ஶ்ரீமத்³ராமாயணே வால்மீகீயே ஆதி³காவ்யே ஶ்ரீமது³த்தரகாண்டே³ ஏகத்ரிம்ஷ²꞉ ஸர்க³꞉
ததோ ராமோ மஹாதேஜா விஸ்மயாத்புனரேவ ஹி .
உவாச ப்ரணதோ வாக்யமக³ஸ்த்யம்ருஷிஸத்தமம் .. 7.31.1 ..
ப⁴க³வன்ராக்ஷஸ꞉ க்ரூரோ யதா³ப்ரப்⁴ருதி மேதி³னீம் .
பர்யடத்கிம் ததா³ லோகா꞉ ஷூ²ன்யா ஆஸந்த்³விஜோத்தம .. 7.31.2 ..
ராஜா வா ராஜமாத்ரோ வா கிம் ததா³ நாத்ர கஷ்²சன .
த⁴ர்ஷணம் யத்ர ந ப்ராப்தோ ராவணோ ராக்ஷஸேஷ்²வர꞉ .. 7.31.3 ..
உதாஹோ ஹதவீர்யாஸ்தே ப³பூ⁴வு꞉ ப்ருதி²வீக்ஷித꞉ .
ப³ஹிஷ்க்ருதா வராஸ்த்ரைஷ்²ச ப³ஹவோ நிர்ஜிதா ந்ருபா꞉ .. 7.31.4 ..
ராக⁴வஸ்ய வச꞉ ஷ்²ருத்வா ஹ்யக³ஸ்த்யோ ப⁴க³வாந்ருஷி꞉ .
உவாச ராமம் ப்ரஹஸன்பிதாமஹ இவேஷ்²வரம் .. 7.31.5 ..
இத்யேவம் பா³த⁴மானஸ்து பார்தி²வான்பார்தி²வர்ஷப⁴ .
சசார ராவணோ ராம ப்ருதி²வீம் ப்ருதி²வீபதே .. 7.31.6 ..
ததோ மாஹிஷ்மதீம் நாம புரீம் ஸ்வர்க³புரீப்ரபா⁴ம் .
ஸம்ப்ராப்தோ யத்ர ஸாந்நித்⁴யம் ஸதா³ஸீத்³வஸுரேதஸ꞉ .. 7.31.7 ..
துல்ய ஆஸீந்ந்ருபஸ்தஸ்ய ப்ரபா⁴வாத்³வஸுரேதஸ꞉ .
அர்ஜுனோ நாம யத்ராக்³னி꞉ ஷ²ரகுண்டே³ஷ²ய꞉ ஸதா³ .. 7.31.8 ..
தமேவ தி³வஸம் ஸோ (அ)த² ஹைஹயாதி⁴பதிர்ப³லீ .
அர்ஜுனோ நர்மதா³ம் ரந்தும் க³த꞉ ஸ்த்ரீபி⁴꞉ ஸஹேஷ்²வர꞉ .. 7.31.9 ..
தமேவ தி³வஸம் ஸோ (அ)த² ராவணஸ்தத்ர ஆக³த꞉ .
ராவணோ ராக்ஷஸேந்த்³ரஸ்து தஸ்யாமாத்யானப்ருச்ச²த .. 7.31.10 ..
க்வார்ஜுனோ ந்ருபதி꞉ ஷீ²க்⁴ரம் ஸம்யகா³க்²யாதுமர்ஹத² .
ராவணோ (அ)ஹமனுப்ராப்தோ யுத்³தே⁴ப்ஸுர்ந்ருவரேண ஹ .
மமாக³மனமப்யக்³ரே யுஷ்மாபி⁴꞉ ஸந்நிவேத்³யதாம் .. 7.31.11 ..
இத்யேவம் ராவணேனோக்தாஸ்தே (அ)மாத்யா꞉ ஸுவிபஷ்²சித꞉ .
அப்³ருவன்ராக்ஷஸபதிமஸாந்நித்⁴யம் மஹீபதே꞉ .. 7.31.12 ..
ஷ்²ருத்வா விஷ்²ரவஸ꞉ புத்ர꞉ பௌராணாமர்ஜுனம் க³தம் .
அபஸ்ருத்யாக³தோ விந்த்⁴யம் ஹிமவத்ஸன்னிப⁴ம் கி³ரிம் .. 7.31.13 ..
ஸ தமப்⁴ரமிவாவிஷ்டமுத்³ப்⁴ரந்தமிவ மேதி³னீம் .
அபஷ்²யத்³ராவணோ விந்த்⁴யமாலிக²ந்தமிவாம்ப³ரம் .. 7.31.14 ..
ஸஹஸ்ரஷி²க²ரோபேதம் ஸிம்ஹாத்⁴யுஷிதகந்த³ரம் .
ப்ரபாதபதிதைஸ்தோயை꞉ ஸாட்டஹாஸமிவாம்பு³தி⁴ம் .. 7.31.15 ..
தே³வதா³னவக³ந்த⁴ர்வை꞉ ஸாப்ஸரோக³ணகின்னரை꞉ .
ஸ்வஸ்த்ரீபி⁴꞉ க்ரீட³மானைஷ்²ச ஸ்வர்க³பூ⁴தம் மஹோச்ச்²ரயம் .. 7.31.16 ..
நதீ³பி⁴꞉ ஸ்யந்த³மாநாபி⁴꞉ ஸ்ப²டிகப்ரதிமம் ஜலம் .
ப²ணாபி⁴ஷ்²சலஜிஹ்வாபி⁴ரனந்தமிவ விஷ்டி²தம் .. 7.31.17 ..
உத்க்ராமந்தம் த³ரீவந்தம் ஹிமவத்ஸன்னிப⁴ம் கி³ரிம் .
பஷ்²யமானஸ்ததோ விந்த்⁴யம் ராவணோ நர்மதா³ம் யயௌ .. 7.31.18 ..
சலோபலஜலாம் புண்யாம் பஷ்²சிமோத³தி⁴கா³மினீம் .. 7.31.19 ..
மஹிஷை꞉ ஸ்ருமரை꞉ ஸிம்ஹை꞉ ஷா²ர்தூ³ளர்க்ஷக³ஜோத்தமை꞉ .
உஷ்ணாபி⁴தப்தைஸ்த்ருஷிதை꞉ ஸங்க்ஷோபி⁴தஜலாஷ²யாம் .. 7.31.20 ..
சக்ரவாகை꞉ ஸகாரண்டை³꞉ ஸஹம்ஸஜலகுக்குடை꞉ .
ஸாரஸைஷ்²ச ஸதா³ மத்தை꞉ ஸுகூஜத்³பி⁴꞉ ஸமாவ்ருதாம் .. 7.31.21 ..
பு²ல்லத்³ருமக்ருதோத்தம்ஸாம் சக்ரவாகயுக³ஸ்தனீம் .
விஸ்தீர்ணபுலினஷ்²ரோணீம் ஹம்ஸாவளிஸுமேக²லாம் .. 7.31.22 ..
புஷ்பரேண்வனுலிப்தாங்கீ³ம் ஜலபே²நாமலாம்ஷு²காம் .
ஜலாவகா³ஹஸம்ஸ்பர்ஷா²ம் பு²ல்லோத்பலஷு²பே⁴க்ஷணாம் .
புஷ்பகாத³வருஹ்யாஷு² நர்மதா³ம் ஸரிதாம் வராம் .. 7.31.23 ..
இஷ்டாமிவ வராம் நாரீமவகா³ஹ்ய த³ஷா²னன꞉ .
ஸ தஸ்யா꞉ புலினே ரம்யே நாநாமுனிநிஷேவிதே .. 7.31.24 ..
உபோபவிஷ்டை꞉ ஸசிவை꞉ ஸார்த⁴ம் ராக்ஷஸபுங்க³வ꞉ .
ப்ரக்²யாய நர்மதா³ம் ஸோ (அ)த² க³ங்கே³யமிதி ராவண꞉ .. 7.31.25 ..
நர்மதா³த³ர்ஷ²ஜம் ஹர்ஷமாப்தவான் ராக்ஷஸாதி⁴ப꞉ .
உவாச ஸசிவாம்ஸ்தத்ர ஸலீலம் ஷு²கஸாரணௌ .. 7.31.26 ..
ஏஷ ரஷ்²மிஸஹஸ்ரேண ஜக³த்க்ருத்வைவ காஞ்சனம் .
தீக்ஷ்ணதாபகர꞉ ஸூர்யோ நப⁴ஸோ (அ)ர்த⁴ம் ஸமாஷ்²ரித꞉ .. 7.31.27 ..
மாமாஸீனம் விதி³த்வைவ சந்த்³ராயதி தி³வாகர꞉ .. 7.31.28 ..
நர்மதா³ஜலஷீ²தஷ்²ச ஸுக³ந்தி⁴꞉ ஷ்²ரமநாஷ²ன꞉ .
மத்³ப⁴யாத³னிலோ (அ)ப்யத்ர வாத்யேஷ ஸுஸமாஹித꞉ .. 7.31.29 ..
இயம் வாபி ஸரிச்ச்²ரேஷ்டா² நர்மதா³ நர்மவர்தி⁴னீ .
நக்ரமீனவிஹங்கோ³ர்மி꞉ ஸப⁴யேவாங்க³னா ஸ்தி²தா .. 7.31.30 ..
தத்³ப⁴வந்த꞉ க்ஷதா꞉ ஷ²ஸ்த்ரைர்ந்ருபைரிந்த்³ரஸமைர்யுதி⁴ .
சந்த³னஸ்ய ரஸேனேவ ருதி⁴ரேண ஸமுக்ஷிதா꞉ .. 7.31.31 ..
தே யூயமவகா³ஹத்⁴வம் நர்மதா³ம் ஷ²ர்மதா³ம் ஷு²பா⁴ம் .
மஹாபத்³மமுகா² மத்தா க³ங்கா³மிவ க³ஹாக³ஜா꞉ .
அஸ்யாம் ஸ்னாத்வா மஹானத்³யாம் பாப்மானம் விப்ரமோக்ஷ்யத² .. 7.31.32 ..
அஹமப்யத்³ய புலினே ஷ²ரதி³ந்து³ஸமப்ரபே⁴ .
புஷ்போபஹாரம் ஷ²னகை꞉ கரிஷ்யாமி கபர்தி³ன꞉ .. 7.31.33 ..
ராவணேனைவமுக்தாஸ்து ப்ரஹஸ்தஷு²கஸாரணா꞉ .
ஸமஹோத³ரதூ⁴ம்ராக்ஷா நர்மதா³ம் விஜகா³ஹிரே .. 7.31.34 ..
ராக்ஷஸேந்த்³ரக³ஜைஸ்தைஸ்து க்ஷோபி⁴தா நர்மதா³ நதீ³ .
வாமனாஞ்ஜனபத்³மாத்³யைர்க³ங்கா³ இவ மஹாக³ஜை꞉ .. 7.31.35 ..
ததஸ்தே ராக்ஷஸா꞉ ஸ்னாத்வா நர்மதா³யாம் மஹாப³லா꞉ .
உத்தீர்ய புஷ்பாண்யாஜஹ்ருர்ப³ல்யர்த²ம் ராவணஸ்ய து .. 7.31.36 ..
நர்மதா³புலினே ஹ்ருத்³யே ஷு²ப்⁴ராப்⁴ரஸத்³ருஷ²ப்ரபே⁴ .
ராக்ஷஸைஸ்து முஹூர்தேன க்ருத꞉ புஷ்பமயோ கி³ரி꞉ .. 7.31.37 ..
புஷ்பேஷூபஹ்ருதேஷ்வேவம் ராவணோ ராக்ஷஸேஷ்²வர꞉ .
அவதீர்ணோ நதீ³ம் ஸ்னாதும் க³ங்கா³மிவ மஹாக³ஜ꞉ .. 7.31.38 ..
தத்ர ஸ்னாத்வா ச விதி⁴வஜ்ஜப்த்வா ஜப்யமனுத்தமம் .
நர்மதா³ஸலிலாத்தஸ்மாது³த்ததார ஸ ராவண꞉ .. 7.31.39 ..
தத꞉ க்லின்னாம்ப³ரம் த்யக்த்வா ஷு²க்லவஸ்த்ரஸமாவ்ருதம் .
ராவணம் ப்ராஞ்ஜலிம் யாந்தமன்வயு꞉ ஸர்வராக்ஷஸா꞉ .. 7.31.40 ..
தத்³க³தீவஷ²மாபன்னா மூர்திமந்த இவாசலா꞉ .
யத்ர யத்ர ச யாதி ஸ்ம ராவணோ ராக்ஷஸேஷ்²வர꞉ .
ஜாம்பூ³னத³மயம் லிங்க³ம் தத்ர தத்ர ஸ்ம நீயதே .. 7.31.41 ..
வாலுகாவேதி³மத்⁴யே து தல்லிங்க³ம் ஸ்தா²ப்ய ராவண꞉ .
அர்சயாமாஸ க³ந்தை⁴ஷ்²ச புஷ்பைஷ்²சாம்ருதக³ந்தி⁴பி⁴꞉ .. 7.31.42 ..
தத꞉ ஸதாமார்திஹரம் பரம் வரம் வரப்ரத³ம் சந்த்³ரமயூக²பூ⁴ஷணம் .
ஸமர்சயித்வா ஸ நிஷா²சரோ ஜகௌ³ ப்ரஸார்ய ஹஸ்தான்ப்ரணனர்த சாக்³ரத꞉ .. 7.31.43 ..
இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே ஶ்ரீமது³த்தரகாண்டே³ ஏகத்ரிம்ஷ²꞉ ஸர்க³꞉ .. 31 ..
Source: https://sa.wikisource.org/wiki/रामायणम्/उत्तरकाण्डम्
Converted to Tamil Script using Akshara Mukha:
Script Converter: http://aksharamukha.appspot.com/converter
