக்யமேதது³வாச ஹ .. 7.50.9 ..
ந ஸந்தாபஸ்த்வயா கார்ய꞉ ஸௌமித்ரே மைதி²லீம் ப்ரதி .
த்³ருஷ்டமேதத்புரா விப்ரை꞉ பிதுஸ்தே லக்ஷ்மணாக்³ரத꞉ .. 7.50.10 ..
ப⁴விஷ்யதி த்³ருட⁴ம் ராமோ து³꞉க²ப்ராயோ (அ)பி ஸௌக்²யபா⁴க் .
ப்ராப்ஸ்யதே ச மஹாபா³ஹுர்விப்ரயோக³ம் ப்ரியைர்த்⁴ருவம் .. 7.50.11 ..
த்வாம் சைவ மைதி²லீம் சைவ ஷ²த்ருக்⁴னப⁴ரதாவுபௌ⁴ .
ஸந்த்யஜிஷ்யதி த⁴ர்மாத்மா காலேன மஹதா மஹான் .. 7.50.12 ..
இத³ம் த்வயி ந வக்தவ்யம் ஸௌமித்ரே ப⁴ரதே (அ)பி வா .
ராஜ்ஞா வோ வ்யாஹ்ருதம் வாக்யம் து³ர்வாஸா யது³வாச ஹ .. 7.50.13 ..
மஹாஜனஸமீபே ச மம சைவ நரர்ஷப⁴ .
ருஷிணா வ்யாஹ்ருதம் வாக்யம் வஸிஷ்ட²ஸ்ய ச ஸந்நிதௌ⁴ .. 7.50.14 ..
ருஷேஸ்து வசனம் ஷ்²ருத்வா மாமாஹ புருஷர்ஷப⁴꞉ .
ஸூத ந க்வசிதே³வம் தே வக்தவ்யம் ஜனஸந்நிதௌ⁴ .. 7.50.15 ..
தஸ்யாஹம் லோகபாலஸ்ய வாக்யம் தத்ஸுஸமாஹித꞉ .
நைவ ஜாத்வந்ருதம் கார்யமிதி மே ஸௌம்ய த³ர்ஷ²னம் .. 7.50.16 ..
ஸர்வதை²வ ந வக்தவ்யம் மயா ஸௌம்ய தவாக்³ரத꞉ .
யதி³ தே ஷ்²ரவணே ஷ்²ரத்³தா⁴ ஷ்²ரூயதாம் ரகு⁴நந்த³ன .. 7.50.17 ..
யத்³யப்யஹம் நரேந்த்³ரேண ரஹஸ்யம் ஷ்²ராவித꞉ புரா .
ததா²ப்யுதா³ஹரிஷ்யாமி தை³வம் ஹி து³ரதிக்ரமம் .. 7.50.18 ..
யேனேத³மீத்³ருஷ²ம் ப்ராப்தம் து³꞉க²ம் ஷோ²கஸமன்விதம் .
ந த்வயா ப⁴ரதே வாச்யம் ஷ²த்ருக்⁴னஸ்யாபி ஸந்நிதௌ⁴ .. 7.50.19 ..
தச்ச்²ருத்வா பா⁴ஷிதம் தஸ்ய க³ம்பீ⁴ரார்த²பத³ம் மஹத் .
தத்²யம் ப்³ரூஹீதி ஸௌமித்ரி꞉ ஸூதம் வாக்யமதா²ப்³ரவீத் .. 7.50.20 ..
இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே ஶ்ரீமது³த்தரகாண்டே³ பஞ்சாஷ²꞉ ஸர்க³꞉ .. 50 ..
Source: https://sa.wikisource.org/wiki/रामायणम्/उत्तरकाण्डम्
Converted to Tamil Script using Akshara Mukha:
Script Converter: http://aksharamukha.appspot.com/converter
