ஶ்ரீமத்³ராமாயணே வால்மீகீயே ஆதி³காவ்யே ஶ்ரீமது³த்தரகாண்டே³ சதுஷ்ஷஷ்டிதம꞉ ஸர்க³꞉
ஏவமுக்த்வா ச காகுத்ஸ்த²ம் ப்ரஷ²ஸ்ய ச புன꞉ புன꞉ .
புனரேவாபரம் வாக்யமுவாச ரகு⁴நந்த³ன꞉ .. 7.64.1 ..
இமான்யஷ்²வஸஹஸ்ராணி சத்வாரி புருஷர்ஷப⁴ .
ரதா²னாம் த்³வே ஸஹஸ்ரே ச க³ஜானாம் ஷ²தமுத்தமம் .. 7.64.2 ..
அந்தரா பணவீத்²யஷ்²ச நானாபண்யோபஷோ²பி⁴தா꞉ .
அனுக³ச்ச²ந்து காகுத்ஸ்த²ம் ததை²வ நடனர்தகா꞉ .. 7.64.3 ..
ஹிரண்யஸ்ய ஸுவர்ணஸ்ய நியுதம் புருஷர்ஷப⁴ .
ஆதா³ய க³ச்ச² ஷ²த்ருக்⁴ன பர்யாப்தத⁴னவாஹன꞉ .. 7.64.4 ..
ப³லம் ச ஸுப்⁴ருதம் வீர ஹ்ருஷ்டபுஷ்டமனுத்³த⁴தம் .
ஸம்பா⁴ஷாஸம்ப்ரதா³னேன ரஞ்ஜயஸ்வ நகே³த்தம .. 7.64.5 ..
ந ஹ்யர்தா²ஸ்தத்ர திஷ்ட²ந்தி ந தா³ரா ந ச பா³ந்த⁴வா꞉ .
ஸுப்ரீதோ ப்⁴ருத்யவர்க³ஷ்²ச யத்ர திஷ்ட²ஸி ராக⁴வ .. 7.64.6 ..
ததோ ஹ்ருஷ்டஜனாகீர்ணாம் ப்ரஸ்தா²ப்ய மஹதீம் சமூம் .
ஏக ஏவ த⁴னுஷ்பாணிர்க³ச்ச² த்வம் மது⁴னோ வனம் .. 7.64.7 ..
யதா² த்வாம் ந ப்ரஜானாதி க³ச்ச²ந்தம் யுத்³த⁴காங்க்ஷிணம் .
லவணஸ்து மதோ⁴꞉ புத்ரஸ்ததா² க³ச்சே²ரஷ²ங்கிதம் .. 7.64.8 ..
ந தஸ்ய மூத்யுரன்யோ (அ)ஸ்தி கஷ்²சித்³தி⁴ புருஷர்ஷப⁴ .
த³ர்ஷ²னம் யோ (அ)பி⁴க³ச்சே²த ஸ வத்⁴யோ லவணேன ஹி .. 7.64.9 ..
ஸ ஹி க்³ரீஷ்மோ (அ)பயாதே து வர்ஷாராத்ர உபாக³தே .
ஹந்யாஸ்த்வம் லவணம் ஸௌம்ய ஸஹி காலோ (அ)ஸ்ய து³ர்மதே꞉ .. 7.64.10 ..
மஹர்ஷீம்ஸ்து புரத்க்ருத்ய ப்ரயாந்து தவ ஸௌனிகா꞉ .
யதா² க்³ரீஷ்மாவஷே²ஷேண தரேயுர்ஜாஹ்னவீஜலம் .. 7.64.11 ..
தத்ர ஸ்தா²ப்ய ப³லம் ஸர்வம் நதீ³தீரே ஸமாஹித꞉ .
அக்³ரதோ த⁴னுஷா ஸார்த⁴ம் க³ச்ச² த்வம் லகு⁴விக்ரம꞉ .. 7.64.12 ..
ஏவமுக்தஸ்து ராமேண ஷ²த்ருக்⁴னஸ்தான்மஹாப³லான் .
ஸேநாமுக்²யான்ஸமானீய ததோ வாக்யமுவாச ஹ .. 7.64.13 ..
ஏதே வோ க³ணிதா வாஸா யத்ர தத்ர நிவத்ஸ்யத² .
ஸ்தா²தவ்யம் சாவிரோதே⁴ன யதா² பா³தா⁴ ந கஸ்யசித் .. 7.64.14 ..
ததா² தாம்ஸ்து ஸமாஜ்ஞாப்ய ப்ரஸ்தா²ப்ய ச மஹத்³ப³லம் .
கௌஸல்யாம் ச ஸுமித்ராம் ச கைகேயீம் சாப்⁴யவாத³யத் .. 7.64.15 ..
ராமம் ப்ரத³க்ஷிணீக்ருத்ய ஷி²ரஸா (அ)பி⁴ப்ரணம்ய ச .
ராமேண சாப்⁴யனுஜ்ஞாத꞉ ஷ²த்ருக்⁴ன꞉ ஷ²த்ருதாபன꞉ .. 7.64.16 ..
லக்ஷ்மணம் ப⁴ரதம் சைவ ப்ரணிபத்ய க்ருதாஞ்ஜலி꞉ .
புரோஹிதம் வஸிஷ்ட²ம் ச ஷ²த்ருக்⁴ன꞉ ப்ரயதாத்மவான் .
ப்ரத³க்ஷிணமதோ² க்ருத்வா நிர்ஜகா³ம மஹாப³ல꞉ .. 7.64.17 ..
ப்ரஸ்தா²ப்ய ஸேநாமத² ஸோ (அ)க்³ரதஸ்ததா³ க³ஜேந்த்³ரவாஜிப்ரவரௌக⁴ஸங்குலாம் .
உபாஸ மாஸம் து நரேந்த்³ரபார்ஷ்²வதஸ்த்வத² ப்ரயாதோ ரகு⁴வம்ஷ²வர்த⁴ன꞉ .. 7.64.18 ..
இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே ஶ்ரீமது³த்தரகாண்டே³ சதுஷ்ஷஷ்டிதம꞉ ஸர்க³꞉ .. 64 ..
Source: https://sa.wikisource.org/wiki/रामायणम्/उत्तरकाण्डम्
Converted to Tamil Script using Akshara Mukha:
Script Converter: http://aksharamukha.appspot.com/converter
