ஶ்ரீமத்³ராமாயணே வால்மீகீயே ஆதி³காவ்யே ஶ்ரீமது³த்தரகாண்டே³ (அ)ஷ்டாத்ரிம்ஷ²꞉ ஸர்க³꞉
ஏவமாஸ்தே மஹாபா³ஹுரஹன்யஹனி ராக⁴வ꞉ .
ப்ரஷா²ஸத்ஸர்வகார்யாணி பௌரஜானபதே³ஷு ச .. 7.38.1 ..
தத꞉ கதிபயாஹ꞉ஸு வைதே³ஹம் மிதி²லாதி⁴பம் .
ராக⁴வ꞉ ப்ராஞ்ஜலிர்பூ⁴த்வா வாக்யமேதது³வாச ஹ .. 7.38.2 ..
ப⁴வான்ஹி க³திரவ்யக்³ரா ப⁴வதா பாலிதா வயம் .
ப⁴வதஸ்தேஜஸோக்³ரேண ராவணோ நிஹதோ மயா .. 7.38.3 ..
இக்ஷ்வாகூணாம் ச ஸர்வேஷாம் மைதி²லானாம் ச ஸர்வஷ²꞉ .
அதுலா꞉ ப்ரீதயோ ராஜன்ஸம்ப³ந்த⁴கபுரோக³மா꞉ .. 7.38.4 ..
தத்³ப⁴வான்ஸ்வபுரம் யாது ரத்னான்யாதா³ய பார்தி²வ .
ப⁴ரதஷ்²ச ஸஹாயார்த²ம் ப்ருஷ்ட²தஸ்தே (அ)னுயாஸ்யதி .. 7.38.5 ..
ஸ ததே²தி ந்ருப꞉ க்ருத்வா ராக⁴வம் வாக்யமப்³ரவீத் .
ப்ரீதோ (அ)ஸ்மி ப⁴வதோ ராஜந்த³ர்ஷ²னேன நயேன ச .. 7.38.6 ..
யான்யேதானி து ரத்னானி மத³ர்த²ம் ஸஞ்சிதானி வை .
து³ஹித்ரே தானி வை ராஜன்ஸர்வாண்யேவ த³தா³மி ச .. 7.38.7 ..
ஏவமுக்த்வா து காகுத்ஸ்த²ம் ஜனகோ ஹ்ருஷ்டமானஸ꞉ .
ப்ரயயௌ மிதி²லாம் ஶ்ரீமாம்ஸ்தமனுஜ்ஞாய ராக⁴வம் .. 7.38.8 ..
தத꞉ ப்ரயாதே ஜனகே கேகயம் மாதுலம் ப்ரபு⁴꞉ .
ராக⁴வ꞉ ப்ராஞ்ஜலிர்பூ⁴த்வா வாக்யமேதது³வாச ஹ .. 7.38.9 ..
இத³ம் ராஜ்யமஹம் சைவ ப⁴ரதஷ்²ச ஸலக்ஷ்மண꞉ .
ஆயத்தாஸ்த்வம் ஹி நோ ராஜன்க³திஷ்²ச புருஷர்ஷப⁴ .. 7.38.10 ..
ராஜா ஹி வ்ருத்³த⁴꞉ ஸந்தாபம் த்வத³ர்த²முபயாஸ்யதி .
தஸ்மாத்³க³மனமத்³யைவ ரோசதே தவ பார்தி²வ .. 7.38.11 ..
லக்ஷ்மணேனானுயாத்ரேண ப்ருஷ்ட²தோ (அ)னுக³மிஷ்யதே .
த⁴னமாதா³ய விபுலம் ரத்னானி விவிதா⁴னி ச .. 7.38.12 ..
யுதா⁴ஜித்து ததே²த்யாஹ க³மனம் ப்ரதி ராக⁴வம் .
ரத்னானி ச த⁴னம் சைவ த்வய்யேவாக்ஷய்யமஸ்த்விதி .. 7.38.13 ..
ப்ரத³க்ஷிணம் ஸ ராஜானம் க்ருத்வா கேகயவர்த⁴ன꞉ .
ராமேண ஹி க்ருத꞉ பூர்வமபி⁴வாத்³ய ப்ரத³க்ஷிணம் .. 7.38.14 ..
லக்ஷ்மணேன ஸஹாயேன ப்ரயாத꞉ கேகயேஷ்²வர꞉ .
ஹதே (அ)ஸுரே யதா² வ்ருத்ரே விஷ்ணுனா ஸஹ வாஸவ꞉ .. 7.38.15 ..
தம் விஸ்ருஜ்ய ததோ ராமோ வயஸ்யமகுதோப⁴யம் .
ப்ரதர்த³னம் காஷி²பதிம் பரிஷ்வஜ்யேத³மப்³ரவீத் .. 7.38.16 ..
த³ர்ஷி²தா ப⁴வதா ப்ரீதிர்த³ர்ஷி²தம் ஸௌஹ்ருத³ம் பரம் .
உத்³யோக³ஷ்²ச க்ருதோ ராஜன்ப⁴ரதேன த்வயா ஸஹ .. 7.38.17 ..
தத்³ப⁴வானத்³ய காஷே²ய புரீம் வாராணஸீம் வ்ரஜ .
ரமணீயாம் த்வயா கு³ப்தாம் ஸுப்ரகாஷா²ம் ஸுதோரணாம் .. 7.38.18 ..
ஏதாவது³க்த்வா சோத்தா²ய காகுத்ஸ்த²꞉ பரமாஸனாத் .
பர்யஷ்வஜத த⁴ர்மாத்மா நிரந்தரமுரோக³தம் .. 7.38.19 ..
விஸர்ஜயாமாஸ ததா³ கௌஸல்யானந்த³வர்த⁴ன꞉ .
ராக⁴வேணாப்⁴யனுஜ்ஞாத꞉ காஷீ²ஷோ² (அ)ப்யகுதோப⁴ய꞉ .
வாராணஸீம் யயௌ தூர்ணம் ராக⁴வேண விஸர்ஜித꞉ .. 7.38.20 ..
விஸ்ருஜ்ய தம் காஷி²பதிம் த்ரிஷ²தம் ப்ருதி²வீபதீன் .
ப்ரஹஸன்ராக⁴வோ வாக்யமுவாச மது⁴ராக்ஷரம் .. 7.38.21 ..
ப⁴வதாம் ப்ரீதிரவ்யக்³ரா தேஜஸா பரிரக்ஷிதா .
த⁴ர்மஷ்²ச நியதோ நித்யம் ஸத்யம் ச ப⁴வதாம் ஸதா³ .. 7.38.22 ..
யுஷ்மாகம் சானுபா⁴வேன தேஜஸா ச மஹாத்மனாம் .
ஹதோ து³ராத்மா து³ர்பு³த்³தீ⁴ ராவணோ ராக்ஷஸாத⁴ம꞉ .. 7.38.23 ..
ஹேதுமாத்ரமஹம் தத்ர ப⁴வதாம் தேஜஸா ஹத꞉ .
ராவண꞉ ஸக³ணோ யுத்³தே⁴ ஸபுத்ராமாத்யபா³ந்த⁴வ꞉ .. 7.38.24 ..
ப⁴வந்தஷ்²ச ஸமானீதா ப⁴ரதேன மஹாத்மனா .
ஷ்²ருத்வா ஜனகராஜஸ்ய கானனாத்தனயாம் ஹ்ருதாம் .. 7.38.25 ..
உத்³யுக்தானாம் ச ஸர்வேஷாம் பார்தி²வானாம் மஹாத்மனாம் .
காலோ வ்யதீத꞉ ஸுமஹான்க³மனம் ரோசயாம்யத꞉ .. 7.38.26 ..
ப்ரத்யூசுஸ்தம் ச ராஜானோ ஹர்ஷேண மஹதா வ்ருதா꞉ .
தி³ஷ்ட்யாம் த்வம் விஜயீ ராம ஸ்வராஜ்யே (அ)பி ப்ரதிஷ்டி²த꞉ .. 7.38.27 ..
தி³ஷ்ட்யா ப்ரத்யாஹ்ருதா ஸீதா தி³ஷ்ட்யா ஷ²த்ரு꞉ பராஜித꞉ .
ஏஷ ந꞉ பரம꞉ காம ஏஷா ந꞉ பீதிருத்தமா .. 7.38.28 ..
யத்த்வாம் விஜயினம் ராம பஷ்²யாமோ ஹதஷா²த்ரவம் .. 7.38.29 ..
ஏதத்த்வய்யுபபன்னம் ச யத³ஸ்மாம்ஸ்த்வம் ப்ரஷ²ம்ஸஸே .
ப்ரஷ²ம்ஸார்ஹ ந ஜானீம꞉ ப்ரஷ²ம்ஸாம் வக்துமீத்³ருஷீ²ம் .. 7.38.30 ..
ஆப்ருச்சா²மோ க³மிஷ்யாமோ ஹ்ருதி³ஸ்தோ² ந꞉ ஸதா³ ப⁴வான் .
வர்தாமஹே மஹாபா³ஹோ ப்ரீத்யாத்ர மஹதா வ்ருதா꞉ .
ப⁴வேச்ச தே மஹாராஜ ப்ரீதிரஸ்மாஸு நித்யதா³ .. 7.38.31 ..
பா³ட⁴மித்யேவ ராஜானோ ஹர்ஷேண பரமான்விதா꞉ .
உசு꞉ ப்ராஞ்ஜலய꞉ ஸர்வே ராக⁴வம் க³மனோத்ஸுகா꞉ .. 7.38.32 ..
பூஜிதாஷ்²சைவ ராமேண ஜக்³முர்தே³ஷா²ன்ஸ்வகான்ஸ்வகான் .. 7.38.33 ..
இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே ஶ்ரீமது³த்தரகாண்டே³ (அ)ஷ்டாத்ரிம்ஷ²꞉ ஸர்க³꞉ .. 38 ..
Source: https://sa.wikisource.org/wiki/रामायणम्/उत्तरकाण्डम्
Converted to Tamil Script using Akshara Mukha:
Script Converter: http://aksharamukha.appspot.com/converter
