ஶ்ரீமத்³ராமாயணே வால்மீகீயே ஆதி³காவ்யே ஶ்ரீமது³த்தரகாண்டே³ த்ருதீய꞉ ஸர்க³꞉
அத² புத்ர꞉ புலஸ்த்யஸ்ய விஷ்²ரவா முனிபுங்க³வ꞉ .
அசிரேணைவ காலேன பிதேவ தபஸி ஸ்தி²த꞉ .. 7.3.1 ..
ஸத்யவாஞ்சீ²லவாஞ்சா²ந்த꞉ ஸ்வாத்⁴யாயநிரத꞉ ஷு²சி꞉ .
ஸர்வபோ⁴கே³ஷ்வஸம்ஸக்தோ நித்யம் த⁴ர்மபராயண꞉ .. 7.3.2 ..
ஜ்ஞாத்வா தஸ்ய து தத்³வ்ருத்தம் ப⁴ரத்³வாஜோ மஹாமுனி꞉ .
த³தௌ³ விஷ்²ரவஸே பா⁴ர்யாம் ஸ்வஸுதாம் தே³வவர்ணினீம் .. 7.3.3 ..
ப்ரதிக்³ருஹ்ய து த⁴ர்மேண ப⁴ரத்³வாஜஸுதாம் ததா³ .
ப்ரஜான்வேக்ஷிகயா பு³த்³த்⁴யா ஷ்²ரேயோ ஹ்யஸ்ய விசிந்தயன் .. 7.3.4 ..
முதா³ பரமயா யுக்தோ விஷ்²ரவா முனிபுங்க³வ꞉ .
ஸ தஸ்யாம் வீர்யஸம்பன்னமபத்யம் பரமாத்³பு⁴தம் .. 7.3.5 ..
ஜனயாமாஸ த⁴ர்மஜ்ஞ꞉ ஸர்வைர்ப்³ரஹ்மகு³ணைர்யுதம் .
தஸ்மிஞ்ஜாதே து ஸம்ஹ்ருஷ்ட꞉ ஸம்ப³பூ⁴வ பிதாமஹ꞉ .. 7.3.6 ..
த்³ருஷ்ட்வா ஷ்²ரேயஸ்கரீம் பு³த்³தி⁴ம் த⁴னாத்⁴யக்ஷோ ப⁴விஷ்யதி .
நாம தஸ்யாகரோத்ப்ரீத꞉ ஸார்த⁴ம் தே³வர்ஷிபி⁴ஸ்ததா³ .. 7.3.7 ..
யஸ்மாத்³விஷ்²ரவஸோ (அ)பத்யம் ஸாத்³ருஷ்²யாத்³விஷ்²ரவா இவ .
தஸ்மாத்³வைஷ்²ரவணோ நாம ப⁴விஷ்யத்வேஷ விஷ்²ருத꞉ .. 7.3.8 ..
ஸ து வைஷ்²ரவணஸ்தத்ர தபோவனக³தஸ்ததா³ .
அவர்த⁴தாஹுதிஹுதோ மஹாதேஜா யதா²னல꞉ .. 7.3.9 ..
தஸ்யாஷ்²ரமபத³ஸ்த²ஸ்ய பு³த்³தி⁴ர்ஜஜ்ஞே மஹாத்மன꞉ .
சரிஷ்யே பரமம் த⁴ர்மம் த⁴ர்மோ ஹி பரமா க³தி꞉ .. 7.3.10 ..
ஸ து வர்ஷஸஹஸ்ராணி தபஸ்தப்த்வா மஹாவனே .
யந்த்ரிதோ நியமைருக்³ரைஷ்²சகார ஸுமஹத்தப꞉ .. 7.3.11 ..
பூர்ணே வர்ஷஸஹஸ்ராந்தே தம் தம் விதி⁴மகல்பயத் .
ஜலாஷீ² மாருதாஹாரோ நிராஹாரஸ்ததை²வ ச .. 7.3.12 ..
ஏவம் வர்ஷஸஹஸ்ராணி ஜக்³முஸ்தான்யேகவர்ஷவத் .
அத² ப்ரீதோ மஹாதேஜா꞉ ஸேந்த்³ரை꞉ ஸுரக³ணை꞉ ஸஹ .. 7.3.13 ..
க³த்வா தஸ்யாஷ்²ரமபத³ம் ப்³ரஹ்மேத³ம் வாக்யமப்³ரவீத் .
பரிதுஷ்டோ (அ)ஸ்மி தே வத்ஸ கர்மணானேன ஸுவ்ரத .
வரம் வ்ருணீஷ்வ ப⁴த்³ரம் தே வரார்ஹஸ்த்வம் மஹாமதே .. 7.3.14 ..
அதா²ப்³ரவீத்³வைஷ்²ரவண꞉ பிதாமஹமுபஸ்தி²தம் .
ப⁴க³வம்ல்லோகபாலத்வமிச்சே²யம் வித்தரக்ஷணம் .. 7.3.15 ..
அதா²ப்³ரவீத்³வைஷ்²ரவணம் பரிதுஷ்டேன சேதஸா .
ப்³ரஹ்மா ஸுரக³ணை꞉ ஸார்த⁴ம் பா³ட⁴மித்யேவ ஹ்ருஷ்டவத் .. 7.3.16 ..
அஹம் வை லோகபாலானாம் சதுர்த²ம் ஸ்ரஷ்டுமுத்³யத꞉ .. 7.3.17 ..
யமேந்த்³ரவருணானாம் ச பத³ம் யத்தவ சேப்ஸிதம் .
தத்³க³ச்ச² த்வம் ஹி த⁴ர்மஜ்ஞ நிதீ⁴ஷ²த்வமவாப்னுஹி .
ஷ²க்ராம்பு³பயமானாம் ச சதுர்த²ஸ்த்வம் ப⁴விஷ்யஸி .. 7.3.18 ..
ஏதச்ச புஷ்பகம் நாம விமானம் ஸூர்யஸன்னிப⁴ம் .
ப்ரதிக்³ருஹ்ணீஷ்வ யானார்த²ம் த்ரித³ஷை²꞉ ஸமதாம் வ்ரஜ .. 7.3.19 ..
ஸ்வஸ்தி தே (அ)ஸ்து க³மிஷ்யாம꞉ ஸர்வ ஏவ யதா²க³தம் .
க்ருதக்ருத்யா வயம் தாத த³த்த்வா தவ வரத்³வயம் .. 7.3.20 ..
இத்யுக்த்வா ஸ க³தோ ப்³ரஹ்மா ஸ்வஸ்தா²னம் த்ரித³ஷை²꞉ ஸஹ .. 7.3.21 ..
க³தேஷு ப்³ரஹ்மபூர்வேஷு தே³வேஷ்வத² நப⁴ஸ்த²லம் .
வனே ஸ பிதரம் ப்ராஹ ப்ராஞ்ஜலி꞉ ப்ரயதாத்மவான் .
நிவாஸனம் ந மே தே³வோ வித³தே⁴ ஸ ப்ரஜாபதி꞉ .. 7.3.22 ..
ப⁴க³வம்ல்லப்³த⁴வானஸ்மி வரமிஷ்டம் பிதாமஹாத் .
தம் பஷ்²ய ப⁴க³வன்கஞ்சிந்நிவாஸம் ஸாது⁴ மே ப்ரபோ⁴ .. 7.3.23 ..
ந ச பீடா³ ப⁴வேத்³யத்ர ப்ராணினோ யஸ்ய கஸ்யசித் .
ஏவமுக்தஸ்து புத்ரேண விஷ்²ரவா முனிபுங்க³வ꞉ .. 7.3.24 ..
வசனம் ப்ராஹ த⁴ர்மஜ்ஞ꞉ ஷ்²ரூயதாமிதி ஸத்தம꞉ .
த³க்ஷிணஸ்யோத³தே⁴ஸ்தீரே த்ரிகூடோ நாம பர்வத꞉ .. 7.3.25 ..
தஸ்யாக்³ரே து விஷா²லா ஸா மஹேந்த்³ரஸ்ய புரீ யதா² .
லங்கா நாம புரீ ரம்யா நிர்மிதா விஷ்²வகர்மணா .. 7.3.26 ..
ராக்ஷஸானாம் நிவாஸார்த²ம் யதே²ந்த்³ரஸ்யாமராவதீ .
தத்ர த்வம் வஸ ப⁴த்³ரம் தே லங்காயாம் நாத்ர ஸம்ஷ²ய꞉ .. 7.3.27 ..
ஹேமப்ராகாரபரிகா⁴ யந்த்ரஷ²ஸ்த்ரஸமாவ்ருதா .
ரமணீயா புரீ ஸா ஹி ருக்மவைடூ³ர்யதோரணா .. 7.3.28 ..
ராக்ஷஸை꞉ ஸா பரித்யக்தா புரா விஷ்ணுப⁴யார்தி³தை꞉ .
ஷூ²ன்யா ரக்ஷோக³ணை꞉ ஸர்வை ரஸாதலதலம் க³தை꞉ .. 7.3.29 ..
ஷூ²ன்யா ஸம்ப்ரதி லங்கா ஸா ப்ரபு⁴ஸ்தஸ்யா ந வித்³யதே .
ஸ த்வம் தத்ர நிவாஸாய க³ச்ச² புத்ர யதா²ஸுக²ம் .. 7.3.30 ..
நிர்தோ³ஷஸ்தத்ர தே வாஸோ ந பா³தா⁴ஸ்தத்ர கஸ்யசித் .
ஏதச்சு²த்வா ஸ த⁴ர்மாத்மா த⁴ர்மிஷ்ட²ம் வசனம் பிது꞉ .. 7.3.31 ..
நிவாஸயாமாஸ ததா³ லங்காம் பர்வதமூர்த⁴னி .
நைர்ருதானாம் ஸஹஸ்ரைஸ்து ஹ்ருஷ்டை꞉ ப்ரமுது³தை꞉ ஸஹ .. 7.3.32 ..
அசிரேணைவ காலேன ஸம்பூர்ணா தஸ்ய ஷா²ஸனாத் .. 7.3.33 ..
ஸ து தத்ராவஸத்ப்ரீதோ த⁴ர்மாத்மா நைர்ருதர்ஷப⁴꞉ .
ஸமுத்³ரபரிகா⁴யாம் து லங்காயாம் விஷ்²ரவாத்மஜ꞉ .. 7.3.34 ..
காலே காலே து த⁴ர்மாத்மா புஷ்பகேண த⁴னேஷ்²வர꞉ .
அப்⁴யாக³ச்ச²த்³வினீதாத்மா பிதரம் மாதரம் ச ஹி .. 7.3.35 ..
ஸ தே³வக³ந்த⁴ர்வக³ணைரபி⁴ஷ்டுதஸ்ததா²ப்ஸரோந்ருத்யவிபூ⁴ஷிதாலய꞉ .
க³ப⁴ஸ்திபி⁴꞉ ஸூர்ய இவாவபா⁴ஸயன்பிது꞉ ஸமீபம் ப்ரயயௌ ஸ வித்தப꞉ .. 7.3.36 ..
இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே ஶ்ரீமது³த்தரகாண்டே³ த்ருதீய꞉ ஸர்க³꞉ .. 3 ..
Source: https://sa.wikisource.org/wiki/रामायणम्/उत्तरकाण्डम्
Converted to Tamil Script using Akshara Mukha:
Script Converter: http://aksharamukha.appspot.com/converter
