ஶ்ரீமத்³ராமாயணே வால்மீகீயே ஆதி³காவ்யே ஶ்ரீமது³த்தரகாண்டே³ சதுஷ்²சத்வாரிம்ஷ²꞉ ஸர்க³꞉
விஸ்ருஜ்ய து ஸுஹ்ருத்³வர்க³ம் பு³த்³த்⁴யா நிஷ்²சித்ய ராக⁴வ꞉ .
ஸமீபே த்³வா꞉ஸ்த²மாஸீனமித³ம் வசனமப்³ரவீத் .. 7.44.1 ..
ஷீ²க்⁴ரமானய ஸௌமித்ரிம் லக்ஷ்மணம் ஷு²ப⁴லக்ஷணம் .
ப⁴ரதம் ச மஹாபா⁴க³ம் ஷ²த்ருக்⁴னமபராஜிதம் .. 7.44.2 ..
ராமஸ்ய வசனம் ஷ்²ருத்வா த்³வா꞉ஸ்தோ² மூர்த்⁴னி க்ருதாஞ்ஜலி꞉ .
லக்ஷ்மணஸ்ய க்³ருஹம் க³த்வா ப்ரவிவேஷா²நிவாரித꞉ .. 7.44.3 ..
உவாச ஸுமஹாத்மானம் வர்த⁴யித்வா க்ருதாஞ்ஜலி꞉ .
த்³ரஷ்டுமிச்ச²தி ராஜா த்வாம் க³ம்யதாம் தத்ர மா சிரம் .. 7.44.4 ..
பா³ட⁴மித்யேவ ஸௌமித்ரி꞉ ஷ்²ருத்வா ராக⁴வஷா²ஸனம் .
ப்ராத்³ரவத்³ரத²மாருஹ்ய ராக⁴வஸ்ய நிவேஷ²னம் .. 7.44.5 ..
ப்ரயாந்தம் லக்ஷ்மணம் த்³ருஷ்ட்வா த்³வா꞉ஸ்தோ² ப⁴ரதமந்திகாத் .
உவாச ப⁴ரதம் தத்ர வர்த⁴யித்வா க்ருதாஞ்ஜலி꞉ .. 7.44.6 ..
வினயாவனதோ பூ⁴த்வா ராஜா த்வாம் த்³ரஷ்டுமிச்ச²தி .
ப⁴ரதஸ்து வச꞉ஷ்²ருத்வா த்³வா꞉ஸ்தா²த்³ராமஸமீரிதம் .. 7.44.7 ..
உத்பபாதாஸனாத்தூர்ணம் பத்³ப்⁴யாமேவ யயௌ ப³லீ .
த்³ருஷ்ட்வா ப்ரயாந்தம் ப⁴ரதம் த்வரமாண꞉ க்ருதாஞ்ஜலி꞉ .. 7.44.8 ..
ஷ²த்ருக்⁴னப⁴வனம் க³த்வா ததோ வாக்யமுவாச ஹ .
ஏஹ்யாக³ச்ச² ரகு⁴ஷ்²ரேஷ்ட² ராஜா த்வாம் த்³ரஷ்டுமிச்ச²தி .. 7.44.9 ..
க³தோ ஹி லக்ஷ்மண꞉ பூர்வம் ப⁴ரதஷ்²ச மஹாயஷா²꞉ .
ஷ்²ருத்வா து வசனம் தஸ்ய ஷ²த்ருக்⁴ன꞉ பரமாஸனாத் .. 7.44.10 ..
ஷி²ரஸா த⁴ரணீம் ப்ராப்ய ப்ரயயௌ யத்ர ராக⁴வ꞉ .
த்³வா꞉ஸ்த²ஸ்த்வாக³ம்ய ராமாய ஸர்வானேவ க்ருதாஞ்ஜலி꞉ .
நிவேத³யாமாஸ ததா³ ப்⁴ராத(அ)ன்ஸ்வான்ஸமுபஸ்தி²தான் .. 7.44.11 ..
குமாராநாக³தாஞ்ச்²ருத்வா சிந்தாவ்யாகுலிதேந்த்³ரிய꞉ .
அவாங்முகோ² தீ³னமனா த்³வா꞉ஸ்த²ம் வசனமப்³ரவீத் .. 7.44.12 ..
ப்ரவேஷ²ய குமாராம்ஸ்த்வம் மத்ஸமீபம் த்வரான்வித꞉ .
ஏதேஷு ஜீவிதம் மஹ்யமேதே ப்ராணா꞉ ப்ரியா மம .. 7.44.13 ..
ஆஜ்ஞப்தாஸ்து நரேந்த்³ரேண குமாரா꞉ ஷ²க்ரதேஜஸ꞉ .
ப்ரஹ்வா꞉ ப்ராஞ்ஜலயோ பூ⁴த்வா விவிஷு²ஸ்தே ஸமாஹிதா꞉ .. 7.44.14 ..
தே து த்³ருஷ்ட்வா முக²ம் தஸ்ய ஸக்³ரஹம் ஷ²ஷி²னம் யதா² .
ஸந்த்⁴யாக³தமிவாதி³த்யம் ப்ரப⁴யா பரிவர்ஜிதம் .. 7.44.15 ..
பா³ஷ்பபூர்ணே ச நயனே த்³ருஷ்ட்வா ராமஸ்ய தீ⁴மத꞉ .
ஹதஷோ²ப⁴ம் யதா² பத்³மம் முக²ம் வீக்ஷ்ய ச தஸ்ய தே .. 7.44.16 ..
ததோ (அ)பி⁴வாத்³ய த்வரிதா꞉ பாதௌ³ ராமஸ்ய மூர்த⁴பி⁴꞉ .
தஸ்து²꞉ ஸமாஹிதா꞉ ஸர்வே ராமஸ்த்வஷ்²ரூண்யவர்தயத் .. 7.44.17 ..
தான்பரிஷ்வஜ்ய பா³ஹுப்⁴யாமுத்தா²ப்ய ச மஹாப³ல꞉ .
ஆஸனேஷ்வாஸதேத்யுக்த்வா ததோ வாக்யம் ஜகா³த³ ஹ .. 7.44.18 ..
ப⁴வந்தோ மம ஸர்வஸ்வம் ப⁴வந்தோ ஜீவிதம் மம .
ப⁴வத்³பி⁴ஷ்²ச க்ருதம் ராஜ்யம் பாலயாமி நரேஷ்²வரா꞉ .. 7.44.19 ..
ப⁴வந்த꞉ க்ருதஷா²ஸ்த்ரார்தா² பு³த்³த்⁴யா ச பரிநிஷ்டி²தா꞉ .
ஸம்பூ⁴ய ச மத³ர்தோ² (அ)யமன்வேஷ்டவ்யோ நரேஷ்²வரா꞉ .. 7.44.20 ..
ததா² வத³தி காகுத்ஸ்தே² அவதா⁴னபராயணா꞉ .
உத்³விக்³னமனஸ꞉ ஸர்வே கிம் நு ராஜாபி⁴தா⁴ஸ்யதி .. 7.44.21 ..
இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே ஶ்ரீமது³த்தரகாண்டே³ சதுஷ்²சத்வாரிம்ஷ²꞉ ஸர்க³꞉ .. 44 ..
Source: https://sa.wikisource.org/wiki/रामायणम्/उत्तरकाण्डम्
Converted to Tamil Script using Akshara Mukha:
Script Converter: http://aksharamukha.appspot.com/converter
