ஶ்ரீமத்³ராமாயணே வால்மீகீயே ஆதி³காவ்யே ஶ்ரீமது³த்தரகாண்டே³ த்³விசத்வாரிம்ஷ²꞉ ஸர்க³꞉
ஸ விஸ்ருஜ்ய ததோ ராம꞉ புஷ்பகம் ஹேமபூ⁴ஷிதம் .
ப்ரவிவேஷ² மஹாபா³ஹுரஷோ²கவநிகாம் ததா³ .. 7.42.1 ..
சந்த³நாகு³ருசூதைஷ்²ச துங்க³காலேயகைரபி .
தே³வதா³ருவனைஷ்²சாபி ஸமந்தாது³பஷோ²பி⁴தாம் .. 7.42.2 ..
சம்பகாஷோ²கபுந்நாக³மதூ⁴கபனஸாஸனை꞉ .
ஷோ²பி⁴தாம் பாரிஜாதைஷ்²ச விதூ⁴மஜ்வலனப்ரபை⁴꞉ .. 7.42.3 ..
லோத்⁴ரனீபார்ஜுனைர்நாகை³꞉ ஸப்தபர்ணாதிமுக்தகை꞉ .
மந்தா³ரகத³ளீகு³ள்மலதாஜாலஸமாவ்ருதாம் .. 7.42.4 ..
ப்ரியங்கு³பி⁴꞉ கத³ம்பை³ஷ்²ச ததா² ச வகுலைரபி .
ஜம்பூ³பி⁴ர்தா³டி³மைஷ்²சைவ கோவிதா³ரைஷ்²ச ஷோ²பி⁴தாம் .. 7.42.5 ..
ஸர்வதா³ குஸுமை ரம்யை꞉ ப²லவத்³பி⁴ர்மனோரமை꞉ .
தி³வ்யக³ந்த⁴ரஸோபேதைஸ்தருணாங்குரபல்லவை꞉ .. 7.42.6 ..
ததை²வ தருபி⁴ர்தி³வ்யை꞉ ஷி²ல்பிபி⁴꞉ பரிகல்பிதை꞉ .
சாருபல்லவபுஷ்பாட்⁴யைர்மத்தப்⁴ரமரஸங்குலை꞉ .. 7.42.7 ..
கோகிலைர்ப்⁴ருங்க³ராஜைஷ்²ச நானாவர்ணைஷ்²ச பக்ஷிபி⁴꞉ .
ஷோ²பி⁴தாம் ஷ²தஷ²ஷ்²சித்ராம் சூதவ்ருக்ஷாவதம்ஸகை꞉ .. 7.42.8 ..
ஷா²தகும்ப⁴னிபா⁴꞉ கேசித்கேசித³க்³நிஷி²கோ²பமா꞉ .
நீலாஞ்ஜனனிபா⁴ஷ்²சான்யே பா⁴ந்தி தத்ரத்யபாத³பா꞉ .. 7.42.9 ..
ஸுரபீ⁴ணி ச புஷ்பாணி மால்யானி விவிதா⁴னி ச .
தீ³ர்கி⁴கா விவிதா⁴காரா꞉ பூர்ணா꞉ பரமவாரிணா .. 7.42.10 ..
மாணிக்யக்ருதஸோபானா꞉ ஸ்பா²டிகாந்தரகுட்டிமா꞉ .
பு²ல்லபத்³மோத்பலவநாஷ்²சக்ரவாகோபஷோ²பி⁴தா꞉ .. 7.42.11 ..
தா³த்யூஹஷு²கஸங்கு⁴ஷ்டா ஹம்ஸஸாரஸநாதி³தா꞉ .
தருபி⁴꞉ புஷ்பவத்³பி⁴ஷ்²ச தீரஜைருபஷோ²பி⁴தா꞉ .. 7.42.12 ..
ப்ராகாரைர்விவிதா⁴காரை꞉ ஷோ²பி⁴தாஷ்²ச ஷி²லாதலை꞉ .
தத்ரைவ ச வனோத்³தே³ஷே² வைடூ³ர்யமணிஸன்னிபை⁴꞉ .. 7.42.13 ..
ஷா²த்³வலை꞉ பரமோபேதாம் புஷ்பிதத்³ருமகானனாம் .
தத்ர ஸங்க⁴ர்ஷஜாதானாம் வ்ருக்ஷாணாம் புஷ்பஷா²லினாம் .. 7.42.14 ..
ப்ரஸ்தரா꞉ புஷ்பஷ²ப³லா நப⁴ஸ்தாராக³ணைரிவ .
நந்த³னம் ஹி யதே²ந்த்³ரஸ்ய ப்³ராஹ்மம் சைத்ரரத²ம் யதா² .
ததா²பூ⁴தம் ஹி ராமஸ்ய கானனம் ஸந்நிவேஷ²னம் .. 7.42.15 ..
ப³ஹ்வாஸனக்³ருஹோபேதாம் லதாக்³ருஹஸமாவ்ருதாம் .
அஷோ²கவநிகாம் ஸ்பீ²தாம் ப்ரவிஷ்²ய ரகு⁴நந்த³ன꞉ .. 7.42.16 ..
ஆஸனே ச ஷு²பா⁴காரே புஷ்பப்ரகரபூ⁴ஷிதே .
குஷா²ஸ்தரணஸம்ஸ்தீர்ணே ராம꞉ ஸந்நிஷஸாத³ ஹ .. 7.42.17 ..
ஸீதாமாதா³யம் ஹஸ்தேன மது⁴மைரேயகம் ஷு²சி .
பாயயாமாஸ காகுத்ஸ்த²꞉ ஷ²சீமிவ புரந்த³ர꞉ .. 7.42.18 ..
மாம்ஸானி ச ஸம்ருஷ்டானி ப²லானி விவிதா⁴னி ச .
ராமஸ்யாப்⁴யவஹாரார்த²ம் கிங்கராஸ்தூர்ணமாஹரன் .. 7.42.19 ..
உபாந்ருத்யம்ஷ்²ச ராஜானம் ந்ருத்யகீ³தவிஷா²ரதா³꞉ .
பா³லாஷ்²ச ரூபவத்யஷ்²ச ஸ்த்ரிய꞉ பானவஷா²னுகா³꞉ .. 7.42.20 ..
மனோபி⁴ராமா ராமாஸ்தா ராமோ ரமயதாம் வர꞉ .
ரமயாமாஸ த⁴ர்மாத்மா நித்யம் பரமபூ⁴ஷித꞉ .. 7.42.21 ..
ஸ தயா ஸீதயா ஸார்த⁴மாஸீனோ விரராஜ ஹ .
அருந்த⁴த்யா ஸஹாஸீனோ வஸிஷ்ட² இவ தேஜஸா .. 7.42.22 ..
ஏவம் ராமோ முதா³ யுக்த꞉ ஸீதாம் ஸுரஸுதோபமாம் .
ரமயாமாஸ வைதே³ஹீமஹன்யஹனி தே³வவத் .. 7.42.23 ..
ததா² தயோர்விஹரதோ꞉ ஸீதாராக⁴வயோஷ்²சிரம் .
அத்யக்ராமச்சு²ப⁴꞉ கால꞉ ஷை²ஷி²ரோ போ⁴க³த³꞉ ஸதா³ .. 7.42.24 ..
த³ஷ²வர்ஷஸஹஸ்ராணி க³தானி ஸுமஹாத்மனோ꞉ .
ப்ராப்தயோர்விவிதா⁴ன்போ⁴கா³னதீத꞉ ஷி²ஷி²ராக³ம꞉ .. 7.42.25 ..
பூர்வாஹ்ணே த⁴ர்மகார்யாணி க்ருத்வா த⁴ர்மேண த⁴ர்மவித் .
ஷே²ஷம் தி³வஸபா⁴கா³ர்த⁴மந்த꞉புரக³தோ (அ)ப⁴வத் .. 7.42.26 ..
ஸீதாபி தே³வகார்யாணி க்ருத்வா பௌர்வாஹ்ணிகானி வை .
ஷ்²வஷ்²ரூணாமகரோத்பூஜாம் ஸர்வாஸாமவிஷே²ஷத꞉ .. 7.42.27 ..
அப்⁴யக³ச்ச²த்ததோ ராமம் விசித்ராப⁴ரணாம்ப³ரா .
த்ரிவிஷ்டபே ஸஹஸ்ராக்ஷமுபவிஷ்டம் யதா² ஷ²சீ .. 7.42.28 ..
த்³ருஷ்ட்வா து ராக⁴வ꞉ பத்னீம் கல்யாணேன ஸமன்விதாம் .
ப்ரஹர்ஷமதுலம் லேபே⁴ ஸாது⁴ ஸாத்⁴விதி சாப்³ரவீத் .. 7.42.29 ..
அப்³ரவீச்ச வராரோஹாம் ஸீதாம் ஸுரஸுதோபமாம் .
அபத்யலாபோ⁴ வைதே³ஹி த்வயி மே ஸமுபஸ்தி²த꞉ .. 7.42.30 ..
கிமிச்ச²ஸி வராரோஹே காம꞉ கிம் க்ரியதாம் தவ .. 7.42.31 ..
ஸ்மிதம் க்ருத்வா து வைதே³ஹீ ராமம் வாக்யமதா²ப்³ரவீத் .
தபோவனானி புண்யானி த்³ரஷ்டுமிச்சா²மி ராக⁴வ .. 7.42.32 ..
க³ங்கா³தீரோபவிஷ்டானாம்ருஷீணாமுக்³ரதேஜஸாம் .
ப²லமூலாஷி²னாம் தே³வ பாத³மூலேஷு வர்திதும் .. 7.42.33 ..
ஏஷ மே பரம꞉ காமோ யன்மூலப²லபோ⁴ஜினாம் .
அப்யேகராத்ரம் காகுத்ஸ்த² நிவஸேயம் தபோவனே .. 7.42.34 ..
ததே²தி ச ப்ரதிஜ்ஞாதம் ராமேணாக்லிஷ்டகர்மணா .
விஸ்ரப்³தா⁴ ப⁴வ வைதே³ஹி ஷ்²வோ க³மிஷ்யஸ்யஸம்ஷ²யம் .. 7.42.35 ..
ஏவமுக்த்வா து காகுத்ஸ்தோ² மைதி²லீம் ஜனகாத்மஜாம் .
மத்⁴யகக்ஷாந்தரம் ராமோ நிர்ஜகா³ம ஸுஹ்ருத்³வ்ருத꞉ .. 7.42.36 ..
இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே ஶ்ரீமது³த்தரகாண்டே³ த்³விசத்வாரிம்ஷ²꞉ ஸர்க³꞉ .. 42 ..
Source: https://sa.wikisource.org/wiki/रामायणम्/उत्तरकाण्डम्
Converted to Tamil Script using Akshara Mukha:
Script Converter: http://aksharamukha.appspot.com/converter
