ஶ்ரீமத்³ராமாயணே வால்மீகீயே ஆதி³காவ்யே ஶ்ரீமது³த்தரகாண்டே³ ஏகவிம்ஷ²꞉ ஸர்க³꞉
ஏவம் ஸஞ்சிந்த்ய விப்ரேந்தோ³ ஜகா³ம லகு⁴விக்ரம꞉ .
ஆக்²யாதும் தத்³யதா²வ்ருத்தம் யமஸ்ய ஸத³னம் ப்ரதி .. 7.21.1 ..
அபஷ்²யத்ஸ யமம் தத்ர தே³வமக்³னிபுரஸ்க்ருதம் .
விதா⁴னமுபதிஷ்ட²ந்தம் ப்ராணினோ யஸ்ய யாத்³ருஷ²ம் .. 7.21.2 ..
ஸ து த்³ருஷ்ட்வா யம꞉ ப்ராப்தம் மஹர்ஷிம் தத்ர நாரத³ம் .
அப்³ரவீத்ஸுக²மாஸீனமர்க்⁴யமாவேத்³ய த⁴ர்மத꞉ .. 7.21.3 ..
கச்சித்க்ஷேமம் து தே³வர்ஷே கச்சித்³த⁴ர்மோ ந நஷ்²யதி .
கிமாக³மனக்ருத்யம் தே தே³வக³ந்த⁴ர்வஸேவித .. 7.21.4 ..
அப்³ரவீத்து ததா³ வாக்யம் நாரதோ³ ப⁴க³வாந்ருஷி꞉ .
ஷ்²ரூயதாமபி⁴தா⁴ஸ்யாமி விதா⁴னம் ச விதீ⁴யதாம் .. 7.21.5 ..
ஏஷ நாம்னோ த³ஷ²க்³ரீவ꞉ பித்ருராஜ நிஷா²சர꞉ .
உபயாதி வஷ²ம் நேதும் விக்ரமைஸ்த்வாம் ஸுது³ர்ஜயம் .. 7.21.6 ..
ஏதேன காரணேனாஹம் த்வரிதோ ஹ்யாக³த꞉ ப்ரபோ⁴ .
த³ண்ட³ப்ரஹரணஸ்யாத்³ய தவ கிம் நு ப⁴விஷ்யதி .. 7.21.7 ..
ஏதஸ்மின்னந்தரே து³ராத³ம்ஷு²மந்தமிவோதி³தம் .
த³த்³ருஷு²ர்தீ³ப்தமாயாந்தம் விமானம் தஸ்ய ரக்ஷஸ꞉ .. 7.21.8 ..
தம் தே³ஷ²ம் ப்ரப⁴யா தஸ்ய புஷ்பகஸ்ய மஹாப³ல꞉ .
க்ருத்வா விதிமிரம் ஸர்வம் ஸமீபம் ஸோ (அ)ப்⁴யவர்தத .. 7.21.9 ..
ஸோ (அ)பஷ்²யத்ஸ மஹாபா³ஹுர்த³ஷ²க்³ரீவஸ்ததஸ்தத꞉ .
ப்ராணின꞉ ஸுக்ருதம் கர்ம பு⁴ஞ்ஜானாம்ஷ்²சைவ து³ஷ்க்ருதம் .. 7.21.10 ..
அபஷ்²யத்ஸைநிகாம்ஷ்²சாஸ்ய யமஸ்யானுசரை꞉ ஸஹ .
யமஸ்ய புருஷைருக்³ரைர்கோ⁴ரரூபைர்ப⁴யானகை꞉ .. 7.21.11 ..
த³த³ர்ஷ² வத்⁴யமானாம்ஷ்²ச க்லிஷ்²யமானாம்ஷ்²ச தே³ஹின꞉ .
க்ரோஷ²தஷ்²ச மஹாநாத³ம் தீவ்ரநிஷ்டனதத்பரான் .. 7.21.12 ..
க்ருமிபி⁴ர்ப⁴க்ஷ்யமாணாம்ஷ்²ச ஸாரமேயைஷ்²ச தா³ருணை꞉ .. 7.21.13 ..
க்ஷோத்ராயாஸகரா வாசோ வத³தஷ்²ச ப⁴யாவஹா꞉ .
ஸந்தார்யமாணான்வைதரணீம் ப³ஹுஷ²꞉ ஷோ²ணிதோத³காம் .. 7.21.14 ..
வாலுகாஸு ச தப்தாஸு தப்யமானான்முஹூர்முஹு꞉ .
அஸிபத்ரவனே சைவ பி⁴த்³யமானானதா⁴ர்மிகான் .. 7.21.15 ..
ரௌரவே க்ஷாரனத்³யாம் ச க்ஷுரதா⁴ராஸு சைவ ஹி .
பானீயம் யாசமானாம்ஷ்²ச த்ருஷிதான்க்ஷுதி⁴தானபி .. 7.21.16 ..
ஷ²வபூ⁴தான்க்ருஷா²ந்தீ³னான்விவர்ணான்முக்தமூர்த⁴ஜான் .
மலபங்கத⁴ராந்தீ³னான்ரூக்ஷாம்ஷ்²ச பரிதா⁴வத꞉ .. 7.21.17 ..
த³த³ர்ஷ² ராவணோ மார்கே³ ஷ²தஷோ² (அ)த² ஸஹஸ்ரஷ²꞉ .
காம்ஷ்²சிச்ச க்³ருஹமுக்²யேஷு கீ³தவாதி³த்ரநி꞉ஸ்வனை꞉ .
ப்ரமோத³மானானத்³ராக்ஷீத்³ராவண꞉ ஸுக்ருதை꞉ ஸ்வகை꞉ .. 7.21.18 ..
கௌ³ரஸம் கோ³ப்ரதா³தாரோ ஹ்யன்னம் சைவான்னதா³யின꞉ .
க்³ருஹாம்ஷ்²ச க்³ருஹதா³தார꞉ ஸ்வகர்மப²லமஷ்²னத꞉ .. 7.21.19 ..
ஸுவர்ணமணிமுக்தாபி⁴꞉ ப்ரமதா³பி⁴ரளங்க்ருதான் .. 7.21.20 ..
தா⁴ர்மிகானபராம்ஸ்தத்ர தீ³ப்யமானான்ஸ்வதேஜஸா .
த³த³ர்ஷ² ஸுமஹாபா³ஹூ ராவணோ ராக்ஷஸாதி⁴ப꞉ .. 7.21.21 ..
ததஸ்தான்பி⁴த்³யமானாம்ஷ்²ச கர்மபி⁴ர்து³ஷ்க்ருதை꞉ ஸ்வகை꞉ .
ராவணோ மோசயாமாஸ விக்ரமேண ப³லாத்³ப³லீ .. 7.21.22 ..
ப்ராணினோ மோசிதாஸ்தேன த³ஷ²க்³ரீவேண ரக்ஷஸா .
ஸுக²மாபுர்முஹூர்தம் தே ஹ்யதர்கிதமசிந்திதம் .. 7.21.23 ..
ப்ரேதேஷு முச்யமானேஷு ராக்ஷஸேன மஹீயஸா .
ப்ரேதகோ³பா꞉ ஸுஸங்க்ருத்³தா⁴ ராக்ஷஸேந்த்³ரமபி⁴த்³ரவன் .. 7.21.24 ..
ததோ ஹலஹலாஷ²ப்³த³꞉ ஸர்வதி³க்³ப்⁴ய꞉ ஸமுத்தி²த꞉ .
த⁴ர்மராஜஸ்ய யோதா⁴னாம் ஷூ²ராணாம் ஸம்ப்ரதா⁴வதாம் .. 7.21.25 ..
தே ப்ராஸை꞉ பரிகை⁴꞉ ஷூ²லைர்முஸலை꞉ ஷ²க்திதோமரை꞉ .
புஷ்பகம் ஸமவர்ஷந்த ஷூ²ரா꞉ ஷ²தஸஹஸ்ரஷ²꞉ .. 7.21.26 ..
தஸ்யாஸனானி ப்ராஸாதா³ன்வேதி³காஸ்தோரணானி ச .
புஷ்பகஸ்ய ப³ப⁴ஞ்ஜுஸ்தே ஷீ²க்⁴ரம் மது⁴கரா இவ .. 7.21.27 ..
தே³வநிஷ்டா²னபூ⁴தம் தத்³விமானம் புஷ்பகம் ம்ருதே⁴ .
ப⁴ஜ்யமானம் ததை²வாஸீத³க்ஷயம் ப்³ரஹ்மதேஜஸா .. 7.21.28 ..
அஸங்க்²யா ஸுமஹத்யாஸீத்தஸ்ய ஸேனா மஹாத்மன꞉ .
ஷூ²ராணாமக்³ரயாத(அ)ணாம் ஸஹஸ்ராணி ஷ²தானி ச .. 7.21.29 ..
ததோ வ்ருக்ஷைஷ்²ச ஷை²லைஷ்²ச ப்ராஸாதா³னாம் ஷ²தைஸ்ததா² .
ததஸ்தே ஸசிவாஸ்தஸ்ய யதா²காமம் யதா²ப³லம் .
அயுத்⁴யந்த மஹாவீரா꞉ ஸ ச ராஜா த³ஷா²னன꞉ .. 7.21.30 ..
தே து ஷோ²ணிததி³க்³தா⁴ங்கா³꞉ ஸர்வஷ²ஸ்த்ரஸமாஹதா꞉ .
அமாத்யா ராக்ஷஸேந்த்³ரஸ்ய சக்ருராயோத⁴னம் மஹத் .. 7.21.31 ..
அன்யோன்யம் தே மஹாபா⁴கா³ ஜக்⁴னு꞉ ப்ரஹரணைர்ப்⁴ருஷ²ம் .
யமஸ்ய ச மஹாபா³ஹோ ராவணஸ்ய ச மந்த்ரிண꞉ .. 7.21.32 ..
அமாத்யாம்ஸ்தாம்ஸ்து ஸந்த்யஜ்ய யமயோதா⁴ மஹாப³லா꞉ .
தமேவ சாப்⁴யதா⁴வந்த ஷூ²லவர்ஷைர்த³ஷா²னனம் .. 7.21.33 ..
தத꞉ ஷோ²ணிததி³க்³தா⁴ங்க³꞉ ப்ரஹாரைர்ஜர்ஜரீக்ருத꞉ .
பு²ல்லாஷோ²க இவாபா⁴தி புஷ்பகே ராக்ஷஸாதி⁴ப꞉ .. 7.21.34 ..
ஸ து ஷூ²லக³தா³பாஸாஞ்ச²க்திதோமரஸாயகான் .
முஸலானி ஷி²லாவ்ருக்ஷான்முமோசாஸ்த்ரப³லாத்³ப³லீ .. 7.21.35 ..
தரூணாம் ச ஷி²லானாம் ச ஷ²ஸ்த்ராணாம் சாதிதா³ருணம் .
யமஸைன்யேஷு தத்³வர்ஷம் பபாத த⁴ரணீதலே .. 7.21.36 ..
தாம்ஸ்து ஸர்வான்விநிர்பி⁴த்³ய தத³ஸ்த்ரமபஹத்ய ச .
ஜக்⁴னுஸ்தே ராக்ஷஸம் கோ⁴ரமேகம் ஷ²தஸஹஸ்ரஷ²꞉ .. 7.21.37 ..
பரிவார்ய ச தம் ஸர்வே ஷை²லம் மோகோ⁴த்கரா இவ .
பி⁴ந்தி³பாலைஷ்²ச ஷூ²லைஷ்²ச நிருச்ச்²வாஸமபோத²யன் .. 7.21.38 ..
விமுக்தகவச꞉ க்ருத்³த⁴꞉ ஸிக்த꞉ ஷோ²ணிதவிஸ்ரவை꞉ .
தத꞉ ஸ புஷ்பகம் த்யக்த்வா ப்ருதி²வ்யாமவதிஷ்ட²த .. 7.21.39 ..
தத꞉ ஸ கார்முகீ வாணீ ஸமரே சாபி⁴வர்தத .
லப்³த⁴ஸஞ்ஜ்ஞோ முஹூர்தேன க்ருத்³த⁴ஸ்தஸ்தௌ² யதா²ந்தக꞉ .. 7.21.40 ..
தத꞉ பாஷு²பதம் தி³வ்யமஸ்த்ரம் ஸந்தா⁴ய கார்முகே .
திஷ்ட² திஷ்டே²தி தானுக்த்வா தச்சாபம் விசகர்ஷ ஸ .. 7.21.41 ..
ஆகர்ணாத்ஸ விக்ருஷ்யாத² சாபமிந்த்³ராரிராஹவே .
முமோச தம் ஷ²ரம் க்ருத்³த⁴ஸ்த்ரிபுரே ஷ²ங்கரோ யதா² .. 7.21.42 ..
தஸ்ய ரூபம் ஷ²ரஸ்யாஸீத்விதூ⁴மஜ்வாலமண்ட³லம் .
வனம் த³ஹிஷ்யதோ க⁴ர்மே தா³வாக்³னேரிவ மூர்ச்ச²த꞉ .. 7.21.43 ..
ஜ்வாலாமாலீ ஸ து ஷ²ர꞉ க்ரவ்யாதா³னுக³தோ ரணே .
முக்தோ கு³ள்மாந்த்³ருமாம்ஷ்²சாபி ப⁴ஸ்ம க்ருத்வா ப்ரதா⁴வதி .. 7.21.44 ..
தே தஸ்ய தேஜஸா த³க்³தா⁴꞉ ஸைன்யா வைவஸ்வதஸ்ய து .
ரணே தஸ்மிந்நிபதிதா தா³வத³க்³தா⁴ நகா³ இவ .. 7.21.45 ..
ததஸ்து ஸிசவை꞉ ஸார்த⁴ம் ராக்ஷஸோ பீ⁴மவிக்ரம꞉ .
நநாத³ ஸுமஹாநாத³ம் கம்பயன்னிவ மேதி³னீம் .. 7.21.46 ..
இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே ஶ்ரீமது³த்தரகாண்டே³ ஏகவிம்ஷ²꞉ ஸர்க³꞉ .. 21 ..
Source: https://sa.wikisource.org/wiki/रामायणम्/उत्तरकाण्डम्
Converted to Tamil Script using Akshara Mukha:
Script Converter: http://aksharamukha.appspot.com/converter
