ஶ்ரீமத்³ராமாயணே வால்மீகீயே ஆதி³காவ்யே ஶ்ரீமது³த்தரகாண்டே³ சதுர்த³ஷ²꞉ ஸர்க³꞉
ததஸ்து ஸசிவை꞉ ஸார்த⁴ம் ஷட்³பி⁴ர்நித்யம் ப³லோத்³த⁴தை꞉ .
மஹோத³ரப்ரஹஸ்தாப்⁴யாம் மாரீசஷு²கஸாரணை꞉ .. 7.14.1 ..
தூ⁴ம்ராக்ஷேண ச வீரேண நித்யம் ஸமரக்³ருத்⁴னுனா .
வ்ருத꞉ ஸம்ப்ரயயௌ ஶ்ரீமான்க்ரோதா⁴ள்லோகாந்த³ஹன்னிவ .. 7.14.2 ..
புராணி ஸ நதீ³꞉ ஷை²லான்வனான்யுபவனானி ச .
அதிக்ரம்ய முஹூர்தேன கைலாஸம் கி³ரிமாக³மத் .. 7.14.3 ..
ஸந்நிவிஷ்டம் கி³ரௌ தஸ்மின்ராக்ஷஸேந்த்³ரம் நிஷ²ம்ய து .
யுத்³தே⁴ (அ)த்யர்த²க்ருதோத்ஸாஹம் து³ராத்மானம் ஸமந்த்ரிணம் .. 7.14.4 ..
யக்ஷா ந ஷே²கு꞉ ஸம்ஸ்தா²தும் ப்ரமுகே² தஸ்ய ரக்ஷஸ꞉ .
ராஜ்ஞோ ப்⁴ராதேதி விஜ்ஞாய க³தா யத்ர த⁴னேஷ்²வர꞉ .. 7.14.5 ..
தே க³த்வா ஸர்வமாசக்²யுர்ப்⁴ராதுஸ்தஸ்ய சிகீர்ஷிதம் .
அனுஜ்ஞாதா யயுர்ஹஷ்டா யுத்³தா⁴ய த⁴னதே³ன தே .. 7.14.6 ..
ததோ ப³லானாம் ஸங்க்ஷோபோ⁴ வ்யவர்த⁴த மஹோத³தே⁴꞉ .
தஸ்ய நைர்ருதராஜஸ்ய ஷை²லம் ஸஞ்சாலயன்னிவ .. 7.14.7 ..
ததோ யுத்³த⁴ம் ஸமப⁴வத்³யக்ஷராக்ஷஸஸங்குலம் .
வ்யதி²தாஷ்²சாப⁴வம்ஸ்தத்ர ஸசிவா ராக்ஷஸஸ்ய தே .. 7.14.8 ..
ஸ த்³ருஷ்ட்வா தாத்³ருஷ²ம் ஸைன்யம் த³ஷ²க்³ரீவோ நிஷா²சர꞉ .
ஹர்ஷநாதா³ன்ப³ஹூன்க்ருத்வா ஸ க்ரோதா⁴த³ப்⁴யதா⁴வத .. 7.14.9 ..
யே து தே ராக்ஷஸேந்த்³ரஸ்ய ஸசிவா கோ⁴ரவிக்ரமா꞉ .
தேஷாம் ஸஹஸ்ரமேகைகம் யக்ஷாணாம் ஸமயோத⁴யன் .. 7.14.10 ..
ததோ க³தா³பி⁴ர்முஸலைரஸிபி⁴꞉ ஷ²க்திதோமரை꞉ .
ஹன்யமானோ த³ஷ²க்³ரீவஸ்தத்ஸைன்யம் ஸமகா³ஹத .. 7.14.11 ..
ஸ நிருச்ச்²வாஸவத்தத்ர வத்⁴யமானோ த³ஷா²னன꞉ .
வர்ஷத்³பி⁴ரிவ ஜீமூதைர்தா⁴ராபி⁴ரவருத்⁴யத .. 7.14.12 ..
ந சகார வ்யதா²ம் சைவ யக்ஷஷ²ஸ்த்ரை꞉ ஸமாஹத꞉ .
மஹீத⁴ர இவாம்போ⁴தை³ர்தா⁴ராஷ²தஸமுக்ஷித꞉ .. 7.14.13 ..
ஸ து³ராத்மா ஸமுத்³யம்ய காலத³ண்டோ³பமாம் க³தா³ம் .
ப்ரவிவேஷ² தத꞉ ஸைன்யம் நயன்யக்ஷான்யமக்ஷயம் .. 7.14.14 ..
ஸ கக்ஷமிவ விஸ்தீர்ணம் ஷு²ஷ்கேந்த⁴னமிவாகுலம் .
வாதேநாக்³நிரிவாயத்தோ யக்ஷஸைன்யம் த³தா³ஹ தத் .. 7.14.15 ..
தைஸ்து தத்ர மஹாமாத்யைர்மஹோத³ரஷு²காதி³பி⁴꞉ .
அல்பாவஷே²ஷாஸ்தே யக்ஷா꞉ க்ருதா வாதைரிவாம்பு³தா³꞉ .. 7.14.16 ..
கேசித்ஸமாஹதா ப⁴க்³னா꞉ பதிதா꞉ ஸமரக்ஷிதௌ .
ஓஷ்டா²ம்ஷ்²ச த³ஷ²னைஸ்தீக்ஷ்ணைரத³ஷ²ன்குபிதா ரணே .. 7.14.17 ..
ஷ்²ராந்தாஷ்²சான்யோன்யமாலிங்க்³ய ப்⁴ரஷ்டஷ²ஸ்த்ரா ரணாஜிரே .
ஸீத³ந்தி ச ததா³ யக்ஷா꞉ கூலா இவ ஜலேன ஹ .. 7.14.18 ..
ஹதானாம் க³ச்ச²தாம் ஸ்வர்க³ம் யுத்⁴யதாம் ப்ருதி²வீதலே .
ப்ரேக்ஷதாம்ருஷிஸங்கா⁴னாம் ந ப³பூ⁴வாந்தரம் தி³வி .. 7.14.19 ..
ப⁴க்³னாம்ஸ்து தான்ஸமாலக்ஷ்ய யக்ஷேந்த்³ராம்ஸ்து மஹாப³லான் .
த⁴னாத்⁴யக்ஷோ மஹாபா³ஹு꞉ ப்ரேஷயாமாஸ யக்ஷகான் .. 7.14.20 ..
ஏதஸ்மின்னந்தரே ராம விஸ்தீர்ணப³லவாஹன꞉ .
ப்ரேஷிதோ ந்யபதத்³யக்ஷோ நாம்னா ஸம்யோத⁴கண்டக꞉ .. 7.14.21 ..
தேன சக்ரேண மாரீசோ விஷ்ணுனேவ ரணே ஹத꞉ .
பதிதோ பூ⁴தலே ஷை²லாத்க்ஷீணபுண்ய இவ க்³ரஹ꞉ .. 7.14.22 ..
ஸஸஞ்ஜ்ஞஸ்து முஹூர்தேன ஸ விஷ்²ரம்ய நிஷா²சர꞉ .
தம் யக்ஷம் யோத⁴யாமாஸ ஸ ச ப⁴க்³ன꞉ ப்ரது³த்³ருவே .. 7.14.23 ..
தத꞉ காஞ்சனசித்ராங்க³ம் வைடூ³ர்யரஜஸோக்ஷிதம் .
மர்யாதா³ம் ப்ரதிஹாராணாம் தோரணாந்தரமாவிஷ²த் .. 7.14.24 ..
தம் து ராஜந்த³ஷ²க்³ரீவம் ப்ரவிஷ²ந்தம் நிஷா²சரம் .
ஸூர்யபா⁴னுரிதி க்²யாதோ த்³வாரபாலோ ந்யவாரயத் .. 7.14.25 ..
ஸ வார்யமாணோ யக்ஷேண ப்ரவிவேஷ² நிஷா²சர꞉ .
யதா³ து வாரிதோ ராம ந வ்யதிஷ்ட²த்ஸ ராக்ஷஸ꞉ .. 7.14.26 ..
ததஸ்தோரணமுத்பாட்ய தேன யக்ஷேண தாடி³த꞉ .
ருதி⁴ரம் ப்ரஸ்ரவன்பா⁴தி ஷை²லோ தா⁴துஸ்ரவைரிவ .. 7.14.27 ..
ஸ ஷை²லஷி²க²ராபே⁴ண தோரணேன ஸமாஹத꞉ .
ஜகா³ம ந க்ஷதிம் வீரோ வரதா³னாத்ஸ்வயம்பு⁴வ꞉ .. 7.14.28 ..
தேனைவ தோரணேநாத² யக்ஷஸ்தேநாபி⁴தாடி³த꞉ .
நாத்³ருஷ்²யத ததா³ யக்ஷோ ப⁴ஸ்மீக்ருததனுஸ்ததா³ .. 7.14.29 ..
தத꞉ ப்ரது³த்³ருவு꞉ ஸர்வே த்³ருஷ்ட்வா ரக்ஷ꞉பராக்ரமம் .
ததோ நதீ³ர்கு³ஹாஷ்²சைவ விவிஷு²ர்ப⁴யபீடி³தா꞉ .
த்யக்தப்ரஹரணா꞉ ஷ்²ராந்தா விவர்ணவத³னாஸ்ததா³ .. 7.14.30 ..
இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே ஶ்ரீமது³த்தரகாண்டே³ சதுர்த³ஷ²꞉ ஸர்க³꞉ .. 14 ..
Source: https://sa.wikisource.org/wiki/रामायणम्/उत्तरकाण्डम्
Converted to Tamil Script using Akshara Mukha:
Script Converter: http://aksharamukha.appspot.com/converter
