ஶ்ரீமத்³ராமாயணே வால்மீகீயே ஆதி³காவ்யே ஶ்ரீமது³த்தரகாண்டே³ ஏகஷஷ்டிதம꞉ ஸர்க³꞉
ஏவம் ப்³ருவத்³பி⁴ர்ருஷிபி⁴꞉ காகுத்ஸ்தோ² வாக்யமப்³ரவீத் .
கிம் கார்யம் ப்³ரூத முனயோ ப⁴யம் தாவத³பைது வ꞉ .. 7.61.1 ..
ததா² ப்³ருவதி காகுத்ஸ்தே² பா⁴ர்க³வோ வாக்யமப்³ரவீத் .
ப⁴யானாம் ஷ்²ருணு யன்மூலம் தே³ஷ²ஸ்ய ச நரேஷ்²வர .. 7.61.2 ..
பூர்வம் க்ருதயுகே³ ராஜந்தை³தேய꞉ ஸுமஹாப³ல꞉ .
லோலாபுத்ரோ (அ)ப⁴வஜ்ஜ்யேஷ்டோ² மது⁴ர்நாம மஹாஸுர꞉ .. 7.61.3 ..
ப்³ரஹ்மண்யஷ்²ச ஷ²ரண்யஷ்²ச பு³த்³த்⁴யா ச பரிநிஷ்டி²த꞉ .
ஸுரைஷ்²ச பரமோதா³ரை꞉ ப்ரீதிஸ்தஸ்யாதுலா (அ)ப⁴வத் .. 7.61.4 ..
ஸ மது⁴ர்வீர்யஸம்பன்னோ த⁴ர்மே ச ஸுஸமாஹித꞉ .
ப³ஹுவர்ஷஸஹஸ்ராணி ருத்³ரப்ரீத்யா (அ)கரோத்தப꞉ .. 7.61.5 ..
ருத்³ர꞉ ப்ரீதோ (அ)ப⁴வத்தஸ்மை வரம் தா³தும் யயௌ ச ஸ꞉ .
ப³ஹுமானாச்ச ருத்³ரேண த³த்தஸ்தஸ்யாத்³பு⁴தோ வர꞉ .. 7.61.6 ..
ஷூ²லம் ஷூ²லாத்³விநிஷ்க்ருஷ்ய மஹாவீர்யம் மஹாப்ரப⁴ம் .
த³தௌ³ மஹாத்மா ஸுப்ரீதோ வாக்யம் சைதது³வாச ஹ .. 7.61.7 ..
த்வயாயமதுலோ த⁴ர்மோ மத்ப்ரஸாத³கர꞉ க்ருத꞉ .
ப்ரீத்யா பரமயா யுக்தோ த³தா³ம்யாயுத⁴முத்தமம் .. 7.61.8 ..
யாவத்ஸுரைஷ்²ச விப்ரைஷ்²ச ந விருத்⁴யேர்மஹாஸுர .
தாவச்சூ²லம் தவேத³ம் ஸ்யாத³ன்யதா² நாஷ²மேப்யதி .. 7.61.9 ..
யஷ்²ச த்வாமபி⁴யுஞ்ஜீத யுத்³தா⁴ய விக³தஜ்வர꞉ .
தம் ஷூ²லோ ப⁴ஸ்மஸாத்க்ருத்வா புனரேஷ்யதி தே கரம் .. 7.61.10 ..
ஏவம் ருத்³ராத்³வரம் லப்³த்⁴வா பூ⁴ய ஏவ மஹாஸுர꞉ .
ப்ரணிபத்ய மஹாதே³வம் வாக்யமேதது³வாச ஹ .. 7.61.11 ..
ப⁴க³வன்மம வம்ஷ²ஸ்ய ஷூ²லமேதத³னுத்தமம் .
ப⁴வேத்து ஸததம் தே³வ ஸுராணாமீஷ்²வரோ ஹ்யஸி .. 7.61.12 ..
தம் ப்³ருவாணம் மது⁴ம் தே³வ꞉ ஸர்வபூ⁴தபதி꞉ ஷி²வ꞉ .
ப்ரத்யுவாச மஹாதேஜா நைததே³வம் ப⁴விஷ்யதி .. 7.61.13 ..
மா பூ⁴த்தே விப²லா வாணீ மத்ப்ரஸாத³க்ருதா ஷு²பா⁴ .
ப⁴வத꞉ புத்ரமேகம் து ஷூ²லமேதத்³ப⁴ஜிஷ்யதே .. 7.61.14 ..
யாவத்கரஸ்த²꞉ ஷூ²லோ (அ)யம் ப⁴விஷ்யதி ஸுதஸ்ய தே .
அவத்⁴ய꞉ ஸர்வபூ⁴தானாம் ஷூ²லஹஸ்தோ ப⁴விஷ்யதி .. 7.61.15 ..
ஏவம் மது⁴ர்வரம் லப்³த்⁴வா தே³வாத்ஸுமஹத³த்³பு⁴தம் .
ப⁴வனம் ஸோ (அ)ஸுரஷ்²ரேஷ்ட²꞉ காரயாமாஸ ஸுப்ரப⁴ம் .. 7.61.16 ..
தஸ்ய பத்னீ மஹாபா⁴கா³ ப்ரியா கும்பீ⁴னஸீதி யா .
விஷ்²வாவஸோரபத்யம் ஸா ஹ்யனலாயாம் மஹாப்ரபா⁴ .. 7.61.17 ..
தஸ்யா꞉ புத்ரோ மஹாவீர்யோ லவணோ நாம தா³ருண꞉ .
பா³ல்யாத்ப்ரப்⁴ருதி து³ஷ்டாத்மா பாபான்யேவ ஸமாசரத் .. 7.61.18 ..
தம் புத்ரம் து³ர்வினீதம் து த்³ருஷ்ட்வா க்ரோத⁴ஸமன்வித꞉ .
மது⁴꞉ ஸ ஷோ²கமாபேதே³ ந சைனம் கிஞ்சித³ப்³ரவீத் .. 7.61.19 ..
ஸ விஹாய த்விமம் லோகம் ப்ரவிஷ்டோ வருணாலயம் .
ஷூ²லம் நிவேஷ்²ய லவணே வரம் தஸ்மை ந்யவேத³யத் .. 7.61.20 ..
ஸ ப்ரபா⁴வேண ஷூ²லஸ்ய தௌ³ராத்ம்யேனாத்மனஸ்ததா² .
ஸந்தாபயதி லோகாம்ஸ்த்ரீன்விஷே²ஷேண ச தாபஸான் .. 7.61.21 ..
ஏவம்ப்ரபா⁴வோ லவண꞉ ஷூ²லம் சைவ ததா²வித⁴ம் .
ஷ்²ருத்வா ப்ரமாணம் காகுத்ஸ்த² த்வம் ஹி ந꞉ பரமா க³தி꞉ .. 7.61.22 ..
ப³ஹவ꞉ பார்தி²வா ராம ப⁴யார்தைர்ருஷிபி⁴꞉ புரா .
அப⁴யம் யாசிதா வீர த்ராதாரம் ந ச வித்³மஹே .. 7.61.23 ..
தே வயம் ராவணம் ஷ்²ருத்வா ஹதம் ஸப³லவாஹனம் .
த்ராதாரம் வித்³மஹே தாத நான்யம் பு⁴வி நராதி⁴பம் .
தத்பரித்ராதுமிச்சா²மோ லவணாத்³ப⁴யபீடி³தான் .. 7.61.24 ..
இதி ராம நிவேதி³தம் து தே ப⁴யஜம் காரணமுத்தி²தம் ச யத் .
விநிவாரயிதும் ப⁴வான்க்ஷம꞉ குரு தம் காமமஹீனவிக்ரம .. 7.61.25 ..
இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே ஶ்ரீமது³த்தரகாண்டே³ ஏகஷஷ்டிதம꞉ ஸர்க³꞉ .. 61 ..
Source: https://sa.wikisource.org/wiki/रामायणम्/उत्तरकाण्डम्
Converted to Tamil Script using Akshara Mukha:
Script Converter: http://aksharamukha.appspot.com/converter
