ஶ்ரீமத்³ராமாயணே வால்மீகீயே ஆதி³காவ்யே ஶ்ரீமது³த்தரகாண்டே³ ப்ரத²ம꞉ ஸர்க³꞉
ப்ராப்தராஜ்யஸ்ய ராமஸ்ய ராக்ஷஸானாம் வதே⁴ க்ருதே .
ஆஜக்³முர்ருஷய꞉ ஸர்வே ராக⁴வம் ப்ரதினந்தி³தும் .. 7.1.1 ..
கௌஷி²கோ (அ)த² யவக்ரீதோ கா³ர்க்³யோ கா³ளவ ஏவ ச .
கண்வோ மேதா⁴திதே²꞉ புத்ர꞉ பூர்வஸ்யாம் தி³ஷி² யே ஷ்²ரிதா꞉ .. 7.1.2 ..
ஸ்வஸ்த்யாத்ரேயோ (அ)த² ப⁴க³வாந்நமுசி꞉ ப்ரமுசிஸ்ததா² .
ஆஜக்³முஸ்தே ஸஹாக³ஸ்த்யா யே ஷ்²ரிதா த³க்ஷிணாம் தி³ஷ²ம் .. 7.1.3 ..
ந்ருஷத்³கு³꞉ கவஷோ தௌ⁴ம்யோ ரௌத்³ரேயஷ்²ச மஹாந்ருஷி꞉ .
தே (அ)ப்யாஜக்³மு꞉ ஸஷி²ஷ்யா வை யே ஷ்²ரிதா꞉ பஷ்²சிமாம் தி³ஷ²ம் .. 7.1.4 ..
வஸிஷ்ட²꞉ கஷ்²யபோ (அ)தா²த்ரிர்விஷ்²வாமித்ர꞉ ஸகௌ³தம꞉ .
ஜமத³க்³நிர்ப⁴ரத்³வாஜஸ்தே (அ)பி ஸப்தர்ஷயஸ்ததா² .. 7.1.5 ..
உதீ³ச்யாம் தி³ஷி² ஸப்தைதே நித்யமேவ நிவாஸின꞉ .. 7.1.6 ..
ஸம்ப்ராப்ய தே மஹாத்மானோ ராக⁴வஸ்ய நிவேஷ²னம் .
விஷ்டிதா꞉ ப்ரதிஹாரார்த²ம் ஹுதாஷ²னஸமப்ரபா⁴꞉ .
வேத³வேதா³ங்க³விது³ஷோ நாநாஷா²ஸ்த்ரவிஷா²ரதா³꞉ .. 7.1.7 ..
த்³வா꞉ஸ்த²ம் ப்ரோவாச த⁴ர்மாத்மா அக³ஸ்த்யோ முநிஸத்தம꞉ .
நிவேத்³யதாம் தா³ஷ²ரதே²ர்ருஷீனஸ்மான்ஸமாக³தான் .. 7.1.8 ..
ப்ரதீஹாரஸ்ததஸ்தூர்ணமக³ஸ்த்யவசநாத்³த்³ருதம் .
ஸமீபம் ராக⁴வஸ்யாஷு² ப்ரவிவேஷ² மஹாத்மன꞉ .. 7.1.9 ..
நயேங்கி³தஜ்ஞ꞉ ஸத்³வ்ருத்தோ த³க்ஷோ தை⁴ர்யஸமன்வித꞉ .
ஸ ராமம் த்³ருஷ்²ய ஸஹஸா பூர்ணசந்த்³ரஸமப்ரப⁴ம் .. 7.1.10 ..
அக³ஸ்த்யம் கத²யாமாஸ ஸம்ப்ராப்தம்ருஷிபி⁴꞉ ஸஹ .. 7.1.11 ..
ஷ்²ருத்வா ப்ராப்தான்முனீம்ஸ்தாம்ஸ்து பா³லஸூர்யஸமப்ரபா⁴ன் .
ப்ரத்யுவாச ததோ த்³வாஸ்ஸ்த²ம் ப்ரவேஷ²ய யதா²ஸுக²ம் .. 7.1.12 ..
தான் ஸம்ப்ராப்தான் முனீன் த்³ருஷ்ட்வா ப்ரத்யுத்தா²ய க்ருதாஞ்ஜலி꞉ .
பாத்³யார்க்⁴யாதி³பி⁴ரானர்ச கா³ம் நிவேத்³ய ச ஸாத³ரம் .. 7.1.13 ..
ராமோ (அ)பி⁴வாத்³ய ப்ரயத ஆஸனான்யாதி³தே³ஷ² ஹ .
தேஷு காஞ்சனசித்ரேஷு மஹத்ஸு ச வரேஷு ச .. 7.1.14 ..
குஷா²ந்தர்தா⁴னத³த்தேஷு ம்ருக³சர்மயுதேஷு ச .
யதா²ர்ஹமுபவிஷ்டாஸ்தே ஆஸனேஷ்வ்ருஷிபுங்க³வா꞉ .. 7.1.15 ..
ராமேண குஷ²லம் ப்ருஷ்டா꞉ ஸஷி²ஷ்யா꞉ ஸபுரோக³மா꞉ .
மஹர்ஷயோ வேத³விதோ³ ராமம் வசனமப்³ருவன் .. 7.1.16 ..
குஷ²லம் நோ மஹாபா³ஹோ ஸர்வத்ர ரகு⁴நந்த³ன .
த்வாம் து தி³ஷ்ட்யா குஷ²லினம் பஷ்²யாமோ ஹதஷா²த்ரவம் .. 7.1.17 ..
தி³ஷ்ட்யா த்வயா ஹதோ ராஜன்ராவணோ லோகராவண꞉ .
ந ஹி பா⁴ர꞉ ஸ தே ராம ராவண꞉ புத்ரபௌத்ரவான் .. 7.1.18 ..
ஸத⁴னுஸ்த்வம் ஹி லோகாம்ஸ்த்ரீன்விஜயேதா² ந ஸம்ஷ²ய꞉ .
தி³ஷ்ட்யா த்வயா ஹதோ ராம ராவணோ ராக்ஷஸேஷ்²வர꞉ .. 7.1.19 ..
தி³ஷ்ட்யா விஜயினம் த்வாத்³ய பஷ்²யாம꞉ ஸஹ ஸீதயா .
லக்ஷ்மணேன ச த⁴ர்மாத்மன்ப்⁴ராத்ரா த்வத்³தி⁴தகாரிணா .. 7.1.20 ..
மாத்ருபி⁴ர்ப்⁴ராத்ருஸஹிதம் பஷ்²யாமோ (அ)த்³ய வயம் ந்ருப .
தி³ஷ்ட்யா ப்ரஹஸ்தோ விகடோ விரூபாக்ஷோ மஹோத³ர꞉ .
அகம்பனஷ்²ச து³ர்த⁴ர்ஷோ நிஹதாஸ்தே நிஷா²சரா꞉ .. 7.1.21 ..
யஸ்ய ப்ரமாணாத்³விபுலம் ப்ரமாணம் நேஹ வித்³யதே .
தி³ஷ்ட்யா தே ஸமரே ராம கும்ப⁴கர்ணோ நிபாதித꞉ .. 7.1.22 ..
த்ரிஷி²ராஷ்²சாதிகாயஷ்²ச தே³வாந்தகனராந்தகௌ .
தி³ஷ்ட்யா தே நிஹதா ராம மஹாவீர்யா நிஷா²சரா꞉ .. 7.1.23 ..
கும்ப⁴ஷ்²சைவ நிகும்ப⁴ஷ்²ச ராக்ஷஸௌ பீ⁴மத³ர்ஷ²னௌ .
தி³ஷ்ட்யா தௌ நிஹதௌ ராம கும்ப⁴கர்ணஸுதௌ ம்ருதே⁴ .. 7.1.24 ..
யுத்³தோ⁴ன்மத்தஷ்²ச மத்தஷ்²ச காலாந்தகயமோபமௌ .
யஜ்ஞகோபஷ்²ச ப³லவாந்தூ⁴ம்ராக்ஷோ நாம ராக்ஷஸ꞉ .. 7.1.25 ..
குர்வந்த꞉ கத³னம் கோ⁴ரமேதே ஷ²ஸ்த்ராஸ்த்ரபாரகா³꞉ .
அந்தகப்ரதிமைர்பா³ணைர்தி³ஷ்ட்யா வினிஹதாஸ்த்வயா .. 7.1.26 ..
தி³ஷ்ட்யா த்வம் ராக்ஷஸேந்த்³ரேண த்³வந்த்³வயுத்³த⁴முபாக³த꞉ .
தே³வதாநாமவத்⁴யேன விஜயம் ப்ராப்தவானஸி .. 7.1.27 ..
ஸங்க்²யே தஸ்ய ந கிஞ்சித்து ராவணஸ்ய பராப⁴வ꞉ .
த்³வந்த்³வயுத்³த⁴மனுப்ராப்தோ தி³ஷ்ட்யா தே ராவணிர்ஹத꞉ .. 7.1.28 ..
தி³ஷ்ட்யா தஸ்ய மஹாபா³ஹோ காலஸ்யேவாபி⁴தா⁴வத꞉ .
முக்த꞉ ஸுரரிபோர்வீர ப்ராப்தஷ்²ச விஜயஸ்த்வயா .. 7.1.29 ..
அபி⁴னந்தா³ம தே ஸர்வே ஸம்ஷ்²ருத்யேந்த்³ரஜிதோ வத⁴ம் .
ஸோ (அ)வத்⁴ய꞉ ஸர்வபூ⁴தானாம் மஹாமாயாத⁴ரோ யுதி⁴ .. 7.1.30 ..
விஸ்மயஸ்த்வேஷ சாஸ்மாகம் தச்ச்²ருத்வேந்த்³ரஜிதம் ஹதம் .. 7.1.31 ..
ஏதே சான்யே ச ப³ஹவோ ராக்ஷஸா꞉ காமரூபிண꞉ .
தி³ஷ்ட்யா த்வயா ஹதா வீரா ரகூ⁴ணாம் குலவர்த்³த⁴ன .. 7.1.32 ..
த³த்த்வா புண்யாமிமாம் வீர ஸௌம்யாமப⁴யத³க்ஷிணாம் ..
தி³ஷ்ட்யா வர்த⁴ஸி காகுத்ஸ்த² ஜயேநாமித்ரகர்ஷ²ன .. 7.1.33 ..
ஷ்²ருத்வா து தேஷாம் வசனம்ருஷீணாம் பா⁴விதாத்மனாம் .
விஸ்மயம் பரமம் க³த்வா ராம꞉ ப்ராஞ்ஜலிரப்³ரவீத் .. 7.1.34 ..
ப⁴க³வந்த꞉ கும்ப⁴கர்ணம் ராவணம் ச நிஷா²சரம் .
அதிக்ரம்ய மஹாவீர்யௌ கிம் ப்ரஷ²ம்ஸத² ராவணிம் .. 7.1.35 ..
மஹோத³ரம் ப்ரஹஸ்தம் ச விரூபாக்ஷம் ச ராக்ஷஸம் .
மத்தோன்மத்தௌ ச து³ர்த⁴ர்ஷௌ தே³வாந்தகனராந்தகௌ ..
அதிக்ரம்ய மஹாவீர்யான் கிம் ப்ரஷ²ம்ஸத² ராவணிம் .. 7.1.36 ..
அதிகாயம் த்ரிஷி²ரஸம் தூ⁴ம்ராக்ஷம் ச நிஷா²சரம் .
அதிக்ரம்ய மஹாவீர்யான்கிம் ப்ரஷ²ம்ஸத² ராவணிம் .. 7.1.37 ..
கீத்³ருஷோ² வை ப்ரபா⁴வோ (அ)ஸ்ய கிம் ப³லம் க꞉ பராக்ரம꞉ .
கேன வா காரணேனைஷ ராவணாத³திரிச்யதே .. 7.1.38 ..
ஷ²க்யம் யதி³ மயா ஷ்²ரோதும் ந க²ல்வாஜ்ஞாபயாமி வ꞉ .
யதி³ கு³ஹ்யம் ந சேத்³வக்தும் ஷ்²ரோதுமிச்சா²மி கத்²யதாம் .. 7.1.39 ..
ஷ²க்ரோ (அ)பி விஜிதஸ்தேன கத²ம் லப்³த⁴வரஷ்²ச ஸ꞉ .
கத²ம் ச ப³லவானன்புத்ரோ ந பிதா தஸ்ய ராவண꞉ .. 7.1.40 ..
கத²ம் பிதுஷ்²சாப்⁴யதி⁴கோ மஹாஹவே ஷ²க்ரஸ்ய ஜேதா ஹி கத²ம் ஸ ராக்ஷஸ꞉ .
வராஷ்²ச லப்³தா⁴꞉ கத²யஸ்வ மே (அ)த்³ய தத்ப்ருச்ச²தஷ்²சாஸ்ய முனீந்த்³ர ஸர்வம் .. 7.1.41 ..
இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே ஶ்ரீமது³த்தரகாண்டே³ ப்ரத²ம꞉ ஸர்க³꞉ .. 1 ..
Source: https://sa.wikisource.org/wiki/रामायणम्/उत्तरकाण्डम्
Converted to Tamil Script using Akshara Mukha:
Script Converter: http://aksharamukha.appspot.com/converter
