ஶ்ரீமத்³ராமாயணே வால்மீகீயே ஆதி³காவ்யே ஶ்ரீமது³த்தரகாண்டே³ பஞ்சாஷீ²திதம꞉ ஸர்க³꞉
லக்ஷ்மணஸ்ய து தத்³வாக்யம் ஷ்²ருத்வா ஷ²த்ருநிப³ர்ஹண꞉ .
வ்ருத்ரகா⁴தமஷே²ஷேண கத²யேத்யாஹ ஸுவ்ரத .. 7.85.1 ..
ராக⁴வேணைவமுக்தஸ்து ஸுமித்ராநந்த³வர்த⁴ந꞉ .
பூ⁴ய ஏவ கதா²ம் தி³வ்யாம் கத²யாமாஸ ஸுவ்ரத꞉ .. 7.85.2 ..
ஸஹஸ்ராக்ஷவச꞉ ஷ்²ருத்வா ஸர்வேஷாம் ச தி³வௌகஸாம் .
விஷ்ணுர்தே³வாநுவாசேத³ம் ஸர்வாநிந்த்³ரபுரோக³மான் .. 7.85.3 ..
பூர்வம் ஸௌஹ்ருத³ப³த்³தோ⁴ (அ)ஸ்மி வ்ருத்ரஸ்ய ஹ மஹாத்மந꞉ .
தேந யுஷ்மத்ப்ரியார்த²ம் ஹி நாஹம் ஹந்மி மஹாஸுரம் .. 7.85.4 ..
அவஷ்²யம் கரணீயம் ச ப⁴வதாம் ஸுக²முத்தமம் .
தஸ்மாது³பாயமாக்²யாஸ்யே யேந வ்ருத்ரோ நிஹந்யதே .. 7.85.5 ..
த்ரிதா⁴பூ⁴தம் கரிஷ்யாமி ஹ்யாத்மாநம் ஸுரஸத்தமா꞉ .
தேந வ்ருத்ரம் ஸஹஸ்ராக்ஷோ வதி⁴ஷ்யதி ந ஸம்ஷ²ய꞉ .. 7.85.6 ..
ஏகாம்ஷோ² வாஸவம் யாது த்³விதீயோ வஜ்ரமேவ து .
த்ருதீயோ பூ⁴தலம் ஷ²க்ரஸ்ததா³ வ்ருத்ரம் வதி⁴ஷ்யதி .. 7.85.7 ..
ததா² ப்³ருவதி தே³வேஷே² தே³வா வாக்யமதா²ப்³ருவன் .
ஏவமேதந்ந ஸந்தே³ஹோ யதா² வத³ஸி தை³த்யஹன் .. 7.85.8 ..
ப⁴த்³ரம் தே (அ)ஸ்து க³மிஷ்யாமோ வ்ருத்ராஸுரவதை⁴ஷிண꞉ .
ப⁴ஜஸ்வ பரமோதா³ர வாஸவம் ஸ்வேந தேஜஸா .. 7.85.9 ..
தத꞉ ஸர்வே மஹாத்மாந꞉ ஸஹஸ்ராக்ஷபுரோக³மா꞉ .
ததா³ரண்யமுபாக்ராமந்யத்ர வ்ருத்ரோ மஹாஸுர꞉ .. 7.85.10 ..
தே பஷ்²யம்ஸ்தேஜஸா பூ⁴தம் தப்யந்தமஸுரோத்தமம் .
பிப³ந்தமிவ லோகாம்ஸ்த்ரீந்நிர்த³ஹந்தமிவாம்ப³ரம் .. 7.85.11 ..
த்³ருஷ்ட்வைவ சாஸுரஷ்²ரேஷ்ட²ம் தே³வாஸ்த்ராஸமுபாக³மன் .
கத²மேநம் வதி⁴ஷ்யாம꞉ கத²ம் ந ஸ்யாத்பராஜய꞉ .. 7.85.12 ..
தேஷாம் சிந்தயதாம் தத்ர ஸஹஸ்ராக்ஷ꞉ புரந்த³ர꞉ .
வஜ்ரம் ப்ரக்³ருஹ்ய பாணிப்⁴யாம் ப்ராஹிணோத்³வ்ருத்ரமூர்த⁴நி .. 7.85.13 ..
காலாக்³நிநேவ கோ⁴ரேண தப்தேநைவ மஹார்சிஷா .
பததா வ்ருத்ரஷி²ரஸா ஜக³த்த்ராஸமுபாக³மத் .. 7.85.14 ..
அஸம்பா⁴வ்யம் வத⁴ம் தஸ்ய வ்ருத்ரஸ்ய விபு³தா⁴தி⁴ப꞉ .
சிந்தயாநோ ஜகா³மாஷு² லோகஸ்யாந்தம் மஹாயஷா²꞉ .. 7.85.15 ..
தமிந்த்³ரம் ப்³ரஹ்மஹத்யா ஆஷு² க³ச்ச²ந்தமநுக³ச்ச²தி .
அபதச்சாஸ்ய கா³த்ரேஷு தமிந்த்³ரம் து³꞉க²மாவிஷ²த் .. 7.85.16 ..
ஹதாரய꞉ ப்ரநஷ்டேந்த்³ரா தே³வா꞉ ஸாக்³நிபுரோக³மா꞉ .
விஷ்ணும் த்ரிபு⁴வநேஷா²நம் முஹுர்முஹுரபூஜயன் .. 7.85.17 ..
த்வம் க³தி꞉ பரமேஷா²ந பூர்வஜோ ஜக³த꞉ பிதா .
ரக்ஷார்த²ம் ஸர்வபூ⁴தாநாம் விஷ்ணுத்வமுபஜக்³மிவான் .. 7.85.18 ..
ஹதஷ்²சாயம் த்வயா வ்ருத்ரோ ப்³ரஹ்மஹத்யா ச வாஸவம் .
பா³த⁴தே ஸுரஷா²ர்தூ³ல மோக்ஷம் தஸ்யா விநிர்தி³ஷ² .. 7.85.19 ..
தேஷாம் தத்³வசநம் ஷ்²ருத்வா தே³வாநாம் விஷ்ணுரப்³ரவீத் .
மாமேவ யஜதாம் ஷ²க்ர꞉ பாவயிஷ்யாமி வஜ்ரிணம் .. 7.85.20 ..
புண்யேந ஹயமேதே⁴ந மாமிஷ்ட்வா பாகஷா²ஸந꞉ .
புநரேஷ்யதி தே³வாநாமிந்த்³ரத்வமகுதோப⁴யம் .. 7.85.21 ..
ஏவம் ஸந்தி³ஷ்²ய தாம் வாணீம் தே³வாநாமம்ருதோபமாம் .
ஜகா³ம விஷ்ணுர்தே³வேஷ²꞉ ஸ்தூயமாநஸ்த்ரிவிஷ்டபம் .. 7.85.22 ..
இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே ஶ்ரீமது³த்தரகாண்டே³ பஞ்சாஷீ²திதம꞉ ஸர்க³꞉ .. 85 ..
