ஶ்ரீமத்³ராமாயணே வால்மீகீயே ஆதி³காவ்யே ஶ்ரீமது³த்தரகாண்டே³ சதுர்த²꞉ ஸர்க³꞉
ஷ்²ருத்வாக³ஸ்த்யேரிதம் வாக்யம் ராமோ விஸ்மயமாக³த꞉ .
கத²மாஸீத்து லங்காயாம் ஸம்ப⁴வோ ரக்ஷஸாம் புரா .. 7.4.1 ..
தத꞉ ஷி²ர꞉ கம்பயித்வா த்ரேதாக்³நிஸமவிக்³ரஹம் .
தமக³ஸ்த்யம் முஹுர்த்³ருஷ்ட்வா ஸ்மயமானோ (அ)ப்⁴யபா⁴ஷத .. 7.4.2 ..
ப⁴க³வன்பூர்வமப்யேஷா லங்காஸீத்பிஷி²தாஷி²னாம் .
ஷ்²ருத்வேத³ம் ப⁴க³வத்³வாக்யம் ஜாதோ மே விஸ்மய꞉ பர꞉ .. 7.4.3 ..
புலஸ்த்யவம்ஷா²து³த்³பூ⁴தா ராக்ஷஸா இதி ந꞉ ஷ்²ருதம் .
இதா³னீமன்யதஷ்²சாபி ஸம்ப⁴வ꞉ கீர்திதஸ்த்வயா .. 7.4.4 ..
ராவணாத்கும்ப⁴கர்ணாச்ச ப்ரஹஸ்தாத்³விகடாத³பி .
ராவணஸ்ய ச புத்ரேப்⁴ய꞉ கிம் நு தே ப³லவத்தரா꞉ .. 7.4.5 ..
க ஏஷாம் பூர்வகோ ப்³ரஹ்மன்கிந்நாமா ச ப³லோத்கட꞉ .
அபராத⁴ம் ச கம் ப்ராப்ய விஷ்ணுனா த்³ராவிதா꞉ கத²ம் .. 7.4.6 ..
ஏதத்³விஸ்தரத꞉ ஸர்வம் கத²யஸ்வ மமானக⁴ .
குதூஹலமித³ம் மஹ்யம் நுத³ பா⁴னுர்யதா² தம꞉ .. 7.4.7 ..
ராக⁴வஸ்ய வச꞉ ஷ்²ருத்வா ஸம்ஸ்காராளங்க்ருதம் ஷு²ப⁴ம் .
ஈஷத்³விஸ்மயமானஸ்தமக³ஸ்த்ய꞉ ப்ராஹ ராக⁴வம் .. 7.4.8 ..
ப்ரஜாபதி꞉ புரா ஸ்ருஷ்ட்வா ஹ்யப꞉ ஸலிலஸம்ப⁴வ꞉ .
தாஸாம் கோ³பாயனே ஸத்த்வானஸ்ருஜத்பத்³மஸம்ப⁴வ꞉ .. 7.4.9 ..
தே ஸத்த்வா꞉ ஸத்த்வகர்தாரம் வினீதவது³பஸ்தி²தா꞉ .
கிம் குர்ம இதி பா⁴ஷந்த꞉ க்ஷுத்பிபாஸாப⁴யார்தி³தா꞉ .. 7.4.10 ..
ப்ரஜாபதிஸ்து தான்யாஹ ஸத்வானி ப்ரஹஸன்னிவ .
ஆபா⁴ஷ்ய வாசா யத்னேன ரக்ஷத்⁴வமிதி மானத³꞉ .. 7.4.11 ..
ரக்ஷாமேதி ச தத்ரான்யே ஜக்ஷாம இதி சாபரே .
பு⁴க்ஷிதாபு⁴க்ஷிதைருக்தஸ்ததஸ்தானாஹ பூ⁴தக்ருத் .. 7.4.12 ..
ரக்ஷாமேதி ச யைருக்தம் ராக்ஷஸாஸ்தே ப⁴வந்து வ꞉ .
ஜக்ஷாம இதி யைருக்தம் யக்ஷா ஏவ ப⁴வந்து வ꞉ .. 7.4.13 ..
தத்ர ஹேதி꞉ ப்ரஹேதிஷ்²ச ப்⁴ராதரௌ ராக்ஷஸாதி⁴பௌ .
மது⁴கைடப⁴ஸங்காஷௌ² ப³பூ⁴வதுரரிந்த³மௌ .. 7.4.14 ..
ப்ரஹேதிர்தா⁴ர்மிகஸ்தத்ர தபோவனக³தஸ்ததா³ .
ஹேதிர்தா³ரக்ரியார்தே² து பரம் யத்னமதா²கரோத் .. 7.4.15 ..
ஸ காலப⁴கி³னீம் கன்யாம் ப⁴யாம் நாம ப⁴யாவஹாம் .
உதா³வஹத³மேயாத்மா ஸ்வயமேவ மஹாமதி꞉ .. 7.4.16 ..
ஸ தஸ்யாம் ஜனயாமாஸ ஹேதீ ராக்ஷஸபுங்க³வ꞉ .
புத்ரம் புத்ரவதாம் ஷ்²ரேஷ்டோ² வித்³யுத்கேஷ² இதி ஷ்²ருதம் .. 7.4.17 ..
வித்³யுத்கேஷோ² ஹேதிபுத்ர꞉ ஸ தீ³ப்தார்கஸமப்ரப⁴꞉ .
வ்யவர்த⁴த மஹாதேஜாஸ்தோயமத்⁴ய இவாம்பு³த³꞉ .. 7.4.18 ..
ஸ யதா³ யௌவனம் ப⁴த்³ரமனுப்ராப்தோ நிஷா²சர꞉ .
ததோ தா³ரக்ரியாம் தஸ்ய கர்தும் வ்யவஸித꞉ பிதா .. 7.4.19 ..
ஸந்த்⁴யாயாஸ்தனயாம் ஸோ (அ)த² ஸந்த்⁴யாதுல்யாம் ப்ரபா⁴வத꞉ .
வரயாமாஸ புத்ரார்த²ம் ஹேதீ ராக்ஷஸபுங்க³வ꞉ .. 7.4.20 ..
அவஷ்²யமேவ தா³தவ்யா பரஸ்மை ஸேதி ஸந்த்⁴யயா .
சிந்தயித்வா ஸுதா த³த்தா வித்³யுத்கேஷா²ய ராக⁴வ .. 7.4.21 ..
ஸந்த்⁴யாயாஸ்தனயாம் லப்³த்⁴வா வித்³யுத்கேஷோ² நிஷா²சர꞉ .
ரமதே ஸ்ம தயா ஸார்த⁴ம் பௌலோம்யா மக⁴வானிவ .. 7.4.22 ..
கேனசித்த்வத² காலேன ராம ஸாலகடங்கடா .
வித்³யுத்கேஷா²த்³க³ர்ப⁴மாப க⁴னராஜிரிவார்ணவாத் .. 7.4.23 ..
தத꞉ ஸா ராக்ஷஸீ க³ர்ப⁴ம் க⁴நக³ர்ப⁴ஸமப்ரப⁴ம் .
ப்ரஸூதா மந்த³ரம் க³த்வா க³ங்கா³ க³ர்ப⁴மிவாக்³நிஜம் .. 7.4.24 ..
ஸமுத்ஸ்ருஜ்ய து ஸா க³ர்ப⁴ம் வித்³யுத்கேஷ²ரதார்தி²னீ .
ரேமே து ஸார்த⁴ம் பதினா விஸ்ம்ருத்ய ஸுதமாத்மஜம் .. 7.4.25 ..
உத்ஸ்ருஷ்டஸ்து ததா³ க³ர்போ⁴ க⁴னஷ²ப்³த³ஸமஸ்வன꞉ .
தயோத்ஸ்ருஷ்ட꞉ ஸ து ஷி²ஷு²꞉ ஷ²ரத³ர்கஸமத்³யுதி꞉ .
நிதா⁴யாஸ்யே ஸ்வயம் முஷ்டிம் ருரோத³ ஷ²னகைஸ்ததா³ .. 7.4.26 ..
ததோ வ்ருஷப⁴மாஸ்தா²ய பார்வத்யா ஸஹித꞉ ஷி²வ꞉ .
வாயுமார்கே³ண க³ச்ச²ன்வை ஷு²ஷ்²ராவ ருதி³தஸ்வனம் .. 7.4.27 ..
அபஷ்²யது³மயா ஸார்த⁴ம் ருத³ந்தம் ராக்ஷஸாத்மஜம் .
காருண்யபா⁴வாத்பார்வத்யா ப⁴வஸ்த்ரிபுரஸூத³ன꞉ .. 7.4.28 ..
தம் ராக்ஷஸாத்மஜம் சக்ரே மாதுரேவ வய꞉ஸமம் .
அமரம் சைவ தம் க்ருத்வா மஹாதே³வோ (அ)க்ஷரோ (அ)வ்யய꞉ .. 7.4.29 ..
புரமாகாஷ²க³ம் ப்ராதா³த்பார்வத்யா꞉ ப்ரியகாம்யயா .
உமயாபி வரோ த³த்தோ ராக்ஷஸானாம் ந்ருபாத்மஜ .. 7.4.30 ..
ஸத்³யோபலப்³தி⁴ர்க³ர்ப⁴ஸ்ய ப்ரஸூதி꞉ ஸத்³ய ஏவ ச .
ஸத்³ய ஏவ வய꞉ப்ராப்திர்மாதுரேவ வயஸ்ஸமம் .. 7.4.31 ..
தத꞉ ஸுகேஷோ² வரதா³நக³ர்வித꞉ ஷ்²ரியம் ப்ரபோ⁴꞉ ப்ராப்ய ஹரஸ்ய பார்ஷ்²வத꞉ .
சசார ஸர்வத்ர மஹான்மஹாமதி꞉ க²க³ம் புரம் ப்ராப்ய புரந்த³ரோ யதா² .. 7.4.32 ..
இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே ஶ்ரீமது³த்தரகாண்டே³ சதுர்த²꞉ ஸர்க³꞉ .. 4 ..
Source: https://sa.wikisource.org/wiki/रामायणम्/उत्तरकाण्डम्
Converted to Tamil Script using Akshara Mukha:
Script Converter: http://aksharamukha.appspot.com/converter
