ஶ்ரீமத்³ராமாயணே வால்மீகீயே ஆதி³காவ்யே ஶ்ரீமது³த்தரகாண்டே³ த்³வாத³ஷ²꞉ ஸர்க³꞉
ராக்ஷஸேந்த்³ரோ (அ)பி⁴ஷிக்தஸ்து ப்⁴ராத்ருப்⁴யாம் ஸஹிதஸ்ததா³ .
தத꞉ ப்ரதா³னம் ராக்ஷஸ்யா ப⁴கி³ன்யா꞉ ஸமசிந்தயத் .. 7.12.1 ..
ஸ்வஸாரம் காலகேயாய தா³னவேந்த்³ராய ராக்ஷஸீம் .
த³தௌ³ ஷூ²ர்பணகா²ம் நாம வித்³யுஜ்ஜிஹ்வாய நாமத꞉ .. 7.12.2 ..
அத² த³த்த்வா ஸ்வயம் ரக்ஷோ ம்ருக³யாமடதே ஸ்ம தத் .
தத்ராபஷ்²யத்ததோ ராம மயம் நாம தி³தே꞉ ஸுதம் .. 7.12.3 ..
கந்யாஸஹாயம் தம் த்³ருஷ்ட்வா த³ஷ²க்³ரீவோ நிஷா²சர꞉ .
அப்ருச்ச²த்கோ ப⁴வானேகோ நிர்மனுஷ்யம்ருகே³ வனே .
அனயா ம்ருக³ஷா²வாக்ஷ்யா கிமர்த²ம் ஸஹ திஷ்ட²ஸி .. 7.12.4 ..
மயஸ்ததா²ப்³ரவீத்³ராம ப்ருச்ச²ந்தம் தம் நிஷா²சரம் .
ஷ்²ரூயதாம் ஸர்வமாக்²யாஸ்யே யதா²வ்ருத்தமித³ம் மம .. 7.12.5 ..
ஹேமா நாமாப்ஸராஸ்தாத ஷ்²ருதபூர்வா யதி³ த்வயா .
தை³வதைர்மம ஸா த³த்தா பௌலோமீவ ஷ²தக்ரதோ꞉ .. 7.12.6 ..
தஸ்யாம் ஸக்தமனாஸ்தாத பஞ்சவர்ஷஷ²தான்யஹம் .
ஸா ச தை³வதகார்யேண த்ரயோத³ஷ² ஸமா க³தா꞉ .. 7.12.7 ..
வர்ஷம் சதுர்த³ஷ²ம் சைவ ததோ ஹேமமயம் புரம் .
வஜ்ரவைடூ³ர்யசித்ரம் ச மாயயா நிர்மிதம் மயா .. 7.12.8 ..
தத்ராஹமவஸம் தீ³னஸ்தயா ஹீன꞉ ஸுது³꞉கி²த꞉ .. 7.12.9 ..
தஸ்மாத்புராத்³து³ஹிதரம் க்³ருஹீத்வா வனமாக³த꞉ .
இயம் மமாத்மஜா ராஜம்ஸ்தஸ்யா꞉ குக்ஷௌ விவர்தி⁴தா .. 7.12.10 ..
ப⁴ர்தாரமனயா ஸார்த⁴மஸ்யா꞉ ப்ராப்தோ (அ)ஸ்மி மார்கி³தும் .
கன்யாபித்ருத்வம் து³꞉க²ம் ஹி ஸர்வேஷாம் மானகாங்க்ஷிணாம் .. 7.12.11 ..
கன்யா ஹி த்³வே குலே நித்யம் ஸம்ஷ²யே ஸ்தா²ப்ய திஷ்ட²தி .
புத்ரத்³வயம் மமாப்யஸ்யாம் பா⁴ர்யாயாம் ஸம்ப³பூ⁴வ ஹ .. 7.12.12 ..
மாயாவீ ப்ரத²மஸ்தாத து³ந்து³பி⁴ஸ்தத³னந்தர꞉ .
ஏவம் தே ஸர்வமாக்²யாதம் யாதா²தத்²யேன ப்ருச்ச²த꞉ .. 7.12.13 ..
த்வாமிதா³னீம் கத²ம் தாத ஜானீயாம் கோ ப⁴வானிதி .
ஏவமுக்தஸ்து தத்³ரக்ஷோ வினீதமித³மப்³ரவீத் .. 7.12.14 ..
அஹம் பௌலஸ்த்யதனயோ த³ஷ²க்³ரீவஷ்²ச நாமத꞉ .
முனேர்விஷ்²ரவஸோ யஸ்து த்ருதீயோ ப்³ரஹ்மணோ (அ)ப⁴வத் .. 7.12.15 ..
ஏவமுக்தஸ்ததா³ ராம ராக்ஷஸேந்த்³ரேண தா³னவ꞉ .
மஹர்ஷேஸ்தனயம் ஜ்ஞாத்வா மயோ ஹர்ஷமுபாக³த꞉ .
தா³தும் து³ஹிதரம் தஸ்மை ரோசயாமாஸ யத்ர வை .. 7.12.16 ..
கரேண து கரம் தஸ்யா க்³ராஹயித்வா மயஸ்ததா³ .
ப்ரஹஸன்ப்ராஹ தை³த்யேந்த்³ரோ ராக்ஷஸேந்த்³ரமித³ம் வச꞉ .. 7.12.17 ..
இயம் மமாத்மஜா ராஜன்ஹேமயா (அ)ப்ஸரஸா த்⁴ருதா .
கன்யா மந்தோ³த³ரீ நாம பத்ன்யர்த²ம் ப்ரதிக்³ருஹ்யதாம் .. 7.12.18 ..
பா³ட⁴மித்யேவ தம் ராம த³ஷ²க்³ரீவோ (அ)ப்⁴யபா⁴ஷத .
ப்ரஜ்சால்ய தத்ர சைவாக்³னிமகரோத்பாணிஸங்க்³ரஹம் .. 7.12.19 ..
ஸ ஹி தஸ்ய மயோ ராம ஷா²பாபி⁴ஜ்ஞஸ்தபோத⁴னாத் .
விதி³த்வா தேன ஸா த³த்தா தஸ்ய பைதாமஹம் குலம் .. 7.12.20 ..
அமோகா⁴ம் தஸ்ய ஷ²க்திம் ச ப்ரத³தௌ³ பரமாத்³பு⁴தாம் .
பரேண தபஸா லப்³தா⁴ம் ஜக்⁴னிவாம்ல்லக்ஷ்மணம் யயா .. 7.12.21 ..
ஏவம் ஸீக்ருததா³ரோ வை லங்காயா ஈஷ்²வர꞉ ப்ரபு⁴꞉ .
க³த்வா து நக³ரீம் பா⁴ர்யே ப்⁴ராத்ருப்⁴யாம் ஸமுபாஹரத் .. 7.12.22 ..
வைரோசனஸ்ய தௌ³ஹித்ரீம் வஜ்ரஜ்வாலேதி நாமத꞉ .
தாம் பா⁴ர்யாம் கும்ப⁴கர்ணஸ்ய ராவண꞉ ஸமகல்பயத் .. 7.12.23 ..
க³ந்த⁴ர்வராஜஸ்ய ஸுதாம் ஷை²லூஷஸ்ய மஹாத்மன꞉ .
ஸரமாம் நாம த⁴ர்மஜ்ஞாம் லேபே⁴ பா⁴ர்யாம் விபீ⁴ஷண꞉ .. 7.12.24 ..
தீரே து ஸரஸோ வை து ஸஞ்ஜஜ்ஞே மானஸஸ்ய ஹி .
ஸரஸ்ததா³ மானஸம் து வவ்ருதே⁴ ஜலதா³க³மே .. 7.12.25 ..
மாத்ரா து தஸ்யா꞉ கந்யாயா꞉ ஸ்னேஹேனாக்ரந்தி³தம் வச꞉ .
ஸரோ மா வர்த⁴யஸ்வேதி தத꞉ ஸா ஸரமா (அ)ப⁴வத் .. 7.12.26 ..
ஏவம் தே க்ருததா³ரா வை ரேமிரே தத்ர ராக்ஷஸா꞉ .
ஸ்வாம் ஸ்வாம் பா⁴ர்யாமுபாக³ம்ய க³ந்த⁴ர்வா இவ நந்த³னே .. 7.12.27 ..
ததோ மந்தோ³த³ரீ புத்ரம் மேக⁴நாத³மஜீஜனத் .
ஸ ஏஷ இந்த்³ரஜிந்நாம யுஷ்மாபி⁴ரபி⁴தீ⁴யதே .. 7.12.28 ..
ஜாதமாத்ரேண ஹி புரா தேன ராவணஸூனுனா .
ருத³தா ஸுமஹான்முக்தோ நாதோ³ ஜலத⁴ரோபம꞉ .. 7.12.29 ..
ஜடீ³க்ருதா ச ஸா லங்கா தஸ்ய நாதே³ன ராக⁴வ .
பிதா தஸ்யாகரோந்நாம மேக⁴நாத³ இதி ஸ்வயம் .. 7.12.30 ..
ஸோ (அ)வர்த⁴த ததா³ ராம ராவணாந்த꞉புரே ஷு²பே⁴ .
ரக்ஷ்யமாணோ வரஸ்த்ரீபி⁴ஷ்²ச²ன்ன꞉ காஷ்டை²ரிவானல꞉ .. 7.12.31 ..
மாதாபித்ரோர்மஹாஹர்ஷம் ஜநயன்ராவணாத்மஜ꞉ .. 7.12.32 ..
இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே ஶ்ரீமது³த்தரகாண்டே³ த்³வாத³ஷ²꞉ ஸர்க³꞉ .. 12 ..
Source: https://sa.wikisource.org/wiki/रामायणम्/उत्तरकाण्डम्
Converted to Tamil Script using Akshara Mukha:
Script Converter: http://aksharamukha.appspot.com/converter
