ஶ்ரீமத்³ராமாயணே வால்மீகீயே ஆதி³காவ்யே ஶ்ரீமது³த்தரகாண்டே³ நவம꞉ ஸர்க³꞉
கஸ்யசித்த்வத² காலஸ்ய ஸுமாலீ நாம ராக்ஷஸ꞉ .
ரஸாதலான்மர்த்யலோகம் ஸர்வம் வை விசசார ஹ .. 7.9.1 ..
நீலஜீமூதஸங்காஷ²ஸ்தப்தகாஞ்சனகுண்ட³ல꞉ .
கன்யாம் து³ஹிதரம் க்³ருஹ்ய வினா பத்³மமிவ ஷ்²ரியம் .. 7.9.2 ..
ராக்ஷஸேந்த்³ர꞉ ஸ து ததா³ விசரன்வை மஹீதலம் .
ததா³பஷ்²யத்ஸ க³ச்ச²ந்தம் புஷ்பகேண த⁴னேஷ்²வரம் .. 7.9.3 ..
க³ச்ச²ந்தம் பிதரம் த்³ரஷ்டும் புலஸ்த்யதனயம் விபு⁴ம் .
தம் த்³ருஷ்ட்வா (அ)மரஸங்காஷ²ம் ஸ்வச்ச²ந்த³ம் தபனோபமம் .. 7.9.4 ..
ரஸாதலம் ப்ரவிஷ்ட꞉ ஸன்மர்த்யலோகாத்ஸவிஸ்மய꞉ .
இத்யேவம் சிந்தயாமாஸ ராக்ஷஸானாம் மஹாமதி꞉ .. 7.9.5 ..
கிம் க்ருதம் ஷ்²ரேய இத்யேவம் வர்தே⁴மஹி கத²ம் வயம் .
அதா²ப்³ரவீத்ஸுதாம் ரக்ஷ꞉ கைகஸீம் நாம நாமத꞉ .. 7.9.6 ..
புத்ரி ப்ரதா³னகாலோ (அ)யம் யௌவனம் வ்யதிவர்ததே .
ப்ரத்யாக்²யானாச்ச பீ⁴தைஸ்த்வம் ந வரை꞉ ப்ரதிக்³ருஹ்யஸே .. 7.9.7 ..
த்வத்க்ருதே ச வயம் ஸர்வே யந்த்ரிதா த⁴ர்மபு³த்³த⁴ய꞉ .
த்வம் ஹி ஸர்வகு³ணோபேதா ஶ்ரீ꞉ ஸாக்ஷாதி³வ புத்ரிகே .
கன்யாபித்ருத்வம் து³꞉க²ம் ஹி ஸர்வேஷாம் மானகாங்க்ஷிணாம் .. 7.9.8 ..
ந ஜ்ஞாயதே ச க꞉ கன்யாம் வரயேதி³தி கன்யகே .. 7.9.9 ..
த்வம் ஹி ஸர்வகு³ணோபேதா ஶ்ரீ꞉ ஸாக்ஷாதி³வ புத்ரிகே .
மாது꞉ குலம் பித்ருகுலம் யத்ர சைவ ப்ரதீ³யதே .
குலத்ரயம் ஸதா³ கன்யா ஸம்ஷ²யே ஸ்தா²ப்ய திஷ்ட²தி .. 7.9.10 ..
ஸா த்வம் முனிவரம் ஷ்²ரேஷ்ட²ம் ப்ரஜாபதிகுலோத்³ப⁴வம் .
ப⁴ஜ விஷ்²ரவஸம் புத்ரி பௌலஸ்த்யம் வரய ஸ்வயம் .. 7.9.11 ..
ஈத்³ருஷா²ஸ்தே ப⁴விஷ்யந்தி புத்ரா꞉ புத்ரி ந ஸம்ஷ²ய꞉ .
தேஜஸா பா⁴ஸ்கரஸமோ யாத்³ருஷோ² (அ)யம் த⁴னேஷ்²வர꞉ .. 7.9.12 ..
ஸா து தத்³வசனம் ஷ்²ருத்வா கன்யகா பித்ருகௌ³ரவாத் .
தத்ரோபாக³ம்ய ஸா தஸ்தௌ² விஷ்²ரவா யத்ர தப்யதே .. 7.9.13 ..
ஏதஸ்மின்னந்தரே ராம புலஸ்த்யதனயோ த்³விஜ꞉ .
அக்³னிஹோத்ரமுபாதிஷ்ட²ச்சதுர்த² இவ பாவக꞉ .. 7.9.14 ..
அவிசிந்த்ய து தாம் வேலாம் தா³ருணாம் பித்ருகௌ³ரவாத் .
உபஸ்ருத்யாக்³ரதஸ்தஸ்ய சரணாதோ⁴முகீ² ஸ்தி²தா .
விளிக²ந்தீ முஹுர்பூ⁴மிமங்கு³ஷ்டா²க்³ரேண பா⁴மினீ .. 7.9.15 ..
ஸ து தாம் வீக்ஷ்ய ஸுஷ்²ரோணீம் பூர்ணசந்த்³ரனிபா⁴னனாம் .
அப்³ரவீத்பரமோதா³ரோ தீ³ப்யமானாம் ஸ்வதேஜஸா .. 7.9.16 ..
ப⁴த்³ரே கஸ்யாஸி து³ஹிதா குதோ வா த்வமிஹாக³தா .
கிம் கார்யம் கஸ்ய வா ஹேதோஸ்தத்த்வதோ ப்³ரூஹி ஷோ²ப⁴னே .. 7.9.17 ..
ஏவமுக்தா து ஸா கன்யா க்ருதாஞ்ஜலிரதா²ப்³ரவீத் .
ஆத்மப்ரபா⁴வேண முனே ஜ்ஞாதுமர்ஹஸி மே மதம் .. 7.9.18 ..
கிம் து மாம் வித்³தி⁴ ப்³ரஹ்மர்ஷே ஷா²ஸனாத்பிதுராக³தாம் .
கைகஸீ நாம நாம்னாஹம் ஷே²ஷம் த்வம் ஜ்ஞாதுமர்ஹஸி .. 7.9.19 ..
ஸ து க³த்வா முநிர்த்⁴யானம் வாக்யமேதது³வாச ஹ .
விஜ்ஞாதம் தே மயா ப⁴த்³ரே காரணம் யன்மனோக³தம் .. 7.9.20 ..
ஸுதாபி⁴லாஷோ மத்தஸ்தே மத்தமாதங்க³கா³மினி .
தா³ருணாயாம் து வேலாயாம் யஸ்மாத்த்வம் மாமுபஸ்தி²தா .. 7.9.21 ..
ஷ்²ருணு தஸ்மாத்ஸுதான்ப⁴த்³ரே யாத்³ருஷா²ஞ்ஜனயிஷ்யஸி .
தா³ருணாந்தா³ருணாகாராந்தா³ருணாபி⁴ஜனப்ரியான் .. 7.9.22 ..
ப்ரஸவிஷ்யஸி ஸுஷ்²ரோணி ராக்ஷஸான்க்ரூரகர்மண꞉ .
ஸா து தத்³வசனம் ஷ்²ருத்வா ப்ரணிபத்யாப்³ரவீத்³வச꞉ .. 7.9.23 ..
ப⁴க³வன்னீத்³ருஷா²ன்புத்ராம்ஸ்த்வத்தோ (அ)ஹம் ப்³ரஹ்மவாதி³ன꞉ .
நேச்சா²மி ஸுது³ராசாரான்ப்ரஸாத³ம் கர்துமர்ஹஸி .. 7.9.24 ..
கன்யயா த்வேவமுக்தஸ்து விஷ்²ரவா முனிபுங்க³வ꞉ .
உவாச கைகஸீம் பூ⁴ய꞉ பூர்ணேந்து³ரிவ ரோஹிணீம் .. 7.9.25 ..
பஷ்²சிமோ யஸ்தவ ஸுதோ ப⁴விஷ்யதி ஷு²பா⁴னனே .
மம வம்ஷா²னுரூப꞉ ஸ த⁴ர்மாத்மா ச ப⁴விஷ்யதி .. 7.9.26 ..
ஏவமுக்தா து ஸா கன்யா ராம காலேன கேனசித் .
ஜனயாமாஸ பீ³ப⁴த்ஸம் ரக்ஷோரூபம் ஸுதா³ருணம் .. 7.9.27 ..
த³ஷ²க்³ரீவம் மஹாத³ம்ஷ்ட்ரம் நீலாஞ்ஜனசயோபமம் .
தாம்ரோஷ்ட²ம் விம்ஷ²திபு⁴ஜம் மஹாஸ்யம் தீ³ப்தமூர்த⁴ஜம் .. 7.9.28 ..
தஸ்மிஞ்ஜாதே து தத்காலே ஸஜ்வாலகவலா꞉ ஷி²வா꞉ .
க்ரவ்யாதா³ஷ்²சாபஸவ்யானி மண்ட³லானி ப்ரசக்ரமு꞉ .. 7.9.29 ..
வவர்ஷ ருதி⁴ரம் தே³வோ மேகா⁴ஷ்²ச க²ரநி꞉ஸ்வனா꞉ .
ப்ரப³பௌ⁴ ந ச ஸூர்யோ வை மஹோல்காஷ்²சாபதன்பு⁴வி .. 7.9.30 ..
சகம்பே ஜக³தீ சைவ வவுர்வாதா꞉ ஸுதா³ருணா꞉ .
அக்ஷோப்⁴ய꞉ க்ஷுபி⁴தஷ்²சைவ ஸமுத்³ர꞉ ஸரிதாம் பதி꞉ .. 7.9.31 ..
அத² நாமாகரோத்தஸ்ய பிதாமஹஸம꞉ பிதா .
த³ஷ²க்³ரீவ꞉ ப்ரஸூதோ (அ)யம் த³ஷ²க்³ரீவோ ப⁴விஷ்யதி .. 7.9.32 ..
தஸ்ய த்வனந்தரம் ஜாத꞉ கும்ப⁴கர்ணோ மஹாப³ல꞉ .
ப்ரமாணாத்³யஸ்ய விபுலம் ப்ரமாணம் நேஹ வித்³யதே .. 7.9.33 ..
தத꞉ ஷூ²ர்பணகா² நாம ஸஞ்ஜஜ்ஞே விக்ருதானனா .
விபீ⁴ஷணஷ்²ச த⁴ர்மாத்மா கைகஸ்யா꞉ பஷ்²சிம꞉ ஸுத꞉ .. 7.9.34 ..
தஸ்மிஞ்ஜாதே மஹாஸத்த்வே புஷ்பவர்ஷம் பபாத ஹ .. 7.9.35 ..
நப⁴꞉ஸ்தா²னே து³ந்து³ப⁴யோ தே³வானாம் ப்ராணத³ம்ஸ்ததா³ .
வாக்யம் சைவாந்தரிக்ஷே ச ஸாது⁴ ஸாத்⁴விதி தத்ததா³ .. 7.9.36 ..
தௌ து தத்ர மஹாரண்யே வவ்ருதா⁴தே மஹௌஜஸௌ .
கும்ப⁴கர்ணத³ஷ²க்³ரீவௌ லோகோத்³வேக³கரௌ ததா³ .. 7.9.37 ..
கும்ப⁴கர்ண꞉ ப்ரமத்தஸ்து மஹர்ஷீந்த⁴ர்மவத்ஸலான் .
த்ரைலோக்யம் ப⁴க்ஷயந்நித்யாஸந்துஷ்டோ விசசார ஹ .. 7.9.38 ..
விபீ⁴ஷணஸ்து த⁴ர்மாத்மா நித்யம் த⁴ர்மே வ்யவஸ்தி²த꞉ .
ஸ்வாத்⁴யாயநியதாஹார உவாஸ விஜிதேந்த்³ரிய꞉ .. 7.9.39 ..
அத² வைஷ்²ரவணோ தே³வஸ்தத்ர காலேன கேனசித் .
ஆக³த꞉ பிதரம் த்³ரஷ்டும் புஷ்பகேண த⁴னேஷ்²வர꞉ .. 7.9.40 ..
தம் த்³ருஷ்ட்வா கைகஸீ தத்ர ஜ்வலந்தமிவ தேஜஸா .
ஆக³ம்ய ராக்ஷஸீ தத்ர த³ஷ²க்³ரீவமுவாச ஹ .. 7.9.41 ..
புத்ர வைஷ்²ரவணம் பஷ்²ய ப்⁴ராதரம் தேஜஸா வ்ருதம் .
ப்⁴ராத்ருபா⁴வே ஸமே சாபி பஷ்²யாத்மானம் த்வமீத்³ருஷ²ம் .. 7.9.42 ..
த³ஷ²க்³ரீவ ததா² யத்னம் குருஷ்வாமிதவிக்ரம .
யதா² த்வமஸி மே புத்ர ப⁴வ ர்வைஷ்²ரவணோபம꞉ .. 7.9.43 ..
மாதுஸ்தத்³வசனம் ஷ்²ருத்வா த³ஷ²க்³ரீவ꞉ ப்ரதாபவான் .
அமர்ஷமதுலம் லேபே⁴ ப்ரதிஜ்ஞாம் சாகரோத்ததா³ .. 7.9.44 ..
ஸத்யம் தே ப்ரதிஜாநாமி ப்⁴ராத்ருதுல்யோ (அ)தி⁴கோ (அ)பி வா .
ப⁴விஷ்யாம்யோஜஸா சைவ ஸந்தாபம் த்யஜ ஹ்ருத்³க³தம் .. 7.9.45 ..
ததஸ்தேனைவ கோபேன த³ஷ²க்³ரீவ꞉ ஸஹானுஜ꞉ .
சிகீர்ஷுர்து³ஷ்கரம் கர்ம தபஸே த்⁴ருதமானஸ꞉ .. 7.9.46 ..
ப்ராப்ஸ்யாமி தபஸா காமமிதி க்ருத்வா (அ)த்⁴யவஸ்ய ச .
ஆக³ச்ச²தா³த்மஸித்³த்⁴யர்த²ம் கோ³கர்ணஸ்யாஷ்²ரமம் ஷு²ப⁴ம் .. 7.9.47 ..
ஸ ராக்ஷஸஸ்தத்ர ஸஹானுஜஸ்ததா³ தபஷ்²சகாராதுலமுக்³ரவிக்ரம꞉ .
அதோஷயச்சாபி பிதாமஹம் விபு⁴ம் த³தௌ³ ஸ துஷ்டஷ்²ச வராஞ்ஜயாவஹான் .. 7.9.48 ..
இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே ஶ்ரீமது³த்தரகாண்டே³ நவம꞉ ஸர்க³꞉ .. 9 ..
Source: https://sa.wikisource.org/wiki/रामायणम्/उत्तरकाण्डम्
Converted to Tamil Script using Akshara Mukha:
Script Converter: http://aksharamukha.appspot.com/converter
