ஶ்ரீமத்³ராமாயணே வால்மீகீயே ஆதி³காவ்யே ஶ்ரீமது³த்தரகாண்டே³ த்ரயோவிம்ஷ²꞉ ஸர்க³꞉
ததோ ஜித்வா த³ஷ²க்³ரீவோ யமம் த்ரித³ஷ²புங்க³வம் .
ராவணஸ்து ரணஷ்²லாகீ⁴ ஸ்வஸஹாயாந்த³த³ர்ஷ² ஹ .. 7.23.1 ..
ததோ ருதி⁴ரஸிக்தாங்க³ம் ப்ரஹாரைர்ஜர்ஜரீக்ருதம் .
ராவணம் ராக்ஷஸா த்³ருஷ்ட்வா ஹ்யஷ்டவத் ஸமுபாக³மன் .. 7.23.2 ..
ஜயேன வர்த⁴யித்வா ச மாரீசப்ரமுகா²ஸ்தத꞉ .
புஷ்பகம் பே⁴ஜிரே ஸர்வே ஸாந்த்விதா ராவணேன து .. 7.23.3 ..
ததோ ரஸாதலம் க³ச்ச²ன் ப்ரவிஷ்ட꞉ பயஸாம் நிதி⁴ம் .
தை³த்யோரக³க³ணாத்⁴யுஷ்டம் வருணேன ஸுரக்ஷிதம் .. 7.23.4 ..
ஸ து போ⁴க³வதீம் க³த்வா புரீம் வாஸுகிபாலிதாம் .
க்ருத்வா நாகா³ன்வஷே² ஹ்ருஷ்டோ யயௌ மணிமயீம் புரீம் .. 7.23.5 ..
நிவாதகவசாஸ்தத்ர தை³த்யா லப்³த⁴வரா வஸன் .
ராக்ஷஸாந்தான்ஸமாக³ம்ய யுத்³தா⁴ய ஸமுபாஹ்வயத் .. 7.23.6 ..
தே து ஸர்வே ஸுவிக்ராந்தா தை³தேயா ப³லஷா²லின꞉ .
நானாப்ரஹரணாஸ்தத்ர ப்ரஹ்ருஷ்டா யுத்³த⁴து³ர்மதா³꞉ .. 7.23.7 ..
ஷூ²லைஸ்த்ரிஷூ²லை꞉ குலிஷை²꞉ பட்டிஷா²ஸிபரஷ்²வதை⁴꞉ .
அன்யோன்யம் பி³பி⁴து³꞉ க்ருத்³தா⁴ ராக்ஷஸா தா³னவாஸ்ததா² .. 7.23.8 ..
தேஷாம் து யுத்⁴யமானானாம் ஸாக்³ர꞉ ஸம்வத்ஸரோ க³த꞉ .
ந சான்யதரயோஸ்தத்ர விஜயோ வா க்ஷயோ (அ)பி வா .. 7.23.9 ..
தத꞉ பிதாமஹஸ்தத்ர த்ரைலோக்யக³திரவ்யய꞉ .
ஆஜகா³ம த்³ருதம் தே³வோ விமானவரமாஸ்தி²த꞉ .. 7.23.10 ..
நிவாதகவசானாம் து நிவார்ய ரணகர்ம தத் .
வ்ருத்³த⁴꞉ பிதாமஹோ வாக்யமுவாச விதி³தார்த²வத் .. 7.23.11 ..
நஹ்யயம் ராவணோ யுத்³தே⁴ ஷ²க்யோ ஜேதும் ஸுராஸுரை꞉ .
ந ப⁴வந்த꞉ க்ஷயம் நேதுமபி ஸாமரதா³னவை꞉ .. 7.23.12 ..
ராக்ஷஸஸ்ய ஸகி²த்வம் ச ப⁴வத்³பி⁴꞉ ஸஹ ரோசதே .
அவிப⁴க்தாஷ்²ச ஸர்வார்தா²꞉ ஸுஹ்ருதா³ம் நாத்ர ஸம்ஷ²ய꞉ .. 7.23.13 ..
ததோ (அ)க்³நிஸாக்ஷிகம் ஸக்²யம் க்ருதவாம்ஸ்தத்ர ராவண꞉ .
நிவாதகவசை꞉ ஸார்த⁴ம் ப்ரீதிமானப⁴வத்ததா³ .. 7.23.14 ..
அர்த²தஸ்தைர்யதா²ந்யாயம் ஸம்வத்ஸரமதோ²ஷித꞉ .
ஸ்வபுராந்நிர்விஷே²ஷம் ச ப்ரியம் ப்ராப்தோ த³ஷா²னன꞉ .. 7.23.15 ..
ததோபதா⁴ர்ய மாயானாம் ஷ²தமேகம் ஸமாப்தவான் .
ஸலிலேந்த்³ரபுரான்வேஷீ ப்⁴ரமதி ஸ்ம ரஸாதலம் .. 7.23.16 ..
ததோ (அ)ஷ்²மநக³ரம் நாம காலகேயைரதி⁴ஷ்டி²தம் .
க³த்வா து காலகேயாம்ஷ்²ச ஹத்வா தத்ர ப³லோத்கடான் .. 7.23.17 ..
ஷூ²ர்பணக்²யாஷ்²ச ப⁴ர்தாரமஸினா ப்ராச்சி²னத்ததா³ .
ஷ்²யாளம் ச ப³லவந்தம் ச வித்³யுஜ்ஜிஹ்வம் ப³லோத்கடம் .
ஜிஹ்வயா ஸம்லிஹந்தம் ச ராக்ஷஸம் ஸமரே ததா² .. 7.23.18 ..
தம் விஜித்ய முஹூர்தேன ஜக்⁴னே தை³த்யாம்ஷ்²சது꞉ஷ²தம் .. 7.23.19 ..
தத꞉ பாண்டு³ரமேகா⁴ப⁴ம் கைலாஸமிவ பா⁴ஸ்வரம் .
வருணஸ்யாளயம் தி³வ்யமபஷ்²யத்³ராக்ஷஸாதி⁴ப꞉ .. 7.23.20 ..
க்ஷரந்தீம் ச பயஸ்தத்ர ஸுரபி⁴ம் கா³மவஸ்தி²தாம் .
யஸ்யா꞉ பயோபி⁴நிஷ்யந்தா³த்க்ஷீரோதோ³ நாம ஸாக³ர꞉ .. 7.23.21 ..
த³த³ர்ஷ² ராவணஸ்தத்ர கோ³வ்ருஷேந்த்³ரவராரணிம் .
யஸ்மாச்சந்த்³ர꞉ ப்ரப⁴வதி ஷீ²தரஷ்²மிர்நிஷா²கர꞉ .. 7.23.22 ..
யம் ஸமாஷ்²ரித்ய ஜீவந்தி பே²னபா꞉ பரமர்ஷய꞉ .
அம்ருதம் யத்ர சோத்பன்னம் ஸ்வதா⁴ ச ஸ்வத⁴போ⁴ஜினாம் .. 7.23.23 ..
யாம் ப்³ருவந்தி நரா லோகே ஸுரபி⁴ம் நாம நாமத꞉ .
ப்ரத³க்ஷிணம் து தாம் க்ருத்வா ராவண꞉ பரமாத்³பு⁴தாம் .. 7.23.24 ..
ப்ரவிவேஷ² மஹாகோ⁴ரம் கு³ப்தம் ப³ஹுவிதை⁴ர்ப³லை꞉ .
ததோ தா⁴ராஷ²தாகீர்ணம் ஷா²ரதா³ப்⁴ரனிப⁴ம் ததா³ .
நித்யப்ரஹ்ருஷ்டம் த³த்³ருஷே² வருணஸ்ய க்³ருஹோத்தமம் .. 7.23.25 ..
ததோ ஹத்வா ப³லாத்⁴யக்ஷான்ஸமரே தைஷ்²ச தாடி³த꞉ .
அப்³ரவீச்ச ததோ யோதா⁴ன்ராஜா ஷீ²க்⁴ரம் நிவேத்³யதாம் .. 7.23.26 ..
யுத்³தா⁴ர்தீ² ராவண꞉ ப்ராப்தஸ்தஸ்ய யுத்³த⁴ம் ப்ரதீ³யதாம் .
வத³ வா ந ப⁴யம் தே (அ)ஸ்தி நிர்ஜிதோ (அ)ஸ்மீதி ஸாஞ்ஜலி꞉ .. 7.23.27 ..
ஏதஸ்மின்னந்தரே க்ருத்³தா⁴ வருணஸ்ய மஹாத்மன꞉ .
புத்ரா꞉ பௌத்ராஷ்²ச நிஷ்க்ராமன்கௌ³ஷ்²ச புஷ்கர ஏவ ச .. 7.23.28 ..
தே து வீர்யகு³ணோபேதா ப³லை꞉ பரிவ்ருதா꞉ ஸ்வகை꞉ .
யுங்க்த்வா ரதா²ன்காமக³மானுத்³யத்³பா⁴ஸ்வரவர்சஸ꞉ .. 7.23.29 ..
ததோ யுத்³த⁴ம் ஸமப⁴வத்³தா³ருணம் ரோமஹர்ஷணம் .
ஸலிலேந்த்³ரஸ்ய புத்ராணாம் ராவணஸ்ய ச தீ⁴மத꞉ .. 7.23.30 ..
அமாத்யைஷ்²ச மஹாவீர்யைர்த³ஷ²க்³ரீவஸ்ய ரக்ஷஸ꞉ .
வாருணம் தத்³ப³லம் க்ருத்ஸ்னம் க்ஷணேன விநிபாதிதம் .. 7.23.31 ..
ஸமீக்ஷ்ய ஸ்வப³லம் ஸங்க்²யே வருணஸ்ய ஸுதாஸ்ததா³ .
அர்தி³தா꞉ ஷ²ரஜாலேன நிவ்ருத்தா ரணகர்மண꞉ .. 7.23.32 ..
மஹீதலக³தாஸ்தே து ராவணம் த்³ருஷ்²ய புஷ்பகே .
ஆகாஷ²மாஷு² விவிஷு²꞉ ஸ்யந்த³னை꞉ ஷீ²க்⁴ரகா³மிபி⁴꞉ .. 7.23.33 ..
மஹாதா³ஸீத்ததஸ்தேஷாம் துல்யம் ஸ்தா²னமவாப்ய தத் .
ஆகாஷ²யுத்³த⁴ம் துமுலம் தே³வதா³னவயோரிவ .. 7.23.34 ..
ததஸ்தே ராவணம் யுத்³தே⁴ ஷ²ரை꞉ பாவகஸன்னிபை⁴꞉ .
விமுகீ²க்ருத்ய ஸந்துஷ்டா வினேது³ர்விவிதா⁴ன்ரவான் .. 7.23.35 ..
ததோ மஹோத³ர꞉ க்ருத்³தோ⁴ ராஜானம் த்³ருஷ்²ய த⁴ர்ஷிதம் .
த்யக்த்வா ம்ருத்யுப⁴யம் வீரோ யுத்³த⁴காங்க்ஷீ வ்யலோகயத் .. 7.23.36 ..
தேன தே தா³ருணா யுத்³தே⁴ காமகா³꞉ பவனோபமா꞉ .
மஹோத³ரேண க³த³யா ஹதா வை ப்ரயயு꞉ க்ஷிதிம் .. 7.23.37 ..
தேஷாம் வருணபுத்ராணாம் ஹத்வா யோதா⁴ன்ஹயாஞ்ச²தான் .
முமோசாஷு² மஹாநாத³ம் விரதா²ன்ப்ரேக்ஷ்ய தான்ஸ்தி²தான் .. 7.23.38 ..
தே து தேஷாம் ரதா²꞉ ஸாஷ்²வா꞉ ஸஹ ஸாரதி²பி⁴ர்ஹதை꞉ .
மஹோத³ரேண நிஹதா꞉ பதிதா꞉ ப்ருதி²வீதலே .. 7.23.39 ..
தே து த்யக்த்வா ரதா²ன்புத்ரா வருணஸ்ய மஹாத்மன꞉ .
ஆகாஷே² விஷ்டி²தா꞉ ஷூ²ரா꞉ ஸ்வப்ரபா⁴வான்ன விவ்யது²꞉ .. 7.23.40 ..
த⁴னூம்ஷி க்ருத்வா ஸஜ்ஜானி விநிர்பி⁴த்³ய மஹோத³ரம் .
ராவணம் ஸமரே க்ருத்³தா⁴꞉ ஸஹிதா꞉ ஸமபி⁴த்³ரவன் .. 7.23.41 ..
ஸாயகைஷ்²சாபவிப்⁴ரஷ்டைர்வஜ்ரகல்பை꞉ ஸுதா³ருணை꞉ .
தா³ரயந்தி ஸ்ம ஸங்க்ருத்³தா⁴ மேகா⁴ இவ மஹாகி³ரிம் .. 7.23.42 ..
தத꞉ க்ருத்³தோ⁴ த³ஷ²க்³ரீவ꞉ காலாக்³நிரிவ நிர்க³த꞉ .
ஷ²ரவர்ஷைர்மஹாகோ⁴ரைஸ்தேஷாம் மர்மஸ்வதாட³யத் .. 7.23.43 ..
ததஸ்தேனைவ ஸஹஸா ஸீத³ந்தி ஸ்ம பதா³தய꞉ .
முஸலானி விசித்ராணி ததோ ப⁴ல்லஷ²தானி ச .. 7.23.44 ..
பட்டிஷா²ம்ஷ்²சைவ ஷ²க்தீஷ்²ச ஷ²தக்⁴னீஸ்தோமராம்ஸ்ததா² .
பாதயாமாஸ து³ர்த⁴ர்ஷஸ்தேஷாமுபரி விஷ்டி²த꞉ .. 7.23.45 ..
அபவித்³தா⁴ஸ்து தே வீரா விநிஷ்பேது꞉ பதா³தய꞉ .
மஹாபங்கமிவாஸாத்³ய குஞ்ஜராஷ்ஷஷ்டிஹாயனா꞉ .. 7.23.46 ..
ஸீத³மானான்ஸுதாந்த்³ருஷ்ட்வா விஹ்வலான்ஸுமஹௌஜஸ꞉ .
நநாத³ ராவணோ ஹர்ஷான்மஹானம்பு³த⁴ரோ யதா² .. 7.23.47 ..
ததோ ரக்ஷோ மஹாநாதா³ன்முக்த்வா ஹந்தி ஸ்ம வாருணான் .
நானாப்ரஹரணோபேதைர்தா⁴ராபாதைரிவாம்பு³த³꞉ .. 7.23.48 ..
ததஸ்தே விமுகா²꞉ ஸர்வே பதிதா த⁴ரணீதலே .
ரணாத்ஸ்வபுருஷை꞉ ஷீ²க்⁴ரம் க்³ருஹாண்யேவ ப்ரவேஷி²தா꞉ .. 7.23.49 ..
தானப்³ரவீத்ததோ ரக்ஷோ வருணாய நிவேத்³யதாம் .. 7.23.50 ..
ராவணம் த்வப்³ரவீன்மந்த்ரீ ப்ரஹஸ்தோ (ப்ரஹஸோ) நாம வாருண꞉ .
க³த꞉ க²லு மஹாராஜோ ப்³ரஹ்மலோகம் ஜலேஷ்²வர꞉ .. 7.23.51 ..
கா³ந்த⁴ர்வம் வருண꞉ ஷ்²ரோதும் யம் த்வமாஹ்வயஸே யுதி⁴ .
தத்கிம் தவ வ்ருதா² வீர பரிஷ்²ரம்ய க³தே ந்ருபே .
யே து ஸந்நிஹிதா வீரா꞉ குமாராஸ்தே பராஜிதா꞉ .. 7.23.52 ..
ராக்ஷஸேந்த்³ரஸ்து தச்ச்²ருத்வா நாம விஷ்²ராவ்ய சாத்மன꞉ .
ஹர்ஷாந்நாத³ம் விமுஞ்சன்வை நிஷ்க்ராந்தோ வருணாலயாத் .. 7.23.53 ..
ஆக³தஸ்து பதா² யேன தேனைவ விநிவ்ருத்ய ஸ꞉ .
லங்காமபி⁴முகோ² ரக்ஷோ நப⁴ஸ்தலக³தோ யயௌ .. 7.23.54 ..
இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே ஶ்ரீமது³த்தரகாண்டே³ த்ரயோவிம்ஷ²꞉ ஸர்க³꞉ .. 23 ..
Source: https://sa.wikisource.org/wiki/रामायणम्/उत्तरकाण्डम्
Converted to Tamil Script using Akshara Mukha:
Script Converter: http://aksharamukha.appspot.com/converter
