ஶ்ரீமத்³ராமாயணே வால்மீகீயே ஆதி³காவ்யே ஶ்ரீமது³த்தரகாண்டே³ சத்வாரிம்ஷ²꞉ ஸர்க³꞉
ததா² ஸ்ம தேஷாம் வஸதாம்ருக்ஷவானரரக்ஷஸாம் .
ராக⁴வஸ்து மஹாதேஜா꞉ ஸுக்³ரீவமித³மப்³ரவீத் .. 7.40.1 ..
க³ம்யதாம் ஸௌம்ய கிஷ்கிந்தா⁴ம் து³ராத⁴ர்ஷாம் ஸுராஸுரை꞉ .
பாலயஸ்வ ஸஹாமாத்யோ ராஜ்யம் நிஹதகண்டகம் .. 7.40.2 ..
அங்க³த³ம் ச மஹாபா³ஹோ ப்ரீத்யா பரமயா யுத꞉ .
பஷ்²ய த்வம் ஹனுமந்தம் ச ளம் ச ஸுமஹாப³லம் .. 7.40.3 ..
ஸுஷேணம் ஷ்²வஷு²ரம் வீரம் தாரம் ச ப³லினாம் வரம் .
குமுத³ம் சைவ து³ர்த⁴ர்ஷம் நீலம் சைவ மஹாப³லம் .. 7.40.4 ..
வீரம் ஷ²தவலிம் சைவ மைந்த³ம் த்³விவித³மேவ ச .
க³ஜம் க³வாக்ஷம் க³வயம் ஷ²ரப⁴ம் ச மஹாப³லம் .
பஷ்²ய ப்ரீதிஸமாயுக்தோ க³ந்த⁴மாத³னமேவ ச .. 7.40.5 ..
ருஷப⁴ம் ச ஸுவிக்ராந்தம் ஜாம்ப³வந்தம் மஹாப³லம் .
யே சேமே ஸுமஹாத்மானோ மத³ர்தே² த்யக்தஜீவிதா꞉ .. 7.40.6 ..
பஷ்²ய த்வம் ப்ரீதிஸம்யுக்தோ மா சைஷாம் விப்ரியம் க்ருதா²꞉ .. 7.40.7 ..
ஏவமுக்த்வா து ஸுக்³ரீவமாஷ்²லிஷ்ய ச புன꞉ புன꞉ .
விபீ⁴ஷணமுவாசாத² ராமோ மது⁴ரயா கி³ரா .. 7.40.8 ..
லங்காம் ப்ரஷா²தி⁴ த⁴ர்மேண த⁴ர்மஜ்ஞஸ்த்வம் மதோ மம .
புரஸ்ய ராக்ஷஸானாம் ச ஸ்வப்⁴ராதுஸ்ஸம்மதோ ஹ்யஸி .. 7.40.9 ..
மா ச பு³த்³தி⁴மத⁴ர்மே த்வம் குர்யா ராஜன்கத²ஞ்சன .
பு³த்³தி⁴மந்தோ ஹி ராஜானோ த்⁴ருவமஷ்²னந்தி மேதி³னீம் .. 7.40.10 ..
அஹம் ச நித்யஷோ² ராஜன்ஸுக்³ரீவஸஹிதஸ்த்வயா .
ஸ்மர்தவ்ய꞉ பரயா ப்ரீத்யா க³ச்ச² த்வம் விக³தஜ்வர꞉ .. 7.40.11 ..
ராமஸ்ய பா⁴ஷிதம் ஷ்²ருத்வா ருக்ஷவானரராக்ஷஸா꞉ .
ஸாது⁴ஸாத்⁴விதி காகுத்ஸ்த²ம் ப்ரஷ²ஷ²ம்ஸு꞉ புன꞉ புன꞉ .. 7.40.12 ..
தவ பு³த்³தி⁴ர்மஹாபா³ஹோ வீர்யமத்³பு⁴தமேவ ச .
மாது⁴ர்யம் பரமம் ராம ஸ்வயம்போ⁴ரிவ நித்யதா³ .. 7.40.13 ..
தேஷாமேவம் ப்³ருவாணானாம் வானராணாம் ச ராக்ஷஸாம் .
ஹனூமான்ப்ரவண꞉ பூ⁴த்வா ராக⁴வம் வாக்யமப்³ரவீத் .. 7.40.14 ..
ஸ்னேஹோ மே பரமோ ராஜம்ஸ்த்வயி திஷ்ட²து நித்யதா³ .
ப⁴க்திஷ்²ச நியதா வீர பா⁴வோ நான்யத்ர க³ச்ச²து .. 7.40.15 ..
வாயத்³ராமகதா² வீர சரிஷ்யதி மஹீதலே .
தாவச்ச²ரீரே வத்ஸ்யந்தி ப்ராணா மம ந ஸம்ஷ²ய꞉ .. 7.40.16 ..
யச்சைதச்சரிதம் தி³வ்யம் கதா² தே ரகு⁴நந்த³ன .
தன்மயாப்ஸரஸோ நாம ஷ்²ராவயேயுர்னரர்ஷப⁴ .. 7.40.17 ..
தச்ச்²ருத்வாஹம் ததோ வீர தவ சர்யாம்ருதம் ப்ரபோ⁴ .
உத்கண்டா²ம் தாம் ஹரிஷ்யாமி மேக⁴ளேகா²மிவானில꞉ .. 7.40.18 ..
ஏவம் ப்³ருவாணம் ராமஸ்து ஹனூமந்தம் வராஸனாத் .
உத்தா²ய ஸஸ்வஜே ஸ்னேஹாத்³வாக்யமேதது³வாச ஹ .. 7.40.19 ..
ஏவமேதத்கபிஷ்²ரேஷ்ட² ப⁴விதா நாத்ர ஸம்ஷ²ய꞉ .
சரிஷ்யதி கதா² யாவதே³ஷா லோகே ச மாமிகா .
தாவத்தே ப⁴விதா கீர்தி꞉ ஷ²ரீரே (அ)ப்யஸவஸ்ததா² .. 7.40.20 ..
லோகா ஹி யாவத்ஸ்தா²ஸ்யந்தி தாவத்ஸ்தா²ஸ்யதி மே கதா² .. 7.40.21 .. லோகே ச மாமிகா .
ஏகைகஸ்யோபகாரஸ்ய ப்ராணாந்தா³ஸ்யாமி தே கபே .
நர꞉ ப்ரத்யுபகாராணாமாபஸ்த்வாயாதி பாத்ரதாம் .. 7.40.22 ..
ததோ (அ)ஸ்ய ஹாரம் சந்த்³ராப⁴ம் முச்ய கண்டா²த்ஸ ராக⁴வ꞉ .
வைடூ³ர்யதரளம் கண்டே² ப³ப³ந்த⁴ ச ஹனூமத꞉ .. 7.40.23 ..
தேனோரஸி நிப³த்³தே⁴ன ஹாரேண மஹதா கபி꞉ .
ரராஜ ஹேமஷை²லேந்த்³ரஷ்²சந்த்³ரேணாக்ராந்தமஸ்தக꞉ .. 7.40.24 ..
ஷ்²ருத்வா து ராக⁴வஸ்யைதது³த்தா²யோத்தா²ய வானரா꞉ .
ப்ரணம்ய ஷி²ரஸா பாதௌ³ நிர்ஜக்³முஸ்தே மஹாப³லா꞉ .. 7.40.25 ..
ஸுக்³ரீவ꞉ ஸ ச ராமேண நிரந்தரமுரோக³த꞉ .
விபீ⁴ஷணஷ்²ச த⁴ர்மாத்மா ஸர்வே தே பா³ஷ்பவிக்லவா꞉ .. 7.40.26 ..
ஸர்வே ச தே பா³ஷ்பகலா꞉ ஸாஷ்²ருநேத்ரா விசேதஸ꞉ .
ஸம்மூடா⁴ இவ து³꞉கே²ன த்யஜந்தோ ராக⁴வம் ததா³ .. 7.40.27 ..
க்ருதப்ரஸாதா³ஸ்தேனைவம் ராக⁴வேண மஹாத்மனா .
ஜக்³மு꞉ ஸ்வம் ஸ்வம் க்³ருஹம் ஸர்வே தே³ஹீ தே³ஹமிவ த்யஜன் .. 7.40.28 ..
ததஸ்து தே ராக்ஷஸருக்ஷவானரா꞉ ப்ரணம்ய ராமம் ரகு⁴வம்ஷ²வர்த⁴னம் .
வியோக³ஜாஷ்²ருப்ரதிபூர்ணலோசனா꞉ ப்ரதிப்ரயாதாஸ்து யதா² நிவாஸின꞉ .. 7.40.29 ..
இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே ஶ்ரீமது³த்தரகாண்டே³ சத்வாரிம்ஷ²꞉ ஸர்க³꞉ .. 40..
Source: https://sa.wikisource.org/wiki/रामायणम्/उत्तरकाण्डम्
Converted to Tamil Script using Akshara Mukha:
Script Converter: http://aksharamukha.appspot.com/converter
